ودي انزع نبض الحزن
واكتب تعبت انا البعاد
وودي ازرع حب ف ارض الحقد
واغرس محبة ازمان تنعاد
وودي ارسم هاجس الفرح عنوان
بدون لا ابكي لـ جل انسان وعناد
وودي افهم سبب هجره
واستوعب حياة مابها طيفه وشذاه
ليه يازمن كل ما خاويت قلب
نفر مني حنانه ولحفني بجفاه
وليه ياقدر مكتوب انتظر باب
ينفتح بخبر يرهبني صداه
وليه انا بالذات مغروس فيني الوجع
مثل خنجر سِمّهْ بوريدي سراه
ليتني ما تمنيته نبض يحتوي علتي
ولا أمنّته قلبي وهواه
اخطيت انا من الساس للراس
اتاري الحب ورد وشوك ينداس
واتاري الوفا كلمة ما لها وافي
والوعد لفظ ينكتب بدون قياس
خيانة تنكتب ف سطور
يعايشها القلب من عام
باقي شهر وانا انتظر*عذره*
واجهز لهجرته اسباب
باقي شهر وانا من عام احتضر
وابكي اليل مع النهار
باقي شهر والغصة اتجرعها بأسى
ياناس أنا وفيت وهو خان
خان الوعد وداس على حب
عاش بقلبي اعوام
داس على الورد بحنّية
وغرس شوك الغدر وسار
ما على باله ذبح فيني كل الثقة
ونزع مني وعود الاخلاص
وراح ينتهي الشهر ..ونكمّل العام ..
والاسى والوجع فيني زاد وزاد..





اضافة رد مع اقتباس



المفضلات