السلام عليكم ورحمة الله وبركاته
اولاً: عندي وجهة نظر وهي الرجاء عدم اخد ايات من القرآن الكريم ونفسرها بطريقتنا ، ما نبغى حتى با لخطاء نغلط في تفسير او اي شي من هذا القبيل. ( حتى لو كان تفسيرك صحيح ، اترك الايات لان الأية كانت تتكلم معن موضوع وانت تتكلم عن موضوع)
شي تاني: ليش تقول الحق على البنات ؟ يا رجل انا اعرف شباب بالقوة الا يتعرف على البنت ويخطط ويكيد و يفكر حتى يجيبها بالطيب او بالقوة ، ولا تقولي هيا اعطته وجه.
احياناً البنت من واقع عملها تطر تتكلم مع شخص وتظهر له احترام و حنية بسبب مكانها في العمل ، فا يفهمها الولد غلط وتبدأ المطاردة زي البس والفار.
اكتر ما اثارني في الموضوع وهو التعميم ان البنات هم سبب الأنحراف ( ولا تقول انا ماخصصت ، الموضوع واضح من عنوانه )
بعض البنات هما الي يجدبوا الشباب لأديتهم وهذا النوع يستاهل ما يجيه ، لكن النوع الثاني الي الشباب يلاحقهوم ويرجوا وراهم ، وتصير البنت خايفة من تصرفات هذا الشخص ، ولا تنسى ان الكثير من البنات ما يحبوا يعملوا مشاكل في اماكن عامة
لأن في ناس فكرتهم مثلك ، راح يقولوا اكيد هيا بدأت ، او هي السبب ، وراح تصير هيا السبب بدل ما تكون هيا الضحية.
ولاحظة شي تاني: وهو ان اكثر البنات الي ردوا على الموضوع اتفقوا معاك ، وانا ما الومهم لسببين.
ان قالت انت غلطان وفي شباب هما الي يكونوا السبب ، وطرحت اسبابها راح يصير نظرة المشاركين لها نظرة سلبية.
وان قالت روح الأسواق والملاهي وشوف الي يصير هناك من مضاربات وامشاكل كبيرة بسبب ان البنت قالت لأخوها او ابوها شوف هذا يغازلني ، فا احياناً تشوف الأدية وتسكت خوفاً على اهلها وعلى نفسها من المشاكل والفضيحة ،( والأخ المغاززل يفتكر نفسه روميوا ، يقول لاصحابة شوفوا اعطتني وجه ، وهيا اصلاً نفسها تعطيه بالكعب الي في رجلها.
وغير بعض الشباب الي يسرق ايميل البنت او يدخل على جهازها وياخذ منه صور واشياء ، ويصير يستفزها وبتزها ، وغيرها وغيرها كثير.
بعد هذي المقدمة والمعطيات الي قدمتها اوصل للمطلوب من الكاتب الكريم وهو عدم التعميم على جنس محدد بأن هو سبب المشكلة.
ما الرجال مسيطرين على العالم كله في اتخاذ القرار ، وشوف المشاكل الي صايرة في العالم ، من انهيار اقتصاد و مشاكل السيول مثلاً في جدة ومشاكل الانترنت والقرصنة ، ليش ما نقول الرجال هم سبب الكارثة !!!
لأن لو اي احد قال كذا راح تلاقي الف رجال وبنت تدافع عن الرجال بصفة عامة وراح يقولوا هذولا اشخاص محددين بعينهم ، ولازم نفرق ونخصص وما نعمم ، فا هذا رأيي بصراحة
ولعلمك انا مو بنت عشان ادافع عنهم لكن انا اتكلم على لسان الكثير الي ما قدروا يردوا علي الموضوع
اضافة رد مع اقتباس
ذاك يقول لا للمواضيع العاطفية وانا اقول لا للردود العنصرية المشكلة تقبع في كلا الجنسين وكما قلت في رد سابق المشكلة اصل نشوبها من الاهل بيدهم كل شئ إما صلاح الابناء او فسادهم نحن لا نجد الحلول ولكن نحاول إنارة عقول البعض وشكراً لمن يحاول ان يكون في رده فائدةً للجميع
.
وانت قلت انو مافي علاقة بين الولد والبنت غير الزواج وهذا طبعا مو كل المجتمعات
>> والبنت تكون بريئة
المفضلات