خمتني خمه وتذكرت ايام الثانوي وقلت خلني اهذر عليكم
بدايه الهم يبداء معي الصبح وفي الاجواء الهادئه والمكيف الي يرن فوق الراس والهواء الي يضرب في الراس ماتدري ومايمدي الواحد نايم الا وبسم الله جاء الصبح وتبداء امي في الصرااااااااااخ في البدايه بشويش يالطيبه قومي ماعاد الا خير اها قومي بعدها يعلى الصوت ويمال التبن قوموا كل بنات الناس قاموا الا انتم سهر نوم ( مدري شدراها عن بنات الناس )
نقوم وانحن من النوع اذا قمنا ننسف براطمنا وراانا ونطلع ويفربنا اخوي على هالمدارس طبعا ماعمري وصلت وصفيت طابور وانا الي ادخل واتخيتن لحد يشوفني مدري الا صوت وراي تعاااااااااااااااااااالي بدري يالله صباح خير وتعطيني من هالاكلام الي مايحبه القلب وفي يوم من الايام قررت اني استحي على وجهي واجي بدري
يومني جيت وانا الي ادخل والعالم صافة طابور وابتسم لاني من زمان ماشفت البنات صافين بس المشكله اني مدري وين طابوري والمديره تخزخز فيني من بعيد قلت مبدهاش يابنت واعد لين عشرة واصف في اي طابور واحط شنطتي عند رجلي وامسمس شعري واشيل قطع الخيوط عن مريولي ماشلتها عشان يدروون انه جديد وبدت المديره تدور على الطوابير جتني وقالت وين في عرس شكيت بعمري قلت وراه يكافي جمالي رباني والله ماحطيت شئ في وجهي قالت اقول افصخي الحزام قلت هو ليه شبلاه الحزام افتوا انه مايجوز وتجي المساعده هي وكرشتها وافصخ حزامي امري لله قالت وبعدين ليش لابسه شباصات الوان ما قلنا ممنوع قلت خلا ص والله ماعاد البسهن بس موب احسن لتس ان فصختهن والله ماتلقين ولا طالبه في المدرسه قالت افصخيهن ولا يكثر خلي بس السوداء الي في النص قلت امري لله بكيفكم
وتفزع ذا المساعده وذا التعليقه وين في عزيمه افصخيها وحطيها بالشنطه ممنوع ولا عاد بعطيتسياها
وتطالع البنت الي جنبي ياحياتي توها قاصتن شوشتها وكاشخه بعمرها طالعتها بنظره وقالت حمدلله والشكر
وارقى فصلي وانا حالتي صعبه والي يشوف شكلي المعتفس يقول طلعه مهوب تونا الصبح
واروح بشوف شكلي في المرايات الي في الحمامات والاهم باخينها ببخاخن ابيض زاد انا اول مادخلت المدرسة استغربت انهم مابخوها
وارجع لفصلي وانا حالفتن اني ماعاد اعيدها واجي بدري التأخير اررحم
بس الي بفهمه ...........
ليه الحزام ممنوع
ليه الشباصات الملونه ممنوع
ليه المرايات مبخوخه دايم في المدراس
ليه التعليقه ممنوعه
ليه العطر ممنوع
ليه الفرشه ممنوعه
وليه.. وليه ..
ماعمري سمعت مديره تقول صباح الخير ماعمري سمعت وكيله تقول يمي ياحبيبتي هالي تسوينه خطا يكافي ورا ماعندهم ذرابه مدري<<<
وسالمي سلام الله على الي يعجبه الموضوع ( بلحن )
شكلكي مهابوله. 
المفضلات