شمعتي الخرسا
الا يا الله دخيلك دلني الدرب السوي وآتوب
أنا مالي ومال الهم والتفكير والحيره
خطاي أني لبست الثوب الأبيض ياعرب مقلوب
أدور للوفا يا ليت الاقي للوفا ديره
تعبت ارسم على وجه السما برق ورعد ودروب
توصل ما توصل قلت اجي له يالله الخيره
غلا ولا تسلي والله ان الذنب جر ذنوب
كذا ولا كذا ولا كذا ويش اخر السيره
الا يا شمعتي الخرسا حرام ان الدموع تذوب
على خد الزهور من الوله والحب والغيره
تجاذبني همومي كلها ظلمى ودمع قلوب
يمر الحلم وانا ما عرفت أصله وتفسيره
أقول اتوب وارجع في كلامي مستحيل آتوب
مادام ان الطيور تردد اسمه ماتبي غيره
الشاعرة: ريم السعد





اضافة رد مع اقتباس
المفضلات