وعليكم السلام ورحمة الله وبركاته
وانا كمان خلصت
اول مرة نبدأ وننتهي بصفحة من مذكرات الفتى
مااعرف ايش اقول عن الولد بس كل فصل يصدمني عن الفصل الي قبله ><
كلامه وفخره بماضيه الي مايستحق الفخر أصلا يذكرني بأنتوني لمن يبجل جده السفاح
تيدي ولد العم البريء النقيض تماما له يمكن هو الشخص الوحيد في العيلة الي طالع على العمة الطيبة
دحين سارت عندنا فكره عن شخصيات العمة وتيدي وليلى لانو اتكلم عنهم كتير في مذكراته باقي العم
الموقف الي سار بين ليلى والفتى موقف مرة غريب حيرني ..كان مجرد طيش من شاب ولا هو حب
ولمن كان يتكلم عن ليلى وكأنها الجائزة الي حيفوز بيها
أما ليلى دمعت من الحال الي وصلت له..مااعرف ايش اقول بس ايش باقيلهاولاشي.. حتى نفسها باعتها >_<
كلامها وهيا تتصور الدرج مكان تنام فيه و نفسها وهيا تنبش في الزبالة عشان تدور على بقايا الاطعمه ..كتير عليا
يمكن الحسنة الوحيدة الي تبهرني انها تتكلم لغات اول فرنسي بطلاقه ودحين اسباني والله العالم ايش الجي
أنتوني ماسرت اتخيله الا بصورة الممثل من جد الخالق الناطق
الادمي المليء بالتناقضات اول شي مايجيب سيرة جده الا يقول جدي المميز
وحاطط صور ضحاياه كأروع زينة في البيت وفي نفس الوقت تلاقيه يحارب الشر مع انو جده هو الشيطان بعينه
وشوية يلعب ع الوتر الحساس لمورا الي هو والدتها ويجيها بحجج العروق الشيطانية كأنو بيحيي الشر جواتها
ولسا يبغاها تنضم للنادي الي يحارب الشر![]()
فكروني اني قلت مااحبو عشان لو مات مااحزن عليه
--
العلاقة اتطورت بين دانيل ومورا كنت احسب الصد من ناحية مورا بس طلع دانيل بقصة الوعد الي قطعه
صدقت رايه لمن قالت عليه رجال دين مخرف
من الاشياء الي عجبتني في الرواية غير أسلوب الكاتبة ومفاجأاتها لما مثلا تجيب الشخص يجاوب على سؤال فأكيد يكون بين
قوسين صغيرة ويكون الجواب على قد السؤال بس خارج الاقواس تكون الاجابة الشافية كأنها بتكلم نفسها
ومع كدا كأنها تعطي للقارئ فكرة عن الانطباعات والأفكار الي بتدور في راسها .
---
جوجتي الأمورة
اكتر شي يمتعني في القراءة اني بقرأ لكاتبة عبقرية تعرف كيف تبهر القراء بأحداث غير متوقعةاهم حدث كان موت اودونيل التي كانت توجه اليها اصابع الاتهام بانها متعاونة مع القاتل
كان امر رائع من الكاتبة انها صدمتنا مباشرة بموت الشخص الاول الذي كان تحت الاتهام
موت أودونيل ماكان لا ع البال ولا ع الخاطر..منظرها وهيا مضرجة بدمائها على الأرض ..صوت تنفسها العالي
ورقبتها المقطوعة الا قطع الرقبة لمن تعطس وتتطاير الدماء احس قلبي يتعصر مع كل عطسة
افتكرت لمن اكون مزكمة وحلقي ملتهب وتجيني عطسة
طبعا اايش جاب لجاب بس من جد اتألمت المسكينة
لا تقولي@__@اخشى ان تكون هي الضحية التي وجدوها في نيويورك>_<
ايش يوديها نيويورك هيا كانت رافضة من البداية ترجع لامريكا عشان حيطلعها بكل سهولة
لاتنسي كمان لون اللبس الأسود كانو المؤلفة بتشككنا فيه بالقوةيبقى امر انتوني و الملاحظة التي لاحظناها بانه اختفى عندما كان في ساحة منزل اودونيل و ظهر فجاة من خلف مورا!؟ ماذا كان يفعل و كيف اختفى و كيف ظهر
حتى عندما كانت مورا تسعف اودونيل هل حقاً كان انتوني يخابر الاسعافو لم ينتبه على وجود القاتل؟
لو افترضنا انو انتوني القاتل فمو من صالحه ابدا انو مورا تنقذ أودونيل لانها حتفضحه
فقام سوى الي سواه وضرب مورا على راسها عشان تموت اودونيل وحيدة
ربط جميل مع اني مااتمنى انو الاحداث تنحي دا المنحى الي يرتبط ويتداخل مع ماضي عائلة انتوني من انو كل الجرائم حصلت عشان تنتقم او تلفت انتباههمن كلام الفتى ( القاتل) بدا واضحاً انه يتبع جماعة دينية لكن ما علاقتها بعائلة انتوني؟ هل هو انتقام قديم ؟ و هل عائلة انتوتني تمثل رمز ديني او ربما شيطاني









اضافة رد مع اقتباس
تخيلوا لو في النهاية يطلع عندنا قاتلين انتوني و الفتى الغريب و يعملوا لحساب بعضهم










,,







.!




.!




ذلك الشاب كنت اعتبره شخص غير مريح و لم احبه ابداً خخخخ حتى فكرت انه قاتل 
المفضلات