مكـانـك مكـانــك
مكـانـك مكـانــك
أمـوت من فرقـاك وأمـوت بـلقـاك
وأمـوت من جـورك وأمـوت بحنـانـك
كـل قضـاه يمـوت مـرّه ويـفـداك
وانـا أمـوت ألـفيـن مـرة عشـانـك
أذكـرك لا منـي نسيـت انـي أنسـاك
وأنسـاك لا منـي ذكـرت نسـيـانـك
رضيـت انا بالهـم لرضـاك مـرضـاك
وأرخصـت لك قلـب جرحتـه وصـانـك
أجيـك في صـدري عتـاب وأبـجفـاك
وأرجـع ألـوم الوقـت وأقـول خانـك
أحـب فـيك احسـاسـي انـي بلا مـاك
في عـز خوفـي منك أحـس بأمـانـك
عجـزت أفـرق بيـن وصـلك وفـرقـاك
ياللـي عطيـت الناس بيـدك حنـانـك
مـرة تجيـنـي لـين أقـول انـي ايـاك
ومـرة تـروح بعـيـد وانسـى أوانـك
أقبـل وتقفـي واعتـذر عـن خطـايـاك
وأقـول مـا عـييـت عيّـى زمـانـك
وان خـانتـك دنيـاك أو خنـت دنيـاك
ارجـع وتلقـا بي مكـانـك مكـانــك
الشاعر: طلال الرشيد
اضافة رد مع اقتباس
المفضلات