هل انت مع قيادة المراة السعودية للسيارة؟؟؟!!!

[sweetygirl]

هااااااااااااااااااااااااااااااااااااااااااي لكل الاعضاء الحلوين

ابغي اعرف رايكم في هالموضوع اللي اثار ضجة عندنا في السعودية

هل انتم مع قيادة المراة السعودية للسيارة ام لا مع ذكر الاسباب ؟؟؟

انا بالنسبة ليه انا مع قيادة المراة للسيارة لعدة اسباب

1- انا طالبة جامعية و تخصصي محتاج انه اروح من الكلية للمستشفى عشان التدريب و هكذا و محد فاضيلي و ماني لاقية سواق عدل متفرغ ليه تماما لانه احنا ساعاتنا ملخبطة

2- تاني شيء انا ماعندي اخو اكبر مني عشان ياخدني و يوديني و الوالد اغلب وقته مو في البيت يعني اشلون انا اروح مشاويري <<<<<<< الاخت عندها مشاوير كتيرة .

3- انا وقت خروجي من الكلية زي الزفت مو كل ايام الاسبوع اخرج في نفس الموعد عشان كده محد فاضي يتمشور عشاني


يلا ابغي اشوف ارائكم

[kuina]

^^ أكيييييييييييييييييييييييييييييييييييييييييييييييي ييييييييييييد ^^
أنـــــــا أول وحده موافقه لقيادة الحرمه للسياره لأني ودي أسووووق سياره ..>__<..

[ViViD]

أنا مع قيادة المرأة السعودية للسيارة ..

المرأة السعودية ما ينقصها اي شي .. ومن حقها انها تقود سيارة .. وطيارة بعد .. ليش لأ..

مشكوووورة كثير يا سويتي جيرل على الموضوع الكووول

[> p!nk <]

اكييييييييييييييييييييييييييييييييييييييييييد


ابغى اسوق سياره

مشكوره عالموضع الحلو

[jatsu]

انا مب من السعوديه

واحنا في قطر مسموح للنساء بالقياده


بس انا اقول لازم يخلون النساء عندكم بالقياده لسباب ومنها



1 _ اذا في أمره زوجها توفا او مب فاضي لها وهي عندها عيال .



2 _ اذا محد من اخوانها او عيالها فاضي لها بعدين ما تقدر تروح مع الدريول بدون محرم .



وفي اسباب وايد

وعلى العموم اتمنا ان يخلونكم تسوقون

قولو امين

وبتوفيق انشاء الله

[Kaitoυ Jeanne]

انا من المؤيدين خخخخخخخخخخخخ..

[همس السكون]

أنا أول وحده توافق


واااااااااااااااااو فللللللللللله

آخذ سيارتي واروح اتمشي مع خوياتي

ونفحححححححححححححححححط

<<<<عرررربجيه وخروا عن دربها


^_ ^

[kuina]

يسسسسسسسس ونروووووووووووح المطاعم وكل مكان مثل الأولاااااد كشخه والله وناسه ^^..

[Allord]

هههههههههههههههههههههههه.....


يحليلكم والله...همكم تسوقون...لو تشوفون الهم اللي احنا فيه كان ماتمنيتوا تسوقوا....


أما عن اسبابكم يعني وبكل صراحه مافيه ولاسبب مقنع .؟؟؟


...بعدين هناك من هم اعلم مني ومنك لم يؤيدوا هذه الظاهرة خاصة في السعودية....

أذكر أسباب بسييطة منها....

1- تأييدك لسواقة المرأة يعني تأييدك لتكشف المرأة في السعودية وخلع الحجاب....(لأنه مستحييل السواقة بالحجاب)...
اسأليني وانا اسووق متلثم خايف من الشرطة ...؟؟؟

2- المرأة مهما كانت قوية ومتسلطة تجد فيها ضعف...يعني بالعربي ما اعتقد ان المرأة قادرة لتحمل مسؤولية عبء السواقة .

3- اسالك بالله انتي وبقية الموافقين في هذه الصفحة .... يعني البنات هنا مو ناقصيين صياعه وخلينا نوقف لحد هنا وبس.

4- مهما كانت الاسباب التي تدعوا لسواقة المرأة هنا في السعودية هناك حلول لها والا كان سمحوا فيها من زمان.....(بالعربي كل هاي السنين اللي راحت ماسقتوا جايين الحين تطلعون لنا حجج).

5- ما اعتقد انه فيه شخص عاقل راح يخلي أهله يسوقوا...(الراشد ما اخلي اهله يروحوه تبوني اخليهم يسوقوا ...نجوم السما اقرب لهم)...مستعد أشتغل سواق عندهم لكن مايسوقوا...والحمد لله الأمير نايف أعلن بعدم سماح السواقة في السعودية.

طبعاً هذه اسباب بسييطة الى جانب اسباب كثييييرة نوقشت في مجلس الشورى....وزي ماقلت هناك من هم أعلم مني ومنك لم يؤيدوا سواقة المرأة هنا...؟؟...ولله الحمد والمنه.

(أولاً وأخيراً هناك قاعدة دينية تقول...درء المفاسد مقدم على جلب المصالح)...

عاد أحسبيها ببالك وشوفي ...؟؟

[lo annana]

انا صحيح مو سعوديه ..... لكن في رايي انه من حق المراة في كل مكان تعلم السياقه
و لا يوجد اي مانع ديني او اخلاقي حتى من ناحية الحجاب يمكن لها قيادة السيارة و هي متحجبة حجاب كامل

[الخــــ نبض ـــلود]

ارفع الراس وافتخر اني سعوديه

انا لا ائيد قيادة المرأه للسياره خصوصاً بالسعوديه

أولاً راح تكثر الحوادث
ثانياً راح تكثر الفتن الأخلاقيه والإجتماعيه
يعني مو كافي الي صاير من فتن كمان بتزيدوها بالسواقه ياعيني والله

المرأه فالسعوديه عايشه ملكه مو ناقصها اي شي اي شي تبغاه تقدر تسويه
اذا كان في حدود الدين والأخلاق وبدون لا تسوق سياره ولا هم يحزنون

مجرد وجهة نظر

تحياتي

[MeDoo92]

السلام عليكم

أولا في مجلس الشورى السعودي ما ناقشو قيادة المرأة بل ناقشو ما يترتب على قيادتها
مثلا شوفو
إذا سمحو للنساء بالقيادة
1- بعد كم شهر بيقولون ان العباية تعيقنا عن القيادة ويفصخون العباية
2- ولا شباب الرياض اذا الحرمة بسواقها ما عطته وجه يطلع حديدة ويخدش السيارة تخديش فكيف اذا كانت بدون سواق
وفيه أشياء كثير وسلبيات قيادة المرأة أكثر من ايجابياتها بكثير
لذالك قرر مجلس الشورى حتى عدم التشاور في هذا الموضوع
وأنا بصراحة ما أأيد قيادة المرأة



ايه تذكرت شي ثاني

في منتدى ثاني شفت صورة عجبتني
صورة بدوية تركب سيارة والله لو شفتها قدامي لا أفطس من الظحك
شوفو

[بنت أبوها]

لا لا لا لا لا لا لا لا لا لا لا وألف لا

انا ضد قيادة المرأة للسياره

والاسباب وانا اختك

(1) البنت ماتقدر تدافع عن نفسها اذا تهجم عليها رجل

(2) البنت نعومه لو قلنا خشت عليها سياره مسرعه اول شي تسويه ياانها ترمي نفسها مع الشباك << حلوه ذي

او تجلس تصرخ << اما ذي لا تكررينها

(3) طيب اذا اسرعت او صار تصادم بسيط مين اللي راح يوقفها ويسجلها مخالفه مو شرطي لا تقولون شرطيه ثم انتحر

وتخيلوا الشرطي بدال مايسجل مخالفه يعطيها رقمه <<<< شاف شي ماعمره شافه

(4) البنات مايقدرون يطلعون من البيت إلا لازم احد يوصلهم المكان اللي يبغونه فيكونون تحت نظر اهلهم ولو سمحوا

بقيادة المرأه راح تاخذ حريتها تطلع تتمشى في اي مكان تبغاه وراح تخف مراقبه الاهل وهذا اساس الفساد

(5) والبنت ماراح تاخذ راحتها وهي تسوق بسبب العباءه الشرعيه إلا وحده ضايعه وصايعه راح تلبس عباية كتف

ومخصره وبصراحه هذي هي مخططات الاعداء يبغون المرأة المسلمه تنزع حجابها وعفتها وإذا هذا صار راح تتدمر الامه

الاسلاميه الله يعوضنا خير بس


ولا تحسبوني اكره اني اسوق

انا اموووووووووووووت في شي اسمه سياره اسألوا نجومه اذا جتني وين اجلسها

صراحه انا احلى مكان اجلس فيه السياره ماتحلى السوالف إلا فيها

وامووووووووووووووووت في شي اسمه تفحيط

بس بحكم تعاليم الاسلام فماتقدر البنت تسوق بس مو معنا كلامي انه حرام


وعذراً على الاطاله


ومشكورة اختي على الموضوع

تقبلي تحيات الملقوفه

بنت ابوها

[*(الغامض)*]

بالتاكيد نعم

اولا:

المراة في السعودية موبشر هي كمان يعجبها تسوق

في هذه الحالة المراة مضطرة تطلع خارج البلد وتسوق

خخخخخخ


ثانيا :

تصورا ان اهل المراة مابيعرفوا بيسوقوا

والسيارة الاجرة تكون مافي في الاوقات المحرجة

فماذا تفعل في هذه الحالة لازم تكون تعرف سياقة احسن لها

تحياتي

[kuina]

>_________< طيب إذا كان على الحجاب خلااااااااااص نقعد لاابسات طبعا لأني أكيييييييييييييييد مستحيل أستغني عن حجابي بس نسوووق وحنى متغطيات مب مهم شكلنا بس أهم شيي اننا نسووووووق ^^

[المتمدنة]

عن نفسي
اررررررررررفض وبشدة ان الحرمة تسوق السيارة
بعد بعد..مابقى الا الحريم يسوقن السيارات
هالحين الرياض زحمة بدون ما يسوقن الحريم
يعني وش بتصير اذا ساقوا
ثانيا الحريم دبش وخوافات وانا اولهم
اذا فاجئك احد بسيارته وش بتسوين؟؟؟
اكيد بتصارخين وتغمضين عينك ولاراح تتصرفين زي تصرف الرجال
مالت علينا بس
اقول الله يخليلنا السواويق
وخلونا نعيش حياة اميرااات ما يودينا الا سوااق
يعني شوفوا الملوك في الغرب
قد شفتوا ملك ولا ملكة تسووق؟؟
ترا احنا السعوديات ملكاااااااااات المفروووض نفتخر بهالشي
معززات ومكرمات
ولالا؟؟؟؟؟؟
يا جعلهم ما يطبقون سواقة الحريم يا رب استجب

[kuina]

^^ ايي ماشاء الله حلوووووووووو كبر عدد المعرضيين ^^.. هووو صح مب زييييين بس وناسه ^^..

[Zhou Yu]

السلام عليكم
أنا ضد قيادة المرأة السعودية للسيارة لأن اذا قادت المرأة السيارة راح تحصل فتن عظيمة حنا في غنى عنها غير حال أمتنا الاسلامية التي ترزح تحت وطأة الاحتلال وتعاني من كثرة الجراح و النكبات التي اضعفتها .. وانتم بتأييدكم لقيادة المراة للسيارة تزيدون من جراح الأمة ونكباتها ..
فيا أخواتي العزيزات أنتن تعرفن وضع أمتنا وتريدن أن تضحوا بأنفسكن لأجلها؟؟

فضحوا بقيادتكن للسيارة في سبيل نصر أمتنا وحفاظا على آخر ما يمثل المرأة المسلمة في المملكة حيث أنكن متلهفات لنصرتها و حمايتها حيث انكن لاتستطعن نصرها في ساحات الجهاد والرباط في حماية ثغورها ...
وأتمنى أن كل واحدة تستجيب لدعوتي ليس من أجلي بل من أجل أمتنا


ملاحظة:
أرجو منك أختي العزيزة أن تتأملي كلامي جيدا قبل تصويتك وأسألي نفسك هذا السؤال:
ما الأهم أن أحقق رغبتي أم أساعد في نصر أمتي و لو بالشئ اليسير؟؟؟

[Emily Rashy]

السلام عليكم ورحمة الله ^^

أشكر كل من صوت لأجل رفض قيادة المرأة للسيارة .. أشكره من الأعماق .. وأدعوا الله أن لا تستلم نساء السعودية القيادة في تاريخها كله ..

صحيح وفي الفترات الأخيرة أصبحت قيادة المرأة للسيارة هي القضية الثانية في بلادنا بعد ما يسمون بالإرهابيين .. وسئمنا من وسائل الإعلام التي تتحدث عن ذلك .. وأيضاً تصفحوا المنتديات في مكسات سترون المواضيع التي تتكلم بهذا الشأن .. المرأة السعودية لمَ لا تقود السيارة ..؟؟!!

لا يوجد نص شرعي على تحريم قيادة المرأة للسيارة أو الطيارة أو القطار ...الخ لكن كل ما يترتب عليه أمر محرم فهو محرم ..
قيادة المرأة يترتب عليها نزع الحجاب وهذا بحد ذاته بداية الفساد وانتشار الاختلاط والفواحش حنا في غنىً عنها ..
امتهان المرأة وابتذالها بالقيادة .. وما شاالله الشباب ما يحتاج حنا وحنا ورا السواق نشوف الإزعاج والحركات اللي مالها أبو داعي .. وشلون بالله لو احنا بذاتنا نسوق ..!!

هذا غير السلبيات الأخرى كازدحام الشوارع ( وحنا مو ناقصين ) والألوان العجيبة اللي بتفقع عيونكم إذا استلموا البنات القيادة .. تكون السيارة نفس لون الساعة والروج



>> أشكر الإخوان أصحاب الردود الخنفشارية <<

Allord
لووووورد من زمان عنك والله .. يحليلك أخوي والله ردك رهيييب وهذا اللي أنا متعودته منك ما شاء الله عليك

Zhou Yu

جد أنا فخورة فيكم يا أخواني ^_^


شفت الردود الأولى وخاب أملي في بنات بلدي .. لكن يا رب يعرفون خواتي وش الأضرار اللي بيتجرعونها البنات والمجتمع ككل إذا حصل ووافقت الدولة على قيادة المرأة ..!
ليتهم يعرفون إنهم أميرات معززات مكرمات .. تغبطنا كل الدول على إننا ناس محافظين من أطهر البلدان ..






تحياااااتي The countess

[sweetygirl]

هااااااااااااااااااااااااااي لكل الاعضاء اللي ردوا

جد عجبتني ارائكم سواء كنتوا موافقين او معارضين

بس ابغي اقول كلمة

kuina اول وحدة مارح تسوق سيارة انتي لانه موناقصين صياعة

اول شيء مافي نص شرعي من الكتاب و السنة يحرم سواقة المراة للسيارة

Allord انا عجبني منطقك جدا بس خلينا نكون واقعيين

اول شيء الله يحفظك لهلك و اشتغل عندهم سواق عادي ماقلنا شيء

حط نفسك مكاني ماعندك اخو يوصلك وين ماتبي

و بعدين انا ماقلت نسيبها فالتة كل من هب ودب يسوق

لا احنا نخلي مثلا ضوابط وشروط معينة

يعني اللي مرة مرة مرة في زنقة >>>>> حلوة هذي

و محتاجة انها تقضي حاجاتها و عندها مسؤوليات اش تسوي تروح تمشي على رجولها الله يهداك و الا تركب مع ليموزين لوحدها

و بعدين انا شايفة في بنات هنا بيسوقوا بس عشان يبغوا يسوقوا <<<< تبغوا تسوقوا اطلعوا البر زي خويتكم وسوقوا محد رح يمنعكم

و بعدين في دول الخليج في نساء محجبات مو باينة الا عيونهم و يسوقوا

و عندهم الشاب اذا حاول يعاكسها يوروه النجوم في عز الظهر


Zhou yu عجبني رايك جدا و انا عارفة هالشيء بس انا كان قصدي انه المراة اللي مرة محتاجة لهاشيء هيا اللي يسمحولها

و في ناس كتيرة محتاجين لها شيء بسبب ظروف عدة


مشكورة ايميلي على ردك الحلو