Cinderella Man

[معجب برشلونة]

[Glow]مرحبا[/Glow]

هذي اول مرة اسوي موضوع في ميغا موفي وهو عن الفلم العجيب Cinderalla Man



Set in New York during the Depression, this is the story of James Braddock (Crowe), who takes up boxing to make money to feed his family, and ends up becoming quite famous in the process, eventually going
up against champ Max Baer


الفلم عن رجل اسمه جايمز برادوك يعيش مع زوجته واطفاله في نيو يورك في وقت فقر شديد ولم يكن عنده وظيفة فأصبح ملاكم فقط ليكن لديه مال كافي لطعامه وطعام عائلته ولكنه في الاخير اصبح ملاكم مشهور وغني جدا واستطاع ان يلاكم بطل العالم في الملاكمة ماكس باير.


نوع الفلم: دراما
وقت اطلاق الفلم جون 3
الفلم :ساعتين واربع وعشرين دقيقة

MPAA Rating: PG-13 for intense boxing violence and some language.
Distributor: Universal Pictures


اهم الممثلين:رسل كرو -رينيه زيلوغير-بروس مكغيل

المخرج:رون هاورد

المنتجين:تود هاليول-براين غرايزر-بيني مارشل


وهذي بعض صور الفلم




وشلون واحد شايب كذا مدرب ملاكمة؟



راح من فقير الى غني لأنه يضرب الناس!!!!!!!


حلوة ريني في هذي الصورة


مسكينة بنته خايفة عليه


شوفوا وشلون عائلته حلوين


وش هذي الزحمة الي وراهم


يعلمه وشلون يسلم


واضح عليهم انهم يحبون بعض موت


شوفو الملاكم الثاني خشمه كانه خشم مايكل جاكسون


في الاخير اقول مشكورين لقراءة التقرير وان شاء الله عجبكم مع تحياتي
[Glow]معجب برشلونة[/Glow]

[رانزي الساحرة83]

[Glow]مرحبا[/Glow]

مرحبتيـ^_^ـن أخوي معجب برشلونة

هذي اول مرة اسوي موضوع في ميغا موفي

مشكور عالتقرير الحلو وإن شاء الله يكون هالتقرير بداية موفقة لتقارير أخرى ناجحة

وهو عن الفلم العجيب Cinderalla Man

هالفيلم شفت بوستره في سينمتنا وإن شاء الله يعرضونه قريب ودي أشوفه>_<
شكله فلاوي

Set in New York during the Depression, this is the story of James Braddock (Crowe), who takes up boxing to make money to feed his family, and ends up becoming quite famous in the process, eventually going
up against champ Max Baer

الفلم عن رجل اسمه جايمز برادوك يعيش مع زوجته واطفاله في نيو يورك في وقت فقر شديد ولم يكن عنده وظيفة فأصبح ملاكم فقط ليكن لديه مال كافي لطعامه وطعام عائلته ولكنه في الاخير اصبح ملاكم مشهور وغني جدا واستطاع ان يلاكم بطل العالم في الملاكمة ماكس باير.

مشكور عالنبذتين بالانجليزي والعربي ^_^ تقدر إذا حاب تكتفي بالنبذة اللي بالعربي لكن أهم شي ما تحط الانجليزي وبس

نوع الفلم: دراما
وقت اطلاق الفلم جون 3

مع إني ما أحب الدراما وايد لكن رسل كرو عجيب ومعاه الفلاوية رينيه زيلويغر
والفيلم صار له أكثر من شهر من نزل - يلا إن شاء الله نشوفه قريب

الفلم :ساعتين واربع وعشرين دقيقة

كأنه طويل نوعاً ما؟
لكن أعتقد مشوق وما بحس بطول الوقت

MPAA Rating: PG-13 for intense boxing violence and some language.

والله زين إذا بس هاي اللي فيه

اهم الممثلين:رسل كرو -رينيه زيلوغير

المخرج:رون هاورد

والمخرج رائع! هو نفسه تعاون مع رسل كرو في الفيلم الأوسكاري A Beautiful Mind

وشلون واحد شايب كذا مدرب ملاكمة؟

خبرة

راح من فقير الى غني لأنه يضرب الناس!!!!!!!

هي هي هي!
بيه ذكرتني! رسل كرو في الحقيقة والواقع فعلاً يضرب الناس! آخر مرة موظف الفندق المسكين والحين يواجه حكم بالسجن إذا أدانوه الله يهداك يا رسل!

مسكينة بنته خايفة عليه

البنت تشبه رينيه في الفيلم شبه كبير!

شوفوا وشلون عائلته حلوين

وايد حلوين
مع إني ما أعرف خلفية شخصية رسل كرو في الفيلم هاي لكن بالنظر لقبعة ولده اللي عاليسار الـ flatcap الايرلندية - قبعة الايرلنديين المشهورة (وينج يا أليكسا؟ ) - أتوقع إن يمثل شخصية من أصل إيرلندي من اللي هاجروا لأمريكا بداية القرن الماضي واللي أغلبهم اشتغلوا كملاكمين
إذا تذكرون فيلم Far and Away بطولة توم كروز ونيكول كيدمان؟ توم مثل دور إيرلندي هاجر إلى أمريكا مع نيكول واشتغل شغلة معظم الايرلنديين في ذاك الوقت هناك وهي الملاكمة عاد قولوا من مخرج هالفيلم؟
نفسه رون هاورد! هي هي هي!

واضح عليهم انهم يحبون بعض موت

أحس القصة مؤثرة

في الاخير اقول مشكورين لقراءة التقرير وان شاء الله عجبكم مع تحياتي
[Glow]معجب برشلونة[/Glow]

مشكور أخوي معجب برشلونة عالتقرير الحلو وعجبني تسلم^_^

[Trunks ssj]

مشكور على التقرير الحلو المرتب للفيلم الحلو....

[واحد من الشباب]

السلام عليكم
وين اعضاء الموفي عن هالتقرير
فاضيين يردون على المواضيع المنقوله والمكرره !
المهم
هالفلم صراحه انا شفت دعايته مره
مادري ما دخل عقلي وايد
عشان جي ما يبته من ماليزيا
بس مادري يمكن عقب هالتقرير واعجاب مثقفتنا في هالفلم افكر اييبه !
الف شكر لك اخوي معجب برشلونة على التقرير ^_^
واذا هذا التقرير اول محاولاتك اتوقع لك مستقبل باهر في الكتابه انشالله ...
^_^ حلو انك كتبت النبذة بالعربي والانجليزي
والمعلومات اللي في التقرير كافيه ووافيه
تسلم يالغالي ما قصرت ^_^
ونشوف يديدك في القسم انشالله
لا تحرمنا من هالمواضيع الحلوة
تحيتي
اخوك
واحد

[*!:AvRiL-PuNk:!*]

شكرااااااااااا على الموضوع الرائع!يسلموووووووووو^_^
ThAnX AloOoOoOoT 4 ThE CoOoOoL SuBjEcT
Bye & C ya ^_*

[squal]

هااايوو معجب برشلونه^_^
شخبارك..ان شالله تمااام

هذي اول مرة اسوي موضوع في ميغا موفي وهو عن الفلم العجيب Cinderalla Man

بدايه موفقه وانت الاعجب بكتابتك للتقرير

تقريرك حلوو والصور احلى ^_^

والفيلم شفت بوستره في السينما ^_^

لكن تدري بعد يعني ماجذبتني القصه وااايد..لاني احس انها وايد مكرره وشفنا الكثير من الافلام اللي من هالنوعيه...
بس ان شالله اشوفه عشان اقدر ارد على التقرير وابدي رايي الفلاوي فيه^_+

يعطيك الله ألفين عافيه
ويسلمووو

[A.N.G.E.L]

شكرا لك اخوي على التقرير

وهذا اخر فلم لراسل قبل لا تصير االمشكله ...

بس انشاء الله يطلع منها

هالفيلم شفت بوستره في سينمتنا وإن شاء الله يعرضونه قريب ودي أشوفه>_<
شكله فلاوي

انا والله شفت البوستر في الامارات قبل اكثر من شهر

بس يلا شنسوي مع السينما الراقده


شكرا على التقرير ..

[معجب برشلونة]

العفو ومشكورين انتم على ردودكم الحلوة

[Julia_ Roberts]

راسل كرو + رون هاورد == فيلم في قمة الابداع >>من غير مااشوفه

يسلموو خيوو عالتقرير الروووعة والصوور الاروووع

انا بصراحة تجذبني الدراما بشكل عجيب>>عكس الناس

واحس راسل تليق عليه مثل هالاداور العجيبة

يسلمو مره ثانية وان شاء الله نشوف منك تقارير فلاوية

بايوو

[معجب برشلونة]

العفووو...

ومشكووورة على ردك الفلاوي...

[هاروهيكوشيكي]

مشكور معجب على التقرير الحلو

بالنسبه لراسل كرو أظنه يصلح لأدوار القتال من يوم سوى فيلم (جلاديتر)

و رنيه زلويجر في الفيلم تشبه نانسي عجرم بالصوره على الأقل

بس شنو معنى العنوان (رجل السيندرلا) هل هذا لقب الملاكم أو لأنه كان فقير ثم غني ؟

ويعيطك العافيه على مجهودك

[معجب برشلونة]

شكور على ردك

[*الامريكيه*]

CoOoOoOoOoOoOoOoL


مشكور اخوي على التقرير الروعة

اي و الله مثل نا قال اخوي هاروهيكوشيكي ان راسل كرو يصلح لادوار القتال

و شكرااااااااااا اخـــوي مــــرة ثــانية عــلـــى الـــتقرير الــــــــــــــكوووووووووووووول

تحيااااااااااااااااااااااتي *الامريكيه*

[جينيفر]

ووااو
انا شفت دعايته ومكتوب ان المخرج فاز بجائزة اوسكار

شكرا على الموضوع الررووووعة

[~فراشه~]

السلام عليكم ورحمة الله
شو اخبارك معجب برشلونة؟؟؟ان شاءالله طيب

مشاءالله عليك اول تقرير لك ...اتمنى لك التوفق ان شاءالله
وان شاءالله مايكون اخر تقرير ... يعطيك العافيه...
انا شفت دعايته ماعجبني الفلم ..بس اول ماسمعت اسمه تخيلته فلم كوميدي او شي ...لكن عقب يوم شفت الدعايه قلت شدخل الاسم؟؟
مادري حسيته نفس Million Dollar Baby شفيهم على الملاكمة؟؟!!!
كانوا عارضينه في السينما الأمريكيه لكن ماعبرت اروح له..

يعطيك العافيه على التقرير الكشخه...
واذا يات فرصه وشفته لي رجعه ان شاءالله

[رانزي الساحرة83]

بس شنو معنى العنوان (رجل السيندرلا) هل هذا لقب الملاكم أو لأنه كان فقير ثم غني ؟

أخوي هاروهيكوشيكي
أتوقع معنى الاسم إن قصته مثل قصة سندريلا يعني..مجازياً
إنه كان فقير ويعيش حياة بائسة وبعدها تفتحت له أبواب السعادة والثراء والنجاح
أعتقد^_^

وشكراً

[Trunks ssj]

ايه والله ان أتوقع كذا بعد....

ملاااااحظة:معجب برشاونة ((مساااااافر))الله يرجعه بالسلامة.....

(((((((((((((بس ترا ما أقصد لا تردون على الموضوع ))))))))))))))))))

بس قصدي اذا طول وهو ما يرد ((ما أدري وش أقول)).........
يعني اذا طول وما رد لاأحد يستغرب ...

[kingdom roses]

شكرا على التقرير الحلووووووو^_^
اتوقع ان الفيلم حلوووو
تسلم يدينك ^^

[Sarah Lover]

معجب برشلونة

مشكوووووووووووور اخوي على الموضوع الرااائع واحلى شي في الفيلم ان رينيه فيه

[الظافري]