آلسلآم عليكم ورحمـَة آلله وبركآته . ||* !
Brothers & sisz .. i have a poem named
[ دآرت آلدنيـآ عليـَه ، !]
for the poet :
N A S S E R - R A S H E D - A L Z A A B I
.
الخوي يشره على اللي صار في الدنيا خويه // إن نكف عنه خويه يوم وقته هد حيله
دارت الدنيا عليه وعادت الدنيا دنيه // تنقلب في ظرف ساعه وتبسط ايدين الدغيله
يوم تسقيك السرور وايدها خضرا نديه // ويوم تتجرع قهرها إن غدت جدبا محيله
مالها صاحب ولو هي غرتك دايم رديه // تغدر بمن يامن إلها والفرح تكتم صهيله
هالسنه مرت كئيبه واعجنت كل هم ليه // لين غصت به دموعٍ مارضت تنزل هميله
عانقت محجر دموعي وارتمت تحته خفيه // والدموع إن جت ابيه تشحذ الهمه الهزيله
إفجعتني بالمفارق واصفقت ايدي خليه // يوم فرقا عمي اللي أعلنت عني رحيله
وين ضحكه وين صوته وين طلاته البهيه // انطفت يا قدرة الله واشتعل جوفي عويله
وين حسه وين همسه وين .. في بطن المنيه // ياعسى في جنه الله صاير مبيته ومقيله
ثم دارت واستدارت واطعنت طعنه قويه // صوبت صوبي سهمها قصدها اصبح قتيله
سته وعشرين عمري وتوها سنيني طريه // يوم لقتني سهمها وانزعت سمعي فتيله
خيم الصمت البليد وفزت النظره الغبيه // تجمع حروفٍ عقيمه من تعابيرٍ بخيله
من وجوه الناس قامت تنسج أبعاد القضيه // والنسيج أصبح ملون كل لون وله فصيله
فيه الأبيض والرمادي واسودٍ جاني الهويه // وفيه الأخضر والسماوي وأحمرٍ كلٍ وجيله
والبشر نواع عودٍ آن حرقته لو شويه // تظهر النيران طيبه والخبيث يبين ميله
فيهم اللي طيب نفسه له من الريحه الزكيه // لي ينسيك الهموم ويجلي أحزانٍ ثقيله
وفيهم اللي لو نظرته تختبر فيه الحميه // يعمي عيونك دخانٍ من حطب نفسه يكيله
ابتدت في شهر سته هالسنه المره وهيه // جالبه كل الهموم وماخذه كل الحصيله
لو حفيت يشل حملي رده في لحظه عليه // واشتكى من جور همٍ عيت أمتونه تشيله
إلا أنا ربي وهبني صبري ونفسي الغنيه // أحمده ربٍ كريمٍ واهب النعمه الفضيله
ثابتٍ راسخ وشامخ ، وأعطي البسمه هديه // للبعيد وللقريب ومن تعثر أنتخي له
ماتحطمني الخطوب ولآتهشمني البليه // اعتزي وتقول عونك نفسي الحره الأصيله
من أبويه خذت شيءٍ من خصالي والسجيه // وأفتخر باللي أخذته والزمن عاجز يزيله
باسمه مطرز حضوري قبله وبعده سويه // راشدٍ والفخر راشد لي من الدنيا خليله
وانتهبت في شهر سته هالسنه بأفراح حيه // تستمر بفضل ربي والشكر واجب جزيله
من فضل ربي عليه انه رزقني هالعطيه // بنت ما شالله عليها كالبدر وأكثر جميله
جاتني سيلٍ وغطى بالفرح نفسٍ رضيه // تحمدلله في فرحهآ وفي الكدر ترجي الوسيله
شفت فيها الخير وستبشرت بقدوم الصبيه // علّها واخوه قبلها في ظلال الله الظليله
واهتني واسمع صياحه شوقي اللي بين ايديّه // ومثلما كحلت عيني تكتحل اذني العليله
والفرح تابع وصوله واعشبت الارض الشقيه // دامت افراح الجميع ولفت أعمارٍ طويله
لي اخو اسمه محمد يعل ايامه هنيه // معرسٍ له مني احلى باقة ازهار الخميله
والنجاح اصبح حليف سعيد وجهوده جليله // تسعه وتسعين جاب الا من العشره قليله
كلها نعمه من الله وافره وإيده سخيّه // والبشر تحمد عطايا ربها صبحٍ وليله
ويالخوي اللي خذلني سامحك رب البريه // لكن الصاحب يكون متابعٍ حالة زميله
في المصايب لازم انه يحضر يواسي خويه // وفي الفرح لازم يكون أول من يهني ويجي له
.
.
T H E - E N D





اضافة رد مع اقتباس


..الـلهم ارحمني برحمتك ووفقني بتوفيقك يارب العالمين ..
" ،

المفضلات