المرايا صدق يطعن
في نوايانا الدفينه
طعن صادق
يفضح الزيف وسنينه
المرايا والله العالم هي اصدق شي
في عالم كذوب
في زمن مظلوم وظالم ما تلاقي ضي
ينبض بقلب الدروب
المرايا
عشق ساكن داخل قلوب الكثير من الصبايا
الا نورة
بنت غاية من الجمال
حسنها ياخذها من يمناك لحدود الخيال
يوم نادت أمها وبصوت عالي : ( يمه يمه بسرعه تعالي )
لما جتها امها
قالت : علامك ؟
نورة قالت :
يمه أرجوك بقيامك
ابعدي هذي المراية
ابعديها
والا اقلك يمه تكفين اكسريها
ما ابيها ما ابيها
ولو سألتوا ليه هي قالت كذا وايش العلاقه ؟
قلت شوفوا ماقدر أخبي لذا نورة ( معاقة ) !
******
شلل نصفي سرق منها طفولتها
سرق حتى ابتسامتها
تشرب جسمها الطاهر على غفلة
ولا قدر براءتها وهي طفله
حواليها كثير اطفال
بنات العم والجيران
عيال الخال
تراقبهم تتابعهم
تشوف ( أحمد ) وهو يسحب شعر( سلمى )
و ( على) يلحق ( مها ) وبيده مسدس ما
و ( خالد ) قاعد يحاور ( حسام ) بعلبة البيبسي
ويكسر ظهر هالمشهد
حزن ( نورة ) وهي تبكي على الكرسي
تحاول قد ماتقدر
لجل تخفي مدامعها
وثار الدمع واتحدر
وبدرت رعشة باصبعها
تزم ايدينها لكن
يديها ماتطاوعها
******
وتكبر نورة ويكبر
معاها الهم
ويجري حزنها الاقشر
بمجري الدم
وياصل عمرها العشرين
وفي العشرين
تغير كل شي فيها
ملامحها – مع انه الحزن ماسحها
أمانيها – ولو ماعاد تعنيها
سوالفها – مالهم والفها في هالعشرين
على نفس الالم تصبح
وعلى نفس القهر تمسي
علي الكرسي !!
في هالعشرين
أبد ماتابعت موضة
ولا تعرف ( جيفينشي ) او ( كريستيان ديور ) او ( فيرساتشي ) وعروضه
ولا مكياج واكسسوار
وحتى عطور
تضج ثورة
اذا قالوا لها
( نورة شرينالك عطر شوفي
بعد فستان يا نورة البسيه الحين
ترا بيطلع عليك جنان
بسرعة بس لا تبطين )
تجاوبهم :
(بسرعة !
بسرعة ليه ؟
والا لمين ؟
وهو من كثرة العرسان ! )
تقاطعها امها :
( نورة وش تقولين !! )
ترد نورة :
( يبه يمه
كفاية واسمعوني زين
أنا عمري ترا عشرين
ترا ما عادني طفله
يا ناس المسألة سهلة
مثل ما (1) و (1) يساوي (2)
معاقة خير ! ماتفرق
- وفي هاللحظة
بدت لحية ابو نورة
تلم الدمع من عينه
وبدت تغرق !
يبه يمه
أنا مليت من روحي
نعم مليت
تعبت أداري جروحي
وياما اخطيت
خطاي اني صنعت السعادة
لجل خاطركم
لجل ماتنجرح فيكم
مدامعكم
يبه تدري ؟
كنت اتمنى من صغري
وهذي امنية عمري
والا الحين هي منوه
تمنيت احضنك بالليل
والا من جيت من شغلك
ابوسك فوق راسك حيل
وافك الجزمه من رجلك
أروح أجيبلك قهوه
واجيك اجري
وحتى اني يا أمي
لو تدرين كم عانيت
كم تمنيت
أخفف عنك شغل البيت
مثل ما ( نجوى )
تساعد مرت عمي
يبه .. يمه
تراني ضقت
وربي ضقت من نفسي
يا ربي شقد طفشانة
وتبغوني بعد البس !!
البس من علشانه ؟
ابد لا تصدقون اني
أبتزوج واجيب اعيال
والله عال !!!
من اللي في الزمن هذا
بيرضي أكون له زوجه ؟؟
ويتزوج معي كرسي !!
يبه انسي
وحتى انتي دخيل الله يايمه بعد انسى
وهذي سالفة نورة
ياهي بنت مقهورة
مضى من عمرها عشرين
وهي باقي على هالحال
حكايتها انتهت الحين
وخلت داخلي ثورة
وانا ما يهدالي بال
الين اعرف
من اللي بوقتها رجال
ويتزوج مثل نورة ؟؟
ويبقي السؤال ::: من يتزوج نورة ؟ !
المفضلات