السلام عليكم و رحمة الله و بركاته
موضوعي عن السب و الشتم .... و بدخل بصلب الموضوع
هل هي عادة منك ؟؟
أم أن هذه هي الأمور التي تعلمتها من دينك ؟؟
شيء مؤسف ان أرى العديد من العرب يسبوون بشتائم مو حلوة بشكل شيء
و هالشيء يشوه صورتنا قدام الناس ... أكيد بيعتبروا الي بيسب غير محترم
او بشكل أصح .. أهله ما علموه التربية و الأدب
و صراحة ما توقعت هالكلام ... كلام سيء جدا جدا .. يسبون الاب و الأم و الأهل عامة
و هالشيء منتشر بالفيس بوك (( مو أغلبيته ))) و الجيمزر ... و بعض المواقع الآخر التي لا أعلمها
لكن ... (( إلى كل من يسب و يتفوه بالسوء )) هل هذا ما رباك عليه أهلك ؟؟ لما خنت ثقة أهلك فيه ؟
و أهم شيء الاسلام ... هذا الي تعلمته من الرسول صلى الله عليه و سلم ؟؟؟ الصبر عند الغضب ..
سورة لقمان ....
قال الله تعالي : (( و وصينا الانسان بوالديه حملته امه وهنا على وهن و فصاله في عامين أن اشكر لي و لوالديك إلي المصير ))
الحين لما انت تسب .... وش بتستفيد ؟؟؟ غير الذنووب الي تجيك و الحسنات الي تروح منك ..
و بالنهاية بتندم صدقني ..بتندم و تقول : ليتني كذا .. و ليتني كذا
قال تعالى : (( إنها ان تكن مثقال حبة من خردل فتكن في السماوات أو في الأرض يأت بها الله ان الله لطيف خبير ))
تدرون شنو هو الخردل ؟؟؟ هاذي حبة صغيرة جدا ... يمكن مثل بذرة التفاح أو البرتقال
المقصود بالآية الكريمة هنا .. ان لو كانت معصيتك مثل حبة الخردل .. يعني لو كانت صغيرة جدا
الله بيجيبها يوم القيامة ... يعني لا شيء يخفى على الله ..أبدا .. لو انت سرقت(( مثلا )) و ما أحد من الناس شافك ... منو بيشوفك ؟؟ الله ....
اذا انت سبيت شخص بغرض الدفاع عن شخص ثاني .. هذا شيء ما يعيب .. لكن التفاهم بالسب ؟؟
أنا صارت لي مرة و قلت لها بالآخر آسفة .. و صرت أنا و البنت صديقات .. يعني تأسفنا لبعض
البعض بيقول عن السب انه شيء عادي .. لانه ما قتل و لا سرق ... لكن سب
حبيت أقولكم : الانسان بعقله مو بلسانه ...
يعني تستعمل عقلك بدلا من لسانك .. البعض يقول أنا أسب .. لكن سبي مو مثلهم ..
يعني كلمة صغييرة حييل .. ..و هاذي السبة الصغيرة بتعتبر ذنب ..
قال تعالى : (( يا بني إقم الصلاة و امر بالمعروف و انه عن المنكر و اصبر على ما أصابك ان ذلك من عزم الأمور
))
اقم الصلاة في أوقاتها و لا تتأخر عنها (( إلا من لديه عذر ))
في شيء لاحظتوه بالآية ؟؟
انه الله تعالى جاب جملة (( و اصبر على ما أصابك ان ذلك من عزم الامور )) بعد الآية (( يا بني أقم الصلاة و امر بالمعروف و انه عن المنكر ))
ليه ؟؟؟
لانه لو انت بتسوي فعل خير (( الآمر بالمعروف )) فأكيد بتتأذى
بعطيكم مثال
لو واحد كان يتكلم و يسب و يشتم ... و أنا جيت أنصحه .. أوقات يقول : (( و انتي وش شغلك ؟؟ ليكون أبوي و أنا ما أعرف )) أو يقولك : (( وش دخلك انت ؟؟ ))
بتتأذى ... يعني حرام تنصحه مثلا ؟؟؟ لالالا .. كمل مسيرتك بالأمر بالمعروف .. مثل ما سوا الرسول الكريم
تأذى كثييير من أهل قريش ... لكن تحمل و تحمل و صبر ..
======================================
الحين هذا سؤالي :
1- هل انت لم تدافع عن صديقك تبي تبين قوتك ؟؟؟ و لا تبي تفهمه انك تدافع بس ؟؟
2- لو كنت من اللي يسبوا .. فليش تسب ؟؟ مع أن هذا ما يجيب لك إلا السوء و الذنب ؟؟
3- الحين لو أحد ذكرك بحديث عن النبي عليه الصلاة و السلام .. وش بتقول ؟؟
4- و لو كنت انت تسب بأشياء مو حلوة .. وش بيكون موقفك لو أبوك شافها ؟؟ أو أحد شافها ؟
=======================================
يسلمو هالمتابعة




(( مثلا )) و ما أحد من الناس شافك ... منو بيشوفك ؟؟ الله .... 
اضافة رد مع اقتباس







المفضلات