السـلام عليكــم ورحمة الله وبركاته
قبل ما نبـدأ الموضوع , أبا أسأل سؤال بسيط ,
كم مرة سمعــت كلمـة "طفش" ومشتقاتها في هذه الإجــازة ؟
أنــا عن نفسي سمعتها كثيييييييير هذي الاجـــازة , وكل مرة ابـدأ فيها حوار في المسن لااازم يكون في :"والله طفش"
ايش يعني طفش ؟!
كلمــة عـامية " نستعملها عندنا في السعودية" وممكن باللهجات العامية الأخرى يقولوا زهقت طقيت < بالكويتي أو الاماراتي أظن ,
أو باللهجة السورية ممكن يقولو : رح طق !! < طبعـاً القاف يحولوها همزة "طئ" ,
معنـاها يعني ماهو محصل شي يسويه ؟ ,
بس لحظة مرات يكون ورانا مذاكرة كثيرة وقت الامتحان بس نقول : خلاص مابي أذاكر طفشت ,
طيب خلينا نعيدها لأصلها بالعربي الفصحى : ملل ,
إذا بحثت في المعجم معنى هذه الكلمة حتشـوف كلمة اسمها المَلالُ وهـو حـالة فتور تصيب الانسان من كثرة مزاولة شيء فيوجب الأعراض عنه .
وضـحت ؟!
أكيـد لأ , إحنا طفشانين عشان ماعندنا شي نسويه أصـلاً كيف تبي تفهمينا اننا طفشانين بسبب كثرة مزاولة شيء ؟!
تفكـر زي كذا صـح ؟!
إذا فكّــرت زي كذا فخليني أقلك مزاولـة روتين حيـاة يومي غير متجدد ويعيد نفسه مراراً وتكراراً يسبب الاعراض عنه .
بس كيف نعرض عنه؟! , إحنا مارحنا انتحرنا !!
طيب خليني أقلك إنك محب للحيـاة واذا ادعيت انك مو كذا وأصريت طيب براحتك زي ما تبغى , بس انت ما تفدر تنتحر لأنك مسلـم ,
فـإنت حتسوي حاجتين أو واحد من هذولا الحاجتين , حسب شخصيتك يعني , طيب ايش هما الحاجتين ذولا ؟
1- تشكي للناس عن طفشـك
2- تـدور على شي يسليك ويخليك سعيد وغير طفشان .
كثييييييييييير من الناس يسوو الحاجتين ذولا مع بعض , حسّــوا أو ماحسّــوا ,
ليـه ؟
لأنو أصـلاً شيء فطـري في الانسان إنو يبحث عن شي يسليه لإنو يجد متعة في ذلك والمتعة سعادة والانسان يبحث عن السعـادة , إذن فالشي الثاني كلنا نسويه .
لكن بعض الناس أصلاً مايجيب سيرة طفش في العطلة !! , تلاقي عنده أشياء كثيرة يسويها, بس يهتمون بنفسهم وما يضغطون عليها , هذا النموذج الصــح .
لحظـــة.. من فين جاي هالطفش ؟
إذا أحد سـأل هذا السؤال علـى طول الاجابـة جاهـزة .
ماني لاقيــة شي أسـويه , مافي شي أسويـه , أو .. ما ادري كذا بس .
بعضهم يقول مو لاقي شي يسويه ! , وتلاقيه ما شاء الله 24 سـاعه جالس عالنت , تعال هنا إنت ,كيف تقول مو لاقي شي تسويه ؟!
الــنت عـــــــــالم وااااااااااااااااااااااااسع من المعرفه والمعلـومات , تجي تقلي مولاقي شي اسويه !
الحين والله صرت تقدر تتعلم لغـة كاملة عالنت .
ولا بعضهم يجي يقلك مافيني اسوي شي , ما ابغا اسوي شي , ما ابا اتعلم شي !!
لا , هذا فتور واحباط من الشيطـان , استعذ بالله وتوكــل عليــه وتعلــم , اخرج من الاجازة وانت انسـان مختلف .
أنا برايي كل موضوع الطفش اللي في الإجازة هذا مجـرد عـدم وجود طمـوح أو همّــة , أو سطحيـة تفكيــر !
إنتـــي ابتعدت عن الله طبيعي تطفشي , إنت أبتعدت عن ربك طبيعي تطفش !!
واللــّــه لو انك ماشي صـح مع ربك , أبــد ما تطفش , لأنك تعرف اللي ليك واللي عليك < يعني دايمـاً في شي تسويه .
أكره شي عندي إنو تجي وحدة تقلي والله السنة هذي ما سافرنا خسـارة الاجازة راحت عالفاضي !!
والله حبيبتي الإجازة ماتروح عالفاضي , إنتي اللي تخليها تروح عالفاضي ولا عالمليان .
طيب , أنـــا كيف أتخلص من الطفش ؟!
أولاً\ العـودة إلـى اللـّــه
"من عــرف الله أحبــه "
حمل وحملي سلسلة باسمك نحيـا واسمعيها واسمعها في كل وقــت .
سلسلـــة رااااااااااااااااائعة والله من روائع عمرو خالد , اسلــوب رااااااااااائع جــداً إنه يخاطب روحك وقلبك .
اكتـب على جوجل " باسمك نحيا" ويطلع لك على طول بصيغة mp3 وغير ذلك .. , تقدر تنـزلها على الإم بي حقك وتسمعهــا وأنت مثلاً رايح مكة المسافة طويلة صح ؟ ,
أو وأنت رايح بيت جدك اللي في الجزء الآخر من المدينة , أو تقدر وإنت مسترخي كذا على السرير تسمعهــا وتفكر فيهــا وتعــرف ربك كما ينبغي أن تعرفـه,
ولا تقـدري تشتـري أي شريط ديني يعجبك وتسمعيه وأنتـي مثلاً تكـوي أو تـرتبي كتـب أو أي شي .
بـرّ بأمك , برّ بأبيك , أقـرأ قرآن , تصدق , صلـيّ , أقرأ أذكـار , الطاعــات كثييييرة , والجنــة غــالية , مافي وقـت للطفـش , شمـرّ .. شمــرّي .. ويــلا .
ثـانيـاً \ خطط , خلـي همتـك عــاليــة
قبـل الإجـازة دايمـاً حطلك جـدول بالأيـاء اللي لازم تنجـزهـا في هذي العطلـة , ولصقـوا في مكـان قريب من سريرك عشـان كل يـوم تشـوفه قـدامك وأنـت رايـح تنــام ,
وإحرص علـى تنفيذ نصـف الأشيـاء اللي في القـائمة على الأقـل .
وتـذكّــر .. دائمـــاً خلي همتـك عــاليـــة , لأنو لو همتك عــاليـة حتعـــرف إش تسوي علـى طول , صح ولا لأ ؟!
لـو طموحك عـااااالي في تعلم لغــة جديدة ماحتطفش أبداً , لأنو كل ما عندك وقت فراغ , رح تـروح تتعلم شي عن هذي اللغة .
لـو همتـك عــاليــة , حتصير كل ماخلصت شي تروح لشي ثـاني واذا خلصته تروح لثـالث , بس لاتضغط على نفسك , خذ الأمور ببسـاطه ,
وخصص دااائمـاً وقـت للتـرفيـه , ونــوع وسـائل التـرفيـه أو غيرها كل أسبوع أو أسبوعين .
ثـالثـاً \ النت
والله ياسيدي وانت قاعد تلعب زوما ولا سوليتر تقدر تسمـع محـاضرة لـد . طارق سويدان , وما أحلـى محاضراته وحكايـــاته , هذا الرجل ما شاء الله أسلـوبه رااااائع وجـذاب , وحكاياته كثيييييييرة , ترا لو ماتحب تسمع محاضرات تقـدر تسمع حكايات عجيييبة , بأسلوب يفوق الروعـة , ولا تجي تقلي مافيني أحمل تعب ولا أي كلام زي كذا , شوف كم أنمي استنيت ساعة تحمله بعدين خرب عليك ورجعت حملتـه , بعدين كل شي موجود في اليوتيوب اكتب طارق سويدان يطلع لك صفحات من برامجه , كلها مفيدة .. كلها , لا تقول وانا اش دخلني فموضوع الصهيونية ولا وش دخلني في تاريخ الاندلس أنا لسـا 17 شباب ليش اطلع لي شيب واتعب روحي ؟, لا.. لا تفكر كذا ,أرجوك افهـم اللي بقـــوله , انـــت الآن أمــة كــاملة متوقعــة منك الأفضل , أمتنــا متأملـة فيـك إنك ترفعها للقمـة , تقوم تنــزل راسها بكلامك هذا !!
إنـت لازم بسنين شبـابك تتعلـم وتتعلم وتتعلـم , أرجوك لا تخلي كلام المسلسلات التافه يشغلـك إنت أكبر من كل هذا الكلام , إنـت أعقــل .
تحــب الأنمي وتحب اليابان , خلاص طيب أتعلـم ياباني .. ومالمانــع ؟! , إنت أكيد عارف إنو إقتصـاد اليابان له مكانة بالنسبة لبقية الاقتصاد في العالم , ليش ماتوفر لنفسك فرصة عمل – مستقبلاً يعني - وأنت لسـا 15 او 16 , أتعلـم اللغــة من دحين خليك مميز لا ترضى بالعادي , وفي وســائل كثيييرة لتعلّـم هذه اللغـة أو غيـرها عالنت , فرنسي , إيطالي , سويدي , أسباني .
ولا ســوي مواضيــع مفيـّــدة عالنــت نمـي قـدراتك الكتـابية , حتى لما تلعب انتقي ألعاب تطـور من قدرات دماغك .
رابعــاً\ إقـرأ .. إقــرأ .. إقــرأ ,,
الأمم والشعوب تنهض بالعلـم , ومصدر العلـم الرئيسي القراءة , أول ما نزل من القـرآن إقـرأ .و ... لحظة لحظـة , أول ما نزل من القـرآن إقـرأ .. ,
أمر .. للنبي محمد صلى الله عليه وسلم ولأمته من بعـده , أمرنا اللــّــه بالقراءة فمالنا لانقرأ ؟!!
أرجوك لا تشكيلي عن رداءة الكتب في المكتبة وإنو مافيها شي يناسبك , دائما في شي يناسبك .. دائمـاً في شيء ماتعرفـه ,
المكاتب كثيرة .. روح دور , لا تقـرأ بس في اللي يهمك , لازم تعـرف شي من كل شي , أوكي طيب مو من كل شي , من نص الأشيـاء ,أوكي ولا من نص الأشيــاء , واحـد بالمية كحـد أدنـى .
إذا أنت ما تقرأ إلا في اللي يهمك كيف تعـرف إذا هذاك الموضوع مثلاً رائع ولا سخيف ,جـرب , وحتعرف إنو الشي اللي ماكان يعجبك أحسن بمليون مرة مما كنت تتوقع .
عــارفـــة إنـي تــأخرت مرررة بهـذا الموضوع , وإنو الإجـازة شويه وبتخلّـص , بـس .. لعلـه خير .
شكـــراً جزيّــلاً للجميــع علـى صبـره معـيّ , إن أخطـئت فـأنا بشـر أخطئ وأصيب , وإن أصبت فهذا من فضل ربي ,
كل هذا الكـلام هـو عن قنـاعاتي الشخصيـة , وكمـا قال الإمام الشـافعي : "رأيي صواب يحتمل الخطأ , ورأي غيري خطأ يحتمل الصواب ."
"سبحــانك اللهـم وبحمـدك أشهد أن لا إله إلا أنت أستغفرك وأتوب إليك "
والسّــلام عليكــم ورحمـة اللــّــه وبركــاته .




اضافة رد مع اقتباس
اتقبل رأي الناقد والحاسد ..؛؛.. الاول يصحح مساري ..؛؛.. والثاني يزيد من إصراري ...









vacation
..~


~





المفضلات