أول مره
محمد ضباشه
أول مره قابلت عنيكى
فتح لها قلبى وقال سلامات
ياللى منوره دايما حلمى
وأنت أساس كل الحكايات
ياما حكيت لصحابى عليهم
وأتمنيت تجمعنا ساعات
وأخطف نظرة تاخدنى معاكى
وأرجع أسقى الناس شربات
وأرسم وردة على فستانك
طاير حوليها الفراشات
واحنا فى قصر حيطانة محبة
رافع راسه فى السماوات
وانتى حبيبتى احلى عروسه
حواليكى انوار وزينات
وايدى مع ايديكى بتحكى
اللى دعيت به فى الصلوات
ان تاخدنى عنيكى لجنة
وأنسى ليالى قمرها اهات
وأقفل قلبى على نظراتك
واكتب على جدرانه ايات
اوعى فى يوم تنساها يا قلبى
وبأسمها دق الدقات
وبحبها خليك مدفى
وفى حضنها عيش اللحظات
اللى حلمت بيها زمان
مع حبيبتى زين البنات




اضافة رد مع اقتباس



نحن لن نستسلم ننتصر او نموت 
المفضلات