السلام عليكم
اخباركم
انا شغال على القنوات التاليه
الجزيره
العربيه والبي بي سي
قنوات التلفزيون المصري
اول ثلاث قنوات الجزيره والعربيه والبي بي سي بيقولوا ان المظاهرات سغاله وبورسعيد خرجت عن السيطره واغلب المحافظات كده
التلفزيون المصري بيقول عكس كده وطلعوا 36 محافظ يعني كل محافظ لمحافظه في مصر طلع واتكلم ومدير امن القاهره طلع وقال الامن مسيطر على الوضع تماما وبورسعيد ميه ميه وقالو اه في مظاهرات ولكن لا يوجد اشتباكات نهائيا بين الامن والمتظاهرين الا في حالات قليله
انا بقى مع التلفزيون المصري لان قنوات الجظيره والعربيه وباقي القنوات سجلت فيديو وبقاله 24 ساعه بتعيدوا وجايبين ناس ويقولك بنضرب وبنموت اه انا مش بقول ان مفيش اشتباكات بين الجنبين لا في اشتباكات ولكن قليله
واللي انا شايفه حتى لو في ضرب فان في فيديو من اللي مصوراه الجزيره ان المتظاهرين ماسكين حاجز للمن وبيضربو بيه الامن وللاسف الامن اضطر انه يواجهم لانه مش حيتفرج عليهم وهما بيضربوه وديه حاله واحده فقط من اللي ظهرت ,,, وعلى فكره موضوع القنابل المسيله للدموع ده في كل بلاد العالم ومش عارف هما بيبالغوا فيه ليه مش باين ان في قنابل كتير من النواع ده اضرب يعني .
اه في حاله واحده بس اللي مش مسيطرين عليها الامن في المنصوره اللي هو تجمع المتظاهرين حول مقر الحزب الوطني
واحب اقول في النهايه ان مش كل الناس عاوزين مبارك ومش كل الناس مش عاوزين مبارك .
واقول ربنا يستر مش عاوزين مصر تولع ويبقى مصيرها زي الصومال ولا تونس ...
الاختلاف في الراي لا يفسد للود قضيه .
شاهدوا قناه المصريه التابعه للتلفزيون المصري ..
وركزو مع الجزيره وباقي القنوات بتعيد في فيديو واحد .. واغلب المظاهرات سلميه ولا يوجد اشتباكات .





اضافة رد مع اقتباس




المفضلات