حبك جنون
فى ليل مدفون
مليان سراب وعذاب وغرام
وساعات بظنون
واوقات بيكون
جوه القلوب
جوه العيون
بتغطيه اجمل جفون
بس الحقيقه .......حبك حقيقه
بحبك بجنون
حبك حكاوى
بتحكيها غناوى
عشق وشجون
بتاخدنا لبعيد
ونلاقى روحنا
فى حضن السما
بينور لنا احلى قمر
وسط فرح سحاب ونجوم
ما انا فى الاصل عاشق
ولما احب
اعشق بجنون
حبك سفينه
بيضا وجميله
وطيور النورس حوليها بتحوم
فاردا شراعها نصبا قلوعها
فرحانه بيها مياه البحور
فى اى مرسى ....وعلى اى مينا
بترسى تدور على اميره الجزيره
تنادى وتقول.....اشتقت لك
يا عروسه البحور
يا كحيله العيون
ما انا قلتلك.....وحقولهالك للمره المليون
والله والله
بحبك بجنون
اضافة رد مع اقتباس
(يستخدمون جهازي....اففففف)
المفضلات