السلام عليكم
شلونكم شباب شخباركم
شباب انا ماسجلت في المنتدى الا عشان اقول لكم اني شفت نجم الدبلجه الخليجيه الفنان الكبير فلاح هاشم
حيث قبل فتره في منتدى مكسات قريت موضوع عن فلاح هاشم وكتب احد الاعضاء بانه موجود في وزارة الاعلام في الكويت بقسم الاذاعه
فاليوم بالصدفه ذهبت حق وزارة الاعلام بقسم الاذاعه وقلت بشوفه موجود او لا
والحمدلله لقيته مع الممثل علي المفيدي في الاذاعه يالفون مسلسل اذاعي حق رمضان
وشفت وجهه هو نفسه اللي بالصوره اللي وضعها الاخ في موضوع فلاح هاشم
وفرحت وبطير من الفرحه وتكلمت معه شوي
حيث اسمه
فلاح هاشم هارون الشمري
وهو عراقي الجنسيه وصوته نفسه مثل ماهو ما تغير وهو اسمر البشره
حاولت اتكلم معاه اكثر لكن منعوني لانهم بيسوون المسلسل الاذاعي
اللي يبي يشوفه يروح حق وزارة الاعلام بقسم الاذاعه ويلقاه في اول غرفه على اليسار
وانتظروني خلال كم يوم احاول اني اروح للوزاره مره ثانيه واجيب لكم صور له ويمكن لقاء لعيون مكسات
وسلام يااخوان
المفضلات