بسم الله الرحمن الرحيم
والله اشتقتلكم
ان شاء الله تعجبكم القصيده
حبيبي لا تعذر والجروح اسبابهـا الأعـذار
وانا ادري مايطيب الحب غير بكثرة ذنوبـه
.
يليت الجرح ما بيّح نزيفـه باقـي الأسـرار
ياليته كان ذنب ابدون عذر وتغفـره توبـه
.
أنا اللي ماخذا منك القصاص ولا طلب له ثار
على كثر الحقوق اللي تمنّى قـول مطلوبـه
.
أهلّي بالمواجع كل مانساقـت مـن الأقـدار
واقول يحلّها اللي حطّهـا للقلـب مكتوبـه
.
حطبت ضلوعي وشبّيت ضوّك يا عذاب النار
وانا استر كل هم .. وكل همٍ ضاق به ثوبـه
.
تذكّر كيف سيّلت المشاعر في هواك انهـار
عطيتك للفرح صحـوه وللأحـزان غيبوبـه
.
عطيتك وقتي ورحت اترقّب قاصف الأعمـار
وانا سنيني على عمرٍ نثرته فيك محسوبـه
.
حبيبي وان بغيت الصدق ياشين الهوى لاجار
حبيبي وان بغيت الكذب كلّن ملْـك محبوبـه
.
دخيلـك لا تعـذر والليالـي خلّهـا تنـدار
يبين النـور والا ياعسـاه يطـوّل غروبـه
اخوكم
(عزيز النفس)






اضافة رد مع اقتباس






المفضلات