في موضوعي اليوم بقول لكم ببساطه تجربتي الشخصيه مع التغلب على الخوف من الكلام لجمهور
انا من الابتدائي الى ان تخرجت من الثانوية ما شاركت في اي اشياء مهمه او اذاعات الا نادرا واكون ملزمه
او مع مجموعه....كنت حتى في الفصل اكره اقوم القي شئ او اقرا مقطع طويل لزميلاتي في الفصل
وسافرت امريكا عشان ادرس ...كنت في معهد لغه وكان اختبار نص الترم عباره عن القاء
ومع اللغه الجديده و الاحراج لان الفصل في شباب وبنات والمدرس امريكي
كنت مرررره انحرج وما اقدر اتنفس ويبان علي ان مرتبكه وصوتي مو واضح
كنت اكره حياتي في اليوم اللي ادري ان عندنا القاء...وما في خيار لانه اختبار
المهم ...في احد الفصول في المستوى الخامس في معهد اللغة كانت مدرسه عسل وبكون ممتنه لها طول حياتي لانها ساعدتني(بدون ماتدري) اتغلب على هذي خوفي من الحديث امام الناس
كانت تقول لا تنسون تتنفسون....في البدايه ضحكت...بس بعدين شرحت لنا شئ مهم في تركيب الجسم وطريقة عمله خلاني افهم ليش التنفس العمييق مهم قبل واثناء الالقاء
اذا كنا مركز الانتباه (التحدث لجمهور مثلا) الجسم يفرز هرومن الادرينالين (وهو نفس هرون الخطر)
تاثيراهذا الهرمون: زياده سرعه نبض القلب وبالتالي التنفس(وهو سبب كبير للاحراج اذا ما قدرت تسيطر عليه ) نظرك يصير افقي بمعنى ماتركز على اللي حولك بشكل عادي بس تكون مركز على الشئ اللي تطالع فيه
تعرق و ارتجاف الاطراف <<<ممكن يكون محرج
فوائد هرمون الادرينالين: يساعدك على الهرب ويعطيك قوة وسرعه مؤقته للنجاه من الخطر ...بس في حاله الالقاء امام الناس يساعدك على التفكير السريع (سرعه بديهه) في حاله القي عليك سؤال
كيف نتغلب على الاثار السبية لهرمون الادرينالين؟
قبل ماتطلع قدام الناس تنفس نفس عميق من الحجاب الحاجز(يعني كانك تنفخ بطنك وانت تتنفس) ما بتحس بتاثير التنفس مباشره ...استمر في التنفس
اذا طلعت في مقدمه الفصل او وقفت خذ وقتك
تنفس وابدا بالكلام وبعد شوي تلقى نفسك مستمتع بالالقاء...
طبعا في اشياء مهمه ثانية عشان تتغلب على هذي المشكله
تدربوا قدام المرايه- اعرفوا اش تقولون يعني اعرفوا كل نقطه في بالكم زين واكتبوا الاشياء الاساسية فقط واذا بدات الكلام تقدر تسرق النظر لملاحظاتك و ماتنسى- وتذكروا ان اللي حولك زيك ومو جايين عشان يضحكون عليك
النهاية السعيده في حفل التخرج من المعهد قدرت القي كلمه(مع انه اختياري) قدام ناس كثيرين اغلبهم امريكان واستمتعت كثير وشكرت المدرسه اللي ساعدتني قدامهم و كانت متفاجاه ..استفدت من هذي التجربه ان كل مازاد علمك في الحياة كل ماعشت افضل
بالتوفيق للجميع...



...وما في خيار لانه اختبار

اضافة رد مع اقتباس




ماراح يقدر ياخذ اكسجين أصلا لانه مرتبك وحالته النفسية مزرية وهذا شيء طبيعي ولا لوم عليه ..





المفضلات