السلام عليكم ورحمة الله وبركاته
كشفت الأحداث الأخيرة عن أهمية الشعب المصرى
وعن القوة الكامنة داخل هذا الشعب العظيم
ذلك الشعب الذى نعته الجميع بأنّه الحمار يحمل أسفارا
^_^
وبعد ذلك , ثار الشعب ثورة رجل واحد و اربع نساء <![]()
هذا بعض ما أقدمه لمصر الوطن
سلام يامصر الوطن , يا مصر العين
انا جيتلك يا مصر ع الخيل
أجرى ... وورايا ضلّ الليل
انا ابنك اللى حررك ع النيل
انا اللى صمدت فيكى وقت السيل
انا اللى حبيتك بدون مقدار او اتنين
وانتى كنتى بتحبينى بالكيل
انا فى طريقى ... هو لسة كم ميل ؟!
يوم 25 يناير ... ضحيت بأخت وكمان أخين
ولا تِغلى عليكى العين .
" يسقط النظام" , أنا حررتك بهالكلمتين
انا كنت الجيش لمّا الأمن اعتدى وكنت الشعب لمّا الجيش ارتضى
انا انتفضت انتفاضة مش هتتكرر مرتين
ولمّا قالوا يا مصر انّك فى خطر , مشيت بدل الخطوة خطوتين
وسمعت صوتك فى ودنى انين
قالولى أمّك هترجع ... عدا يوم وراه يومين
وجيتى غضبانة منّى , اللى زعّلَك مين ؟!
ازاى ترضى عنّى يا أمى , ولا لازم أكون من الطغاة الظالمين
أمى ... أنا تحت رجلك , دوسى كمان دوسى , خلينى فى الطين
انا حررتك خلاص ... وقدمت لك خدمتين
ولّا صحيح ; همّ فين ولادك التانيين ؟!
هم اللى صنعوكـِ , فى يومين .
ولادك كلهم كانوا واحد مش اتنين
الشعر طوّل ليه ... دول كانوا يامصر بيتين
ماهو اللى يكتب فيك ياوطن ... ينسى هو فين
تحية للشعب المصرى العظيم ^_^
والسلام عليكم ورحمة الله وبركاته






اضافة رد مع اقتباس
, ومبركـ تنحى الرئيس مباركـ، 


المفضلات