طبعا حبيت أسويلكم موضوع ع الحال الولد والبنات بالمنتديات والماسنجر
=_=_=_=_=
طبعا حبيت أسويلكم موضوع ع الحال الولد والبنات بالمنتديات والماسنجر
وبالتفصيل
نجي ع المنتديات
نجي لطرق الحب عند الولد :ـ
طبعا هي هوايه طرق لا تعد ولا تحصى وكل واحد وطريقته واسلوبه في التعبير
اكو نوع وهذا تقريبا هو اللي مشتهر هالايام
الحب عن طريق التواقيع والملفات الشخصيه
شلون يعني
توقيعه رومانسي جدا
( ولد وبنيه + خاطره اني ابحث
عنكي ومالي سواكي وانتي حبي الاول)ـ
او توقيع واحد ضارب نفسه موس ودمه يجري وكاتب حرف
من اسم عضوه بالمنتدى
+ اني انتحرت لاجلكِ ياسيدتي فأرحمي بحالي
( اي قابل تجدي منها وترحم بحالكـ)
اما النوع الثاني عن طريق البروفايل( الملف الشخصي)
نشوف الولد كاتب الاقامه
في قلب حبيبتي ( ادري قلب لو مشتمل)
لو يجيك واحد
لاخ كاتب اني اسكن في الحب (بشرفك شكد تتدفع ايجار)
ويجي لاخ كاتب الاقامه في مدرسه الحب
( ادري ماعندك
غير مكان .. شنو قابل مهجر تكعد بمدرسه)ـ
واكو انواع من الولد تكتب الاقامه
السويد
امريكا
فرنسا
سوريا اللي مقبطه
طبعا مو كلهم صحيح تلاكيه هسه كاعد بجزيرة السندباد لو بصفوان
وهو كاتب جوهانس بيرك لو جينف
شنووووو
واكو نوع يكتب الاقامه ( بطريقه تحشيشيه) يم بيت فلان
لو ثالث فرع على اليمين
هذا النوع بصراحه مااعرف شكول عليه
( لم تتوفر المعلومات لحد الان عليه)
والنوع الاخير وهو الولد الي يكتب الاقامه بفولدر
( C:\******S\system32)
هذا اخذوها مني نصيحه كلشي ميفتهم على الاساس هو هكر ومخترق جيس نايلون
وبالك عنه ( دروح بابا لتنكلب )
هسه نجي للهوايات
تشوف الولد كاتب الشعر والسباحه والهوكي الجليد
وهو هذاك اليوم بطل يلعب دعابل بالشارع ويمشي حافي أي أي أكو هيج نماذج بس أهم شي لتاخذون على نفسكم أوكي
هسة نجي لطرق الحب عند البنات
طرق الحب عند البنات
تشوف التوقيع صوره بنيه صافنه على جامه لو يم نهر لو
يم بزونه لو يم تانكي ؟
وكاتبه ملاحظه1 : في إنتظار حبيبي المجهول
ملاحظه 2: اسمايل تبجي وكاتبه( يا شريف يسويلي توقيع؟)ـ
أدري مخلفيكم وناسيكم
هسه نجي للاقامه
اغلب البنات كاتبه بالغربه
( زين وين صايره هايه الغربه بعيده ؟!)ـ
لو تشوف وحده كاتبه يم حبيبي مااكول اسمه
( مراح ناكله اشبعي بيه !)ـ
لو اتشوف وحده كاتبه يم ( سامر ,لطيف, أسعد) أي سامر روحه
من فوكً السطح ؟لو أسعد فوكً السطح
واكو نوع من البنات تكتب ( بصف النجوم والقمر ) شنو
دوقفليد لو يوفووووووووو
هسه نجي لهوايات البنات
خياطه : طالبه : رسم وغناء
( كولي فنون جميله وفضيهة)
و ركوب ملاعيب العيد !ـ
.............................
طريقه الردود على مواضيع البنات
يعني الله يساعد البنيه لما تنزل موضوع
تشوفون موضوعها بيه صوره لو كاتبتلها سطر واحد
( 7 صفحات ردود ) + ( 350 مشاهده) +( تصويت خمس نجوم)ـ
اما الولد ياعيني
لو ينزل تسجيل صوت لكاظم الساهر ايحيي بيه كـــل الاعضاء
( هو يتثبت الموضوع مو ميتثبت)
بس تعال منو اللي راح يرد
اني اتصور الضيوف تنقهر عليه واتسجل وبعدين ترد وتطلع !ـ
وطبعا الردود اللي بمواضيع البنات
اقل شئ 4 سطور + نص نفر خاطره + صوره لكليتر مكتوب
بيها بداعه وداعت امي + رساله خاصه !ـ
ممكن تضيفني لان مااعرف شبيه ايميلي!ـ
خلي يولن دكًمهن شخبطهن صارن قديمات
مو لو مو مو
-:هسه نجي ع الماسنجر:ـ
الولد اونلاين
البنيه انفزبل
يعني البنيه سايكه على الولد
الولد انفزبل
البنيه اونلاين
يعني ولد بايع ثكل
منين يا حسرة
الولد اونلاين
البنيه اونلاين
يعني علاقات عمل ( شركات , وزارات , الخ )ـ
هسه نجي لما بنيه تدز اوفلاين
يبوووووووووووووووووو
يصير مو اوفلاين ( قضيه الشعب )ـ
كلها تدزه عبالك رقم منظمه للاغاثه واللاجئين بسوريا المقبطه
خللي ولد يدز اوفلاين
يتطنش ومينرد عليه غير بس الصدى مال الماسنجر يصوصي
اضافة رد مع اقتباس
المفضلات