][موقف بنت مع خطيبها][
هي البنت من النوعيه الخجوله جداا. . كانت تخجل اشد الخجل من خطيبها لدرجه انه لو تقطعها ماتاكل قدامه ولاتشرب!!!
تقول : جاهم خطيبها ذاك اليوم بعد ال ظهر>>>> ( شيبي ذي في عز القايله)..
كانت توها قايمه من النوم >> ( الشكل رايح فيها بدون شك)
مامداها تفك ريقها إلا هو موجود خلصت ع السريع .. ماشبعت طبعا..المهم جلس عندهم وجا وقت الغدى
أهلها قامو يتغدون.. فقال لها خطيبها : تعالي تغدي معانا..
قالت : لا انا شبعانه توني فاطره
قال: علشان خاطري تعالي..
قالت:والله خاطرك على عيني وراسي بس مافيه مكان للأكل مو قادره لأني شبعانه>>( وهي ميته من الجوع بس لانها تخجل لو تذبحها ماراح تاكل قدامه)
المهم جا العصر وإستأذن خطيبها من أهلها انه بياخذها وياه على محلات الاثاث حق شقتهم.. وافقو الأهل..
وطلعت البنت معاه وهي ميته من الجوع .. جا بينزلها بكوفي شوب.. قالت: لا ماقدر اشرب كوفي >>( وعيونها بغت تطلع من الدريشه من الجوع ودها تاكل المحل بكبره)
قال: يابنت الناس تحليين على الاقل.
قالت: لا والله قبل مانطلع كنت شاربه كوفي ومحليه بالبيت >>( وهي ماشمت ريحته).. وهي من هناك حاسه بدوخه وودها ترجع البيت. ولف فيها ولف ولف >>( والبنت ميته من الجوع وعليه قامت تفكر بأفغانستاان والمجاعه وكل شي خطر على بالها في ذيك الساعه)
وفي محلات الاثاث ماتقدر تتحرك وتكابر .. يوم ماقدر تمسك نفسها قالت: ياريت نرجع البيت لاني مصدعه.....قال: ابي اعزمج على العشى برى , قالت: لااااااا واللي يعافيك مافي داعي انا شبعاااااااانه
رجعو البيت وإلا امها مسويه عشى >>( وهي عينها طاحت عليه)..حطت حق خطيبها العشى وماكان في البيت إلا هي وهو بس...قال: تخليني اتعشى بروحي؟! قالت:توني متعشيه >>( شفيه ذي مايفهم .. بالغصب يعني).. قال: شلون توج متعشيه وإنتي طول الوقت معااي.. انحرجت واظحكت..
قالت: الظاهر كثرت من الاكل اول ماقمت
مد يده لها بيأكلها من إيده قالت: لاا والله.. قال لها: علشاني...قالت: ودي بس احس اني برجع من كثر ماأنا شبعانه...قال: لهدرجه شبعانه..قالت: واكثر من جذي .. المهم خلص الاخ غسل ايده وقال لها:حبيبتي انا أستأذن الحين ولازم امشي>>( وهي ماصدقت امنيتها انه يطلع بسرعه من كثر ماهي جوعانه.. هلكت البنت)
قالت: عادي حبيبي حياك الله خلنا نشوفك...الرجال استغرب مالزمت عليه يقعد>>( قام يطالعها وعيونه تطلع وترجع)
عقب مشت وياه ووصلته لين الباب....
من كثر الجوع ماقفلت الباب على طووول (صينية العشى)وهي بالمطبخ تااكل بشراااااهه وهي واقفه.. في هذا الوقت نسى الحبيب مفتاح السياره فدخل عليها وهو (ولد عمها)..فحب يسلم عليها ويقول لها انه رجع ياخذ المفتاح سمع صوت بالمطبخ جاان يدخل عليها.. وهي من كثر الجوع ماحست انه وراها وقف ومكتف ايده يطالعها (( وهي في خبر خير)..وتاكل لين ماخلصت توها بتمشي.. التفت وراها إلا لقته مبتسم ويطالعها بعين!! عاد تخليو هي خجووله وشافها بهالمنظر..قال: ليش كذبتي علي وقلت لي انج شبعانه؟!وكل هذا جوع! ....البنت رااحت فيها بغى يغمى عليها من الاحرااااااااج
منقوله القصه بس على اسلوبي اتمنى انها تنال على إعجابكم
ولاتبخلو علينا بالرد..
اضافة رد مع اقتباس
المفضلات