مشاهدة النتائج 1 الى 10 من 10
  1. #1

    غضب قولوا آمين جعل رجله تزلف من فوق عماره ويطيح على راسه

    منقووووووول

    أقرؤوا هذا التحليل واضحكوا على اللي يبغي المرأه تسوق

    قولوا آمين جعل رجله تزلف من فوق عماره ويطيح على راسه

    وماهوب حسافه لو مات بس الله يفك بلاط الرصيف من الكسر
    ههههههههههههههههههههههههههه





    تحليل اقتصادي بسيط وسطحي مقدم من اللي يبي المرأه تسوق :

    يقول إن هناك مليون سائق أجنبي يكلفون 12مليار ريال سنويا

    ويقول انه حسبها بالطريقه التاليه :



    مليون سائق X 1000 ريال X 12 شهر = 12,000,000,000 ريال – 12 مليار- بالسنة

    أولاً ماندري من وين جاب احصائية ان فيه مليون سائق عائله ؟

    ثانيا غير صحيح ان راتب السائق 1000 ريال ؟ فيه سواقين ياخذون 400 ريال وفيه 600 ريال وفيه 800 ريال

    ويمكن يكون فيه سواقين ياخذون 1000 ريال يعني ممكن يكون المتوسط 600 ريال ، لكن 1000 معصي ياابن زلفه

    لكن نبي ناخذك على قد عقلك ونمشيها لك !!



    نشوف البديل يامستشار

    10 مليون امرأة X80,000 ريال ( قيمة سيارة نسائية لون فوشي ) X1 سنة ( طبعا كل سنة تغيير) = 800,000,000,000 ريال – 800 مليار- بالسنة

    هاه وش قلت هالحين يااللي تبغي المرأه تسوق بالاحصائيه الاقتصاديه !



    :-(:-(:-(:-(:-(:-(:-(

    طيب لاتزعل .... نرمي نصف العدد لأن عدد الحريم والبنات أقل من نصف المجتمع !

    وفي هذي الحاله يكون الرقم = 400,000,000,000 – 400 مليار- بالسنة ،، قارن مع 12 مليار

    هاه وش قلت هالحين ،،،، شكله تغير وجهك ... !

    :-(:-(:-(:-(:-(

    ولكن تعاطفاً مع وضعك النفسي وعلشانك توك جديد في التفكير ولا تفهم شي نقول نرمي نصفهم بس لا تزعل

    ونقول ان المرأة عندنا متفهمة واقتصادية وماراح تغير سيارتها الا كل سنتين! بدل كل سنه

    يعني يكون الرقم = 200,000,000,000 – 200 مليار- بالسنة ،، قارن مع 12 مليار

    كيف الوضع معك يــــا ،،، ان شاءالله تمام ...!

    :-(:-(:-(:-(

    شكله ضاع وجهك >>>>> الله لايفشلنا ، بصراحه كسرت خاطري

    طيب نرمي نصف العدد ونقول حريمنا حليلات وممكن يشترون سيارة مستعملة !

    يعني يصير المبلغ = 100,000,000,000 – 100 مليار – بالسنة ،، قارن مع 12 مليار

    وهالحين وش رايك يــــا ،،،، ترانا ماقصرنا معك ، أعمل فيك إيه بس ؟؟

    :-):-(:-(



    ماش ..... ماقدرنا نقرب المنطق والعقل مع تفكيرك ، صرنا مثل محل ابو ريالين كل شوي نخفض ؟

    طيب نرمي نصف المبلغ ونرمي معهم نصف انصاص نصف المجتمع وش يصير !

    يبقى = 50,000,000,000 – 50 مليار – بالسنة ،، قارن مع 12 مليار

    شفت يااللي تبغي المرأه تسوق ان ماعندك سالفه ، عجزنا نبيك تفهم ؟ لو كان فيه ربع مخ براسك كان فهمت

    :-):-(

    محل ابوريالين مانفع معك ؟؟ طيب خلنا نحولها للحراج يمكن كلام الشوارع يناسب عقلك

    نقول نرمي نصف المبلغ في البحر في جيزان والا نرميه في عقبة تهامه ! او في النماص المهم لازم نخفض المبلغ !

    يبقى = 25,000,000,000 – 25 مليار – بالسنة ،، قارن مع 12 مليار

    أقول ... ياحسافة المخ عليك اللي انت تفكر فيه

    :-(

    اسمع يالاخو يابن يــــا اللي تبغي المرأه تسوق

    مع اننا ماكنا مقتنعين بالرقم 12 مليار لكن صار أرحم من 25 مليار والباقي مسامحينك فيه،



    ونبغى بس بعشرة مليارات شبكة قطارات كهربائية في كل مدينة مثلنا مثل سيرلنكا.



    وازيدك من الشعر بيت ان السواقين والـ 12 مليار بتاعتك ستضل حتى وان قادت المرأة السيارة اسوة بالجيران في دول الخليج اللي صاروا

    حريمهم وبناتهم وعيالهم يسوقون ولايزال عندهم دريول يادريول اقصد سواق !

    يعني أبشرك ان الـ 25 مليار بعد التخفيض مستمره مع الـ 12 مليار ، والدعوى مدحدره .

    وبعدين ودنا نستفيد من مخك الرهيب وعقليتك الاقتصاديه ونبغاك تحسب لنا كم تكلفنا رواتب الشغالات اللي ماليات البيوت وفيه بعض البيوت عندهم شغالتين وثلاث

    كم تتوقع رواتب الشغالات بالسنه ، واذا طبقنا نظريتك في معادلة رواتب السواقين فهذا معناه ان رواتب الشغالات اكثر من 30 مليار

    طيب وراك ماتقول ان الأفضل اننا نلغي الشغالات وتقوم كل حرمه بشغل بيتها ونوفر على اقتصاد البلد 30 مليار

    هذا غير ان شغل الحرمه في بيتها يعتبر شي طبيعي وعلى الأقل نرتاح من غثا ومشاكل الشغالات ووصاختهن

    ولاتنسى ان شغل الحرمه وحركتها يعتبر رياضه ونشاط وصحه وعلى الأقل تختفي الشحوم والروماتيزوم



    وش رايك يا اللي .................................... تبغي المرأه تسوق ،،، تبغانا نواصل النقاش والا مخك مايقدر يستوعب

    لكن نقول

    اذا ضيعت الامانة فانتظر الساعة !!!!!!!!

    وسلامتكم

    سعودي للأبد


  2. ...

  3. #2
    مع احترامي الشديد انا اؤيد انه المراة تسوق
    يعني بصير اول شي مشاكل وبعدها بسنتين ثلاثة بيصير عادي
    انا ما اعرف انتوا ليه كل شي تسوي الحرمة عندكم ياه غلط!!!!!!!
    انا اقول انه السواقه حق للحرمة ولا تقولي من دون محرم ليش السواق يعتبر محرم
    راح يوفر لها فرص اكثر في العمل وراح يخفف من مسؤليات الزوج
    ما ادري انا احس بانه الموضوع ما في اي عيب وهذي وجه نظري واتمنى منك تفهمني
    180e3fa334

    73c5f3b31c

    b58ef29350

  4. #3
    اما انا مبسوطه كذا بلا سواقه بلا بطيخ ونفس الحرمه في خشمها لما الواحد يعارض رايها وشلون لو ساقت وصار لها مشاكل في الطريق كان جرائم بالكوم والدرزن بعد لا وازيدك من الشعر بيت بالله وش بسوي لو طاحت خصله من شعري والناس عند الاشاره الخضراء ويضربون بواري بااصلح الطرحه والا ابعد عن الطريق والا وشلون ؟؟

    ما ادري بس وانا ما اسوق لو دخل علينا واحد في الطريق وغلط ودي انزل واسوي كم حركه والنعال بنلقاها في الشوارع بالكوم يغني زياده مصاريف علشان النعال المفقوده

    لا والشرطه واللي فيه كم فلقه والمستشفيات واذا كنت انت المخطيه الناس بيناضرون اللي معك على انه ما عنده دم ولا احساس وانه هو المخطي دايم


    لا واذا كانت البنت متبرجه وطالعه تسوق وهذا موبعيد ابدا كم حرمه بيتركها زوجها علشان وحده اجمل منها بتقولون ليه يطالع ؟؟طيب وش يسوي يسوق وهو مغمض؟؟

    والمشاكل بتزيد موناقصه


    الحرمه مو في السواقه كثر ماهو في المشاكل اللي بتحصل منها

  5. #4
    وراكم ما قلتم آآآآآمين<<يستخف دم ثقيل الدم

    نبدا بالعضوة

    احم احم

    مشكورة على المشاركة

    مع احترامي الشديد انا اؤيد انه المراة تسوق
    هذا رأيتس الشخصي وأنا مالي دخل بس انتي اوزنيها براستس

    لا سوو تفتيش ووقفت سيارة حرمة

    الشرطي يبي يقول لها الرخصة

    شلون يتأكد ان هذي الرخصة هي رخصتها

    لازم تكشف
    مع اني اتوقع شرطتنا بيمشون الحريم

    بعدين اذا حرمة تسوق وهي كاشفة <<<لأنهم بيلاقون أزمات ويقولون لازم الحرمة تكشف عشان الرخصة او عشان تشوف الدرب زين

    السواق الرجال الي جنبها بيتلخبط ويصقع بأقرب لمبة

    بعدين انا اخلي اختي تسوق

    بس في البر واكون معها

    او ان يكون معها ابوي او خالي او اي واحد من محارمها

    ومع ذلك كم مرة خربت السيارة منها

    انا ما اعرف انتوا ليه كل شي تسوي الحرمة عندكم ياه غلط!!!!!!!
    من قايلتس تسذا

    عندنا الحرمة معلمة ودكتورة ومهندسة وربة بيت عندنا حريم يشتغلن في المشغل

    مهوب عيب ابد

    انا اقول انه السواقه حق للحرمة ولا تقولي من دون محرم ليش السواق يعتبر محرم
    انا من رأيي ما اعتبره حق للمرأة

    لانها كل ما جت تطلع من البيت تخاف

    هذا بيحدني

    وهذا بيغازلني

    وذا يبي كذا


    وبعدين بالعكس السواق ما يعتبر محرم


    من اي قايل لتس تسذا

    ما ادري انا احس بانه الموضوع ما في اي عيب وهذي وجه نظري واتمنى منك تفهمني
    انا فاهمتس زين

    وبرضو هذي وجهة نظري

    اختي
    mecheco

    وشهد شاهد من أهله

    يعني هذي وحدة من الحريم تكلمت وقالت لا مانبي نسوووووق

    وأخيرا

    وش بسوي لو طاحت خصله من شعري والناس عند الاشاره الخضراء ويضربون بواري بااصلح الطرحه والا ابعد عن الطريق والا وشلون ؟؟
    ما اتوقع يدقون لتس بواري

    يمكن يستنونتس لين ما تخلصين مره


    لا واذا كانت البنت متبرجه وطالعه تسوق وهذا موبعيد ابدا كم حرمه بيتركها زوجها علشان وحده اجمل منها بتقولون ليه يطالع ؟؟طيب وش يسوي يسوق وهو مغمض؟؟
    عجبتني كلمة متبرجة

    ضحتك عليها لين قلت آآمين

    بعدين الله يعين من الحوادث الي تبي تجي من ورا سواقة الحريم

    وسلامتكم

    سعودي للأبد

  6. #5
    شكرا على تفهمك واكيد انه في سلبيات كثيرة
    ومشاكل راح تطلع بس اني نفسي اسوق بس

  7. #6
    اختي احم احم

    اذا ودتس

    ترا واجد حريم ودهن يسوقون

    روحي مع اخوتس للبر وسوقي على كيفك

    وسلامتكم

    سعودي للأبد

  8. #7
    اهلين للكل
    أولاً الموضوع ما يؤخذ بعاطفيه يعني بالعقل ياناس مو والله نفسي اسوق بسسسسسسسسسسسسسووووووووووووووق وخلاص الي يصير يصير
    اما بالنسبه لي فاانا ما أأيد ابداً ابداً والله لا يكتبه علينا ان شاء الله وعشان ما تقولون اني ولد ومتعصب لبني جنسي انا بنت بس حاطه ذكر استهبل والله هههههههههههههه
    وشكراً سعودي للأبد على طرح الموضوع مره اسلوبك كوميدي

    وياليت هالعالم تفكر مثلك

  9. #8
    اختي lili

    أولاً الموضوع ما يؤخذ بعاطفيه يعني بالعقل ياناس مو والله نفسي اسوق
    والله كلامتس صح 100%

    اما بالنسبه لي فاانا ما أأيد ابداً ابداً والله لا يكتبه علينا ان شاء الله
    انا اصلا ما نزلت الموضوع الا عشامن غيرتي على المسلمات

    وتشكرين على الاطراء الرائع

    وسلامتكم

    سعودي للأبد

  10. #9
    وش رايك يا اللي .................................... تبغي المرأه تسوق ،،، تبغانا نواصل النقاش والا مخك مايقدر يستوعب
    مافيها شي المرأه مرات تحتاج السياره

    ما بسير بعيد بس بقول لك عني انا (اعوذ بالله من كلمة انا)

    قبل ما آخذ الليسن اهلي كانو يوصلوني الجامعه و مع العلم ان الجامعه في مدينه غير مديتنا بس مب بعيد وايد

    المهم طول السنه سييره و رده سيره و رده , اهلي ما يقولون بس احس بأنزعاجهم من هذي السالفه

    انزين مب مشكله كنت ايلس في الجامعه 6 ساعات هذا بين المحاظره و الثانيه عسب ما اتعب اهلي
    بعد ما عرفو اني ايلس كل هالمده فاضيه عشان ما اتعبهم
    قالولي خذي الليسن و ريحينا و ارتاحي احسن
    و الحين بعد الليسن لا انا زاعجه احد ولا حد زاعجني

    لا اتقول ان سواقة الحريم مب زينه و يدعمون لأن حتى سواقة الشباب بعضهم مب زينه و بعضهم يروحون من ورا حادث

    المهم اذا كانت بنت محترمه و ما لها شغل في غيرها
    ما يهمها غير انها توصل للمكان الي هي سايره له
    يعني مثلا من الجامعه للبيت و من البيت للجامعه بس
    هل هذا بعد ما اتأيدونه

    بتقولون ليش اخوانها ما يوصلونها
    الاخوان بعضهم ما يتبرضون لخواتهم

    بتقولون ليش ما يحطون لهم سواق
    مب الكل ظروفه تسمح بأن يحط سواق لعياله

    يعني اذا كان في حد من اهلها (زوجها او اخوها او ابوها) يقدر على توصيلها اي مكان
    هذا اذا عندها حد بيتبرض لها و بوصلها اي مكان تحتاج انها اتسيره فأنا معاكم
    اما اذا ما عندها حد او في حد بس منزعج من سيرتها و ردتها او مب قادر على هذي المشاوير فلازم تاخذ ليسن
    عسب ما تزعج حد ولا حد يزعجها

    انا اصلا ما نزلت الموضوع الا عشامن غيرتي على المسلمات
    شي رائع بس شو بتقول اذا كانو النساء محترمات و ماشين في قريقهم فقط لمشوار معين و ما لهم دخل في حد
    و حد من الشباب يزعجها الا يلف عليها او يديم لها عشان اتقوم من جدامه ........ الخ
    اهني لازم اتعاتب الشباب على تصرفاتهم مب البنات

    هذا كل الي عندي مع احترامي لرايكم
    سألتُ الإذنَ قُربَ البابِ عَلّي...أنالُ اليوم الطافَ السماء
    إله الكون طَهّر رِجسَ نَفسي... مِنَ الآثامِ يا رَب الرجاءِ

    لمّا إجتاحَت الانواء ساحي... و شادَ الحُزنُ حِصناً للبَلائي
    و سَدَّ الناسُ ابوابَ النّجاةِ... وَجَدةُ الله حَسبي بَل عَزائي

    attachment

  11. #10
    مشكورة احتي النبيلة على الرد

    اولا:انتي بديرة متعودة ان الحريم يسوقون صح ولا لا

    يعني الشباب لا شافو حرمة تسوق عادي

    لكن عندنا بالسعودية ما تعودنا نشوف حرمة تسوق

    بعدين كما ان في حريم محترمات

    في حريم مهوب محترمات ابد

    يعني تولع الاغاني اعلى شي

    وفاتشة عن خصل شعرها

    وحاطه الميك اب كانها تبي تروح عرس مهوب مشوار

    وكما تعلمين

    ان في شباب ماشافو خير

    من اول ما يشوفون حريم يسوقون قامو يطنبون(يدقون بوري)

    ويحدون الحرمة و............

    بعدين كما نعرف ان العلماء جزاهم الله خيرا

    حرموا سواقة الحريم

    وهذا رأيتس اختي وانا احترمه

    وسلامتكم

    سعودي للأبد

بيانات عن الموضوع

الأعضاء الذين يشاهدون هذا الموضوع

عدد زوار الموضوع الآن 1 . (0 عضو و 1 ضيف)

المفضلات

collapse_40b قوانين المشاركة

  • غير مصرّح لك بنشر موضوع جديد
  • غير مصرّح بالرد على المواضيع
  • غير مصرّح لك بإرفاق ملفات
  • غير مصرّح لك بتعديل مشاركاتك
  •  

مكسات على ايفون  مكسات على اندرويد  Rss  Facebook  Twitter