[السلام عليكم ورحمه الله وبركاته
:اشحالكم بنات
سوري عالتأخيرانشغلت هالفتره شوي
وانشالله أكون لحقت عالمسابقه
المهم الكيكه عباره عن :
3 بيض - ربع كوب زيت - كوب طحين + 1م BP -
1 م فانيليا - 3\4 كوب سكر وأتوقع إني ما نسيت شيب
الطريقه :
سهله وايد حالها حال أي كيكه عاديه
1- نخفق البيض + الفانيليا إلحد ما ينفخ فوق
2- نضيف السكر شوي شوي حتى ما يخرب البيض
3- نضيف الزيت شوي شوي حتى نفس الشي ما يفش البيض
4- أخيرا نضيف الطحين شوي شوي ونخلطه بملعقه خشبيه حتا ما يفش البيض
5- نحطها بالفرن ونصبر عليها طبعاً لازم يكون الفرن مجهز من قبل والقالب نفس الشي
ويوم تحطونها فالفرن لازم ما تفتحون عليها كل شوي لأن حراره الفرن بتطلهوبتفش الكيكه وبعدين كنك
يابو زيد ما غزيت ههههه
وعطاري التزين :
أنا قسمت الكيك ل3 أقسام ودهنتها من الداخل بمربا فراوله
هههه طبها أنا أموووووت بالفراوله وطبعاً هوه اختياري عادي تحطين داخلها كريمه وفواكه
بس أنا العيازه ظاربتني وما متفيجه دورت شي سريع وحلو
وبعد عادي تحطيلها داخلها بالشوكولاته وتغطينها ابالشوكولاته تطلع تحفه
عاد كل واحد وإبداعه
بنات يوعتوني رحموني بروح آكل الكيكه
الصور بتكمل عني
والله بس عشان خاطر هالمسابقه الحلوه ما تريقت اليومههههه
بنات يلا أخليكم وبالتوفيق للجميع
وأي استفسار تراني موجوده وما يردكم إلا لسانكم
وصح عفكره تراني باكل الكيكه إلا يبا أبقيله يقول
ترا بعدين ما فينا عالزعل![]()



:اشحالكم بنات
انشغلت هالفتره شوي 


بنات يوعتوني رحموني بروح آكل الكيكه
الصور بتكمل عني
اضافة رد مع اقتباس











المفضلات