ماهو الفرق بين الرجل والمراة توقعون فيه فرق انا بصراحه رسمت طبايعهم وتصرفاتهم على شكل حيوانات وشوفوا شنو كتبت بس انا ببتدي بالرجل عشان يستانسون البنات وبعدين ببرد جبودالشباب في البنات لانه وايد يقولون لى انت تحط على البنات
الــرجــل
من يوم الولادة ولغاية 10 سنوات
كالارنب
كيوت ودمه خفيف وينبلع بسرعه اقل صرخه تخليه مطيع وبسرعه خواف
من سن 11 سنه ولغاية 20 سنة
قرد
بس يناقز وحنان درجه اولي مليق مثل القرد قط له موزه يسكت
من سن 21 سنه ولغاية 30
حصان
كله قوه ونشاط ...شاد حيله وايد ويكون في هالسن مناسب للزواج عشان يقبلون فيه قبل ما يصير سكراب ويقطونه بالكراج
من سن 31 ولغاية 40
حمار
بسرعة ينقص عليه حمار مكده يب جذيه ود جذيه تعال الساعه كذا ودني المكان الفلاني روح اشترجذيه .. خو المدام بتشلخه طلبات وهو مثل الحمار على طول ينفذ
من سن 41 ولغاية 50
كلب
بس ينابح لا تسون جذيه لا تروحون مني وكله اعصاب ونجره وصراخ طبعا هذا بعد ما كود له كوم يهال وحاط حيله بالمدام لاطلعين لا تروحين وين غداي وين هدومي ...الخ
من 51 ولغاية 60
خرتيت
كله مبطل حلجه هل بصارخ ولا يوعان ما تفهم شنو يبي وكله يبي ينام 24 ساعه يتثاوب وكله يتحلطم مو عاجبه شى
من سن61 ولغاية 70
بعير
ماله شغل بأحد عطي اكله يسكت اهم شى الريووووق
من سن 71 ولغاية 80
سلحفاة
بكل شى بطئ وكله مندعس بروحه
من سن 81 لغاية 90
ترحموا عليه يا جماعه
المرأة
من يوم الولادة ولغاية 10 سنوات
قطة
نعووووومه حيل ودلوووووووعه بشكل مو طبيعي وجميله للغاية حق التـقرص تنفع
من سن11سنة ولغاية 20
نعامة
خجوله من تقولها شى نزلت راسها مثل النعامه لما تخش راسها بالارض تبي تنطلق بافكارها واعمالها بس ما تقدر مثل النعامه طير بس ما تطير
من سن 21سنة ولغاية 30
لبوة
يعني ديرو بالكم منها ممكن انها تفترسكم في اي لحظه ذكية مكاره تقدر تـفر راس الاسد بافكارها وخططها
من سن 31 ولغاية 40
حية
الله يكافينا شرها لسعتها سامه وحده بوحده حق تنقل الحجي من جحر ليه جحر زاهبه واللسانها طويل من طوله يطلع ليه بره وماتدري شنو قاعده تسوي وتخطط له لانه شغلها بالخش والدس مثل الحية محد يدري شنو قاعده تسوي بجحرها
من 40 ولغاية 51
كنغر
مثل الكنغر وين ما تروح ويها ولدها او بنتها ومناقز من جمعية ليه جمعية ومن محل ليه محل
من 51 ولغاية 60
غوريلا
طبعا ليش غوريلا لانها وصلت مرحله محد قام يطالعها وجمالها راح فصارت بس تبي تسيطر على عيالها وريلها والبيت
من 61 ولغاية 70
صخلة
لحظه لحظه ليش صخلة الحين اقولكم ليش لانها حنانه عطووووووني يبوووووولي مااااااااااااااء شاااااااااااااااء غدااااااااااااااااااء عشاااااااااااء
وكلة تحلطم على الناس فلانة ما فيها خير ما زارتنا فلانه طاع شمسويه فلانه ويا بناتها فلانه ويا خواتها وهالكلمة 24 ساعة على اللسانها فلانه وفلانه بس عاد بسج خرفتي ولما الحين فلانه
من 71 ولغاية 80
بومه
تخرعك من الشيب اللى فيها تحس من تطل بويها بتصيرلك كارثه اليوم قبسة درجه اولي وان قالت شى صار سبحان الله
من80 لغاية 90
ديناصور
هذى المشكلة والفرق بين الرجل والمراه انه الرجل في هالسن يكون فنقش خلاص لانه قليل من الرجال يوصلون حق هالسن اما المراة غير فحياتها اطول من الرجل وممكن انها تعدي ال 100وكل شى بيد الله سبحانه .... اتمني انى ما جرحت اي احد في اي سن وخاصه الصخول
مسامحة اذا في كلمات مو حلوة
من الايميل
مع تحياتي
دون كورليوني
اضافة رد مع اقتباس
المفضلات