~(مستقبل عتيبهـ)~
السلام عليكمـ .. ^^
كيف الحال عساكم طيبينـ .. ؟
حبيت اقدم لكم شاعر اثبت وجوده في الساحه رغم صغر سنهـ
وفي هذا الموضوع سنأخذ معلومات عنه ثم افضل اربع شيلات لهـ
نبذه عن أسمه وعمر وحياتهـ
الأسمـ .. :. فلاح بن خالد بن فلاح المورقي العتيبيـ
العمر .. :. عشرين سنهـ
الجنسية .. :. كويتيـ
السكن .. :. أم الهيمانـ
بداية دخوله مجال الشعر .. :. عام 2003 مـ
الهواياتـ .. :. السباحة - الأدبـ
نبذة بسيطة عن شاعرنا .. :.
نشاء شاعرنا وتربي في دولة الكويت تحت ظل والده نسأل الله ان يطيلـ بعمر والده ثمـ
ابتعث والده الى المملكة المتحدة البريطانية وكان برفقتهـ شاعرنا ودامت هذه الرحلهـ
لمدة ثلاث سنوات . وكذلك يجيد شاعرنا ( اللغة الأنجليزية ) ثأثر بكبار الشعراء اواسط الساحة الشعبية امثالـ
( مطلق الثبيتي العتيبي - مستور العصيمي العتيبي - حبيب العازمي العتيبي - صياف الحربي )
قابل العديد من الشعراء المتواجدين حالياً على الساحة الشعبية و أطلقـ
عليه لقب ( مستقبل عتيبهـ )
والأن اتركم مع بعض اجمل قصائدهـ
طبعاً وضعتها لكم مكتوبه ومسموعهـ ..
(قالو تحبـ)
قالــــــــــوا تحب وقلت للحب راعيـــــــــهـ
وانـــــا من اهل الحب والحب ظلــــــــيـ
الحبــــ مثل الســــوق يرخص بغاليـــهـ
فيها خيانــة والغـــــدر والتسلــــــــيـ
لو كـــــل غالــي عاش من شـان مغليـهـ
يعنـــي دمـــوع العيـن تبطــي تهلـيـ
قلبــــي رهيــــف وبيناتن خوافــيهـ
يتـــله المزيــــون تــــل المظلــــــيـ
من البـــــلا لا بيـح القلـب خافيــهـ
يحتــــــل قلـب الزيـن جيش التغـليـ
وليـا تغلــــي راح قلبــــي يراضيـهـ
يمكـن يعــود ياعســـا يالعلـــيـ
وليــــا رحــل يبكيــه قلبي ويرجيـهـ
وليــــا صمـــل فالدرب خلـــه يوليـ
يلــعب وقلبي ياعـــرب بين اياديــهـ
الظاهــــــر انه فالهــــوا مافطن لــيـ
يهـتــز وجدي كل مــا حل طاريـــهـ
وان شفت زولــــه قمت ارحـــب واهليـ
والحبــ لو يشرا بدينــــار وجنيــهـ
لشري جمييــع الحبـ من شـــان خلــــيـ
للاستماع اضغط هنا
(نصف الحلا)
من ماضي عصور العرب لين تاليهـ .. وبكتاب رب(ن) ماسكه في يمينيـ
نصف الحلا متميز(ن) يوسف(ن)فيهـ .. والنصف الاخر وسط عينك سجينيـ
يا ملهمتني كل ما قلت لبيهـ .. لبا عيون(ن) جابت العيد فينيـ
ولبا غرامك كل ما حل طاريهـ .. ولبا خفوق(ن) بالغلا يحتوينيـ
شفت بيمين العين عشق(ن) تخفيهـ .. جنه غرامي فيه واحلا سنينيـ
وشفت بيسار عيونها ظامي التيهـ .. رجل(ن) قضى باقي حياته حزينيـ
وشفت القبر لا عقد حجاج عينيهـ .. كني بوسطه والقبر ضاق فينيـ
ياويش باقي من الحلا ماخذيتيهـ .. حلا بني جنسك معا كل زينيـ
سم العقارب للعواذل سقيتيهـ = وانا من احلا كاس عشقك عطينيـ
قد قلت لك زين العذارا ملكتيهـ = واليا سمعتي كلمتي صدقينيـ
نصف الحلا متميز(ن) يوسف(ن)فيهـ = والنصف الاخر وسط عينك سجينيـ
للاستماع اضغط هنا
(بنت الاجنابـ)
مــا طاب جرح اللي هوا بنت الاجنابـ
لوحبته يظهر من الناس حجير
هذا بلى الحب وبلى ابوك ياعقابـ
كان المحبه ذنب فالبعد تكفير
في ساعة ماكنت حاسب لها احسابـ
ما كنت احسب ان اللذي صار بيصير
تدري وش اللي يكسر قلوب الاحبابـ
حكم القدر لا قال لفراقهم خير
صدمة وجتني والزمن كشر انيابـ
والوقت تكشيره ماهوب اي تكشير
يا قلب لا تشره على كل من غابـ
من راح من كيفه يجي دون تبرير
جاني من اللي كنت احسبنهم اصحابـ
شيٍ عجزت ألقى له ان ضقت تفسير
والخاطر المكسور يا عاذلي طاب
والوقت ما قصر محى كل تأثير
والمخطي اللي من كثر ماخطى صابـ
يشفع له إنه لا وقف وقفته غير
واللي يعيش بديرته عيشة اغرابـ
يقطع على شان المعزه مشاوير
يا ساحة الغاوين يا قل الالبابـ
وما كل طيرٍ لا كفخ يقدر يطير
ما أقول ما فيكم رياجيل واشنابـ
اميّز الشعار بين الشواعير
ناسٍ تدور للقب بين الالقابـ
وواحد من الالماس شعره قناطير
وأحدٍ بماله يكسب إعلام وإعجابـ
مثل ما قالوا يدهن السير ويسير
مثل المنيحه بين تسعين حلاّبـ
ومافيه احد يكره حليب المصاغير
أو مملكة جوها طواغيت الإرهابـ
وسوّوا لهم مع زحمة الناس تفجير
وحنا نكافح والامل ما بعد خابـ
حتى ندمرهم من الشعر تدمير
وإن كان راحو بين ميت ومنصابـ
دون الشعر ناقف صفوف وطوابير
وكلن معه شلفا ولد غانم ذيابـ
من شان لا يحصل للاخطاء تكرير
ويبقى فقط شعّار عرّاف كتّابـ
ناسٍ ما يلحقهم فالإبداع تقصير
اقولها صادق ولانيب كذابـ
الشعر ميراث الجدود المناعير
وأنا حميته من مفسّد وخرابـ
وأعسف بها العاصي واسخره تسخير
يا كم حرقت اعصاب وارتاحت اعصابـ
موتوا قهر يا شلة عوير وصوير
ما ضاع حق ومن ورى الحق طلابـ
وسود النوايا من طرفنا مغاتير
وكلٍ على قده يفصل له ثيابـ
وكلن على قدره يقدر بتقدير
واللي يبى القمه ولا يبذل أسبابـ
ينبح ليا شاف القوافل على السير
للاستماع اضغط هنا
(ياعاذليـ)
ياعاذلي كان تكرهني وتغبطنيـ
خابت وفشلت خطتك اللي تخططها
خلي يوم انه بجيش الحب حوطنيـ
حمي عن الحب والعذال ورطها
ورط عذول الهوى واليوم ورطنيـ
بأوصاف مين تكون رسامٍ مخططها
فنظرة عيونها نارين تشلوطنيـ
عيون شيهانة في القلب مربطها
اثر الحلا والجمال العذب ورطنيـ
جمالها ضيع علومي وسلطها
حتي لو بقلبها عيت تقلطنيـ
أنا بقلبي بقهويها وقلطها
وقول عطني دخيلك يالغضي عطنيـ
ولاتبخل بحاجة للغير تسفطها
عطني محبتك ياخلي وظبطنيـ
خمول حالي طغى علي تنشطها
لوقست ظغطي لقيت الحب ظاغطنيـ
والعالم اللي تحب الحب ظاغطها
ولوكان ربي علي العذال سلطنيـ
أنا من أسبابها رحت بخرايطها
من زود حبي لها ودي ترابطنيـ
بلغي جميع ارتباطاتي واربطها
وليا توفت وحزن البعد خالطنيـ
لولا المخافة من الله كان أحنطها
للاستماع اضغط هنا
وفي الختام لا يسعني سوى ان اقف حاملأً كل التقدير والاحترام لهذا الشاعر العظيمـ
في امان الله احبتي في اللهـ






اضافة رد مع اقتباس



~


..
..
..







المفضلات