مرحبا اعزائى المشاهدين بلغنا الان من مصدر موثوق منةآخر حاجة الاتى::
انة فية بركان ثائر دلوقتى فى جزيرة كوم البلح الواقعة شمال جنوب محيط الصرف الصحى المطلة على ناصية الشارع ال جنبنا على طول دة
يعنى انا اقف فى شباك بيتنا ابص اشوفوا على طول علشان كدة انا واخد الاخبار حصريا ممنوع اى حد ينقل الاخبار بدون ذكر المصدر يعنى تكتب نقلا عن ...(شاهد عيان قريب من فوهة البركان) ... وساوافيكم تباعا بالاخبار ومدى خطورة هذا البركان عل البيوت والكوفى شوب ال تحت البيت بتاع انكل شيشة صاحب شعار اديها شيشة وخلى الماغ فى التأليشة. وايضا تأثير على الكائنات الحية الاخرى الموجودة بكثرة والتى يجب المحافظة عليها من الانقراض نظرا لاهميتها القصوى فى خليج الصرف الصحى وهى الناموس والذباب والصراصير وبخاصة الصراصير لانها ذو قيمة عالية فى مناسبات الرومانسية حيث يتم تقديمها للحتة بتاعت اى حد مع التلفظ بجملة دة (سوريسار هبنا )و ايضا تأثيرة على ظهور التتوهات
وكما قال الشاعر المشهور اوى اوى ال محدش يعرفوا ولا حتى سمعنا عنة فى طبق ابلة حليمة( يابركان ياثائر ما يهزك صفيح)
وانا من مقعدى هنا اقصد فى الشباك انادى السادة المسؤلين انهم ياخدوا الاجراءات السريعة وتزويدنا بوسائل التامين الشديدة اخر حاجة علشان البركان يقترب انة يقترب يقترب ااااااااااة اقترب وبعد ان اقترب فقد قام بتدمير حلق الشباك مما ادى الى ضعف فى الارسال فارجو منكم ملاحظة ذلك والصبر . انادى القهوة السادة اقصد السادة الكرام انهم ياخدو اجراء الفلة فى المنفلة والازازة فى البزازة لان البركان بأة اخر لزازة
واختم نشرة الاخبار بملخص النشرة
بركان ثائر فى جزيرة كوم البلح الواقعة شمال جنوب المحيط الصرفى
ضحايا البركان خطيرة جدا حيث تم تدمير حلق شباك شاهد العيان الوحيد القريب من فوهة البركان
وتم اصابة انكل شيشة فى قصبتة الهوائية مما اضر بالجوزة ضرر بليغا
الى اللقاء انتظرونى فى نشرة الساعة 27.00 صباحا
شششش شششششششش شششششش ششششششش شششششش تييييت تييييييييييت تييييييييييت شششششش شششش
cordi



اضافة رد مع اقتباس

المفضلات