حي الله الربع والربعات
المهلي مايولي يافهااوه
مرحبوم بوم بوم بوم تم تيرم
<< الولد لخبط من اولها
اتحداكم تعرفون اني توني ماكل شكشوكه :
سراحه سراحه سراحه << يالبيه على سراحه اروح جبن كيري ياشيخ
البقاله اللي عند بيتنا غلا الجبن كيري حطه بسبعه ريال الله يرجه بسبتنا انا واخواني علينا استهلاك جبن كيري مو طبيعي
<< اقول تراك ازعجتنا اخلص علينا يادرج
المهم يالربع ماطول عليكم هذي سالفتن لي قشرا
منذ مبطي قررو الربع يطلعون لمزرعتنا طبعا طلعة عوايل الاجواء حلووه ووممطره والمزرعه على طرفها نفود وفي وسطها استراحه قلنا بدال مانكشت بالبر نروح للمزرعه حنا والربع
والله وخذ طلعة بر ماحصلتش انواع القلق في هالشيبان ماغير طقااق وتسلط كل واحد يسويلي فيها عند عياله انه هو القوي
عاد ذيك الايام تو الشنب خااط وحركاات ومسوي على باالي عند الشباب اني عربجي اشخص شخصية العرابجه واذا بغيت اروح اودي اغراض للحريم طقيت الرسم وسويت نفسي رومنسي وحركات عشان يقولون ذا الولد فلته مافيه مثله
وانا من جنب جنبها صرااحه خخخخخخخ
الموووووهم كشته بس مخربينها هالشيبان وكثرة قرقرتهم
ماغير ارقدو ولا قومو ولا حطو العشا ولا حطو الغدا ولا حطو الفطور
خاصه عمي ناصر ذا قلق بقوووه<< فضيحه جايبن اساامي العايله خخخخخخخ
ماغير يصايح عندنا ويلج واذا جت زوجته خق وتوزا
<<<< ياخي يانت فضيحه بعد يعني ينبهكم لاحد يطيح بلسانه
المهم عمي ناصر مرعبنا ذيك الايام مسويلنا قلق نفسي اذا شفناه قمنا نترجرج من الخوووف ماغير يمسطنا بها العقال على اي شي بس يدور شي عشان يبز قدام هالحريم ويقعد يسطرنا
المهم مهيب هذي المسعله << اروح وطي على المسعله
خالد ولد عمي ناصر << قسم بالله مابقى الا تجيب اسم العائله والقبيله وين ساكنين ورقم البيت هههههههه
خالد هذا يقدر شي اسمه معسل واهله مايدرون عشان ابوه مرعب
ترا كنا نسمي عمي ناصر النمنم << ياخي قسم بالله انك منسم انت وولد عمك ههههههههه
المهم الربع لي جت الساعه عشر بالليل هجدو كلهم ورقدو وطفو الماطور عشان يرقدوون وابن امك ماترقد قسم بالله ان يلزخنا عمي ناصر ويستقعد لنا
المهم يوم جت الساعه 11 ويجيني خالد قالي تراني خرمان تكفى خلنا نروح ناخذ لنا رويس من المقهى اللي في المحطه قلت له تبي ابوك يسطرنا انت قال امش يابن الحلال عشاني تكفى طلبتك لاتردني خابرك قوي يا أقلاع ماتخاف من احد
يوم قالي خابرك قوي قلت بس ياولد لاتسوي نفسك خواف قلت اصلا انا ما اخاف بس يالله مشينا ونسحب نفسنا بشوي شوي الواحد يمشي على اطراف اصابعه عشان مايسمعنا عمي ناااصر<< مرعبنا ذيك الاياام
والله ونرووح ونعين من الله خير ويعسل الرجال يوم طيح اللي في راسه ونجيك راجعين على الساعه وحده والله يوم دخلنا الاستراحه اللي وسط المزرعه وانا اللي اترجرج قلت لايشوفنا عمي ناصر همن يقلب ليلنا ليل
ومافيه في قسم الرجال الا غرفتين رحنا دخلنا الغرفه اللي مافيها عمي ناصر << قايلكم مسويلنا رعبن مهوب طبيعي ابو صلعه
وندخل اول غرفه الا واحد من العيال طاقن شخار يسمعونه المزارع والمخيمات اللي جنبنا كلبوهاا
قلت قسمن بالله مانيب راقدن هنا لو اموت خلنا نطلع لو انوم في هالبرد برا ولا ارقد عند هالدب المعفن
قال ولد عمي براسك والله مناب قاعدين والغرفه الثانيه فيها ابو صلعه عمي ناصر الا يافاتحين البااب والله ان ننفرش قدام الملا كلهم المهم واقز الا
المقلط قدامي قلت شف يالمفهي خلنا نروح نرقد بالمقلط ماحولك احد لا احد يزعجنا ولا يقومونا ولا شي ومافيها الا انا وانت قال والله فكرتن مهيب صااحيه
والله ونروح وندخل المقلط ونصك الباب وننسدح على طووول وخذ نوومه
مادرينا الا الصبح امي داخلتن علينا وتقعد تصايح ماغير تتحيسب علينا حسبي الله عليكم فشلتونا
ياحمير يا اللي فيكم مايخطيكم يادشير وخذ من هالكلام والصياح
وانا اللي نقوم ونقعد نطالع فيها وش السالفه
ونلتفت يمين الا الشغالات متسدحااااااات
اثرنا نايمين عند الشغالااات مادرينا عنهم دخلنا وتسدحنا وماجبنا خبرهم انهم فيه ( يلعن ام الفشيله )
وخذ حلوف عاد
واقعد اقسم واحلف يمه والله العظيم اني مادري عنهم ولا ادري انهم راقدين هنا وتقول الا انتم متفقين معهم
يلعن ابو التوهيقه كله بسبة معسل هالمسبوووهه خخخخخخخخخخ قصدى المسبوه مقصوده ترها <-- يالى بالي
واقعد احلف واحط سيفين ونخله واطلع القران واقرا اسوي نفسي مطوع عندهم<< قديمه الحركه بس مافيه فايده الربع شاكين فينا
عاد لو تشوفون خشش الشغالات قسم بالله اننا ازين منهم مابزيناهم وهم قايمين عاد وشلون لو توهم قايمين من النووم ياشينهم بعد
واناظر امي واقولها قسم بالله الخوف علينا مو عليهم المهم يوم شفت الدعوه كذا
واكب العشا قلت لهم السالفه كذا وكذا وكذا وترا خالد يعسل <<< يلعن ام الفضيحه هههههههه
ويالله صدقونااااااا بالطقااااق افتكينا بغت تروح السمعه وطي
بس والله ياهو حتة موقف ابن سته وستين هذوليك
بس عدت سليمه ابشركم
عاد ورحنا لكوفي شوووب << واحد مايعرف يختم توررط
طحياطي للقميع
اضافة رد مع اقتباس
المفضلات