الســـ عليكم ورحمة الله وبركاته .. .. ــــــــلااااام
شحـــالكم ربـــكم الا فــااااين .. ؟!
الموهييييييم << ع قولت كيوتو
انا عندي لكـــم مقالب مسويتها مع الاهل ..
امبــااارحه كنت اقرى في دفتر اليوميات مالي فلقطت لكم كمن مقلب
" مــلاااحظــه الاسمــاء اللي فـ الموضوع غيــر حقيقه "
نبـــدأ :
السالفه الاولى كـــانت ويا اختي مهره .. الله يسلمكم هذاك اليوم تضاربت وياها قلت والله
لا اخليــهااا تندم ع اللي سوته دشيت داخل حمــامها ويلست تحت المغسله <<< جفتو وين
المهــم دشت السيده المحترمه الحمام تبا تغسل ويهها قبل لا ترقد اول ما مسكت الصابون انا مسكت ريولها
قامت وعقت الصابون وطارت برع الحمام << احسن تستاهل محد قالها تضارب وياي ..
وجافت تحت المغسله واثريني انا موجوده .. اظهري برع ياللي ما تستحين وعطتني محاضره بلسانها
اللي ما يسكت .. الموهييييم سارت تبا تشرب ماي سرت تحت سريرها دشت وطفت الليتات
وسارت ونامت ع صوبها اليمين نزلت من اليسار انا .. و مديت ايدي جني يني ياي من وراها
وتصـــرخ هذيج الصرخه اللي بستها ايي اخوي العود ويبطل الباب شـ السالفه .. واخبره بالسالفه ..
زين ما غمى عليها .. خلها تستاهل محد قالها تضارب وياي
____________________________________________
السالفه الثانيه ..
كانت ويا اخوي العـــود واللي اسمه ع .. بس بسميه هنيه احمد .. الموهييييم هو كــااان راقد ونومه ثجيل
يعني لو قنبلاات ذريه انفجرت في حجرته مابا يحس .. المهم قومته امي ما قام قومته اختي ما طاع قومه
اخوي سـ .. بس بسميه حمداان .. صرخ في ويهه سار عنه الموهيييييييم يا دوري افكر وافكر كيف اقوم
هاللي عندي خطـــرت في بالي فكره .. سرت وسكيت البااااب مال حجرته وسرت اربع من
حجرتي الين حجرته افج الباب بقووو .. ويرفع راسه اقوله احمدووو قوم ابوي معصب يبااااك شو
سويت يلا اعترف .. والله ما سويت شي بذمتج ابوي معصب .. هيه والله يلااا قوم .. يباني ويباك ..
ويبا مهروه انزين وقام ودش الحمام وعقب ما خلص سار فوق صوب ابوي .. ابوي كان يالس برع
فـ اليلسه اللي فوق .. وابوي بعد كان يقصد .. اخوي : هلا ابوي بغيتني .. ابوي " باستغراب " : خير تبا شي
يا احمد ... احمد : مـ << انا .. بسمي عمري عايشه ^^ .. عايشه قالت لي انك تباني .. ابوي : لا والله ماباك
اكيد مقلب من مقالبها .. نزل تحت وهو معصب بالقو عوووش شو عندج تجذبين علي .. انا : يا ولد استح
ع ويهك شو هالنوم .. بعدين خطر في بالي اقومك وقومتك .. الله اعاني منه
------------
السالفه الثالثه
الله يسلمكم انا وبنت عمتي لـ .. بسميها مريم .. كنا يالسات وزقرتها اختي وردت وهي معصبه انقلبت علي 180
درجه .. المهم انا سرت عند قلت لها شو قلتي لها عسب تعصب جيه قالت ما يخصج << لا والله
المهم رديت والملسونه مريوم ما سكتت معصبه علي ولاعنه خيري انا تميت ساكته الين ما طفح الكيل
قلت لها احترمي نفسج وطحت فيها سب .. المهم اثري اختي قايله لها جيه قولي عسب اتي عندها << خامه
اختي .. المهم يا وقت العشا زقرتهم و نزلت اتعشيت بسرعه .. وسرت فوق ^^
المهم البنات ردو لحجرة اخوي احمد لانهم كانو يالسات فيها وهو برع .. .. المهم .. انا سرت فوق بس وين
الكبت مال حجرة اخوي .. المهم انا انفطست انكتمت قفلت باب الكبت ع عمري ما فتحت فتحه
صغيرونه حتى المهم من الضيقه طلعت صوت .. فجت الكبت بنت عمتي .. لكن
الحمدلله كان اللي يمبي هب اللي انا داخله فيه وطلعت صوت مره ثانيه بنت عمتي والله اسمع صوت داخل
الكبت ... خلاص بنفضح خلني اسلم بعمري فجيت الكبت
.. اختي وبنت عمتي تطايرن صوب الباب .. اختي تسحب بنت عمتي عسب تردها ورى
وبنت عمتي نفسها .. وكشتي وقفتها بقروني متعمده عسب يخافن .. محد قالهن يسون جيه
اللي يلعب وياي لعبه ماصخه يجوف الويل
----------------
السالفه الرابعه
بعد سالفة هذول الساحرات ... المهم سالت وينهم قالو فـ المطبخ بطلت الباب بهداوه اجوفهم وينهم ..
المهم في هالوقت كانو يرمسون عن الحراميه اللي يتسلقون البيوت .. عاد انا ظهرت الحوي ودرت البيت
ووصلت باب المطبخ الخلفي بس كان مقفول .. المهم اختي كانت عند ثلاجة الماي المهم ^^ .. وبنت عمتي
يالسه ع الكرسي المفرد .. المهم بطلت الباب بقو طبعن هو مقفول فبين انه في حد يحاول يفتح الباب
اختي عقت القلاص من ايديها وانكسر وشردت وبنت عمتي من الخوف تربع صوب الباب
وتطالع ورى صوب الباب الخلفي وتصدم فـ اليدار واختي وراها ونفس الشي تطالع وتصدم في
بنت عمتي ويسمعون ضحكتي .. ويفجن الباب بغن يكسرن ضلوعي زين يوم ربي ستر
--------------
السالفه الخامسه
هي امبارحه استوى ع حدود الساعه 4 الفيـــر .. طليت ع اخواني قاعدين يجوفون فيلم ع تو يتريون
لين ما ياذن عسب يسيرون يصلون ويردون يرقدون .. .. المهــم اخوي الصغيرون حمدان اللي هو سـ .. قالي
اقلبي ويهج يالعيوز .. انا عيوز اوريك .. وبديت اخطط .. لكن قبل لا اسير عنهم جفت باب الميلس
مفتوح وسـ يالس يمبه .. .. درت وفتحت الباب مال الصاله وسرت الميلس .. اخوي طـ .. واللي بسميه خالد
كان يرمس وانا حاطه صبعي السبابه ع ثمي عسب يسكت يعني اخوي من جافني خاااف المووت طبعن خالد
حمدان بعده .. قال حمدان .. خالد بلاك .. خالد لا ما شي جفت قطوه عوده .. ورفعت كشتي وخليتها
ع فوق المهم يلست يمبه وهو كان يالس متربع .. عمره 10 سنين ويجوف صوب الجهه اللي يالس فيها اخوي
ويوم لف ويهه صوبي صرخ صرخه وطاح ع ظهره
-------------------------------------
المهـــم خلص الحزء الاول اترييو الجـــزء الثاني
واللي ما يعيبه يقولي
اخـــتكم فـ الله .. روجيــنووو
المفضلات