علمتينى ازاى انساكى
كلمات : محمد ضباشه
علمتينى أزاى أنساكى
وأنسى الماضى بكل مافيه
وأنسى القلب اللى غدر بيه
واللى سهرت معاه لياليه
أسقيه من حبى وحنانى
وهو لقلبى بيبكيه
ويخلينى على جمر أشواقى
ناسى الدنيا ومستنيه
أتاريه باعنى وباع احلامى
حتى الحب معاه مالاقيه
قلت اتعلم منه قساوته
وأنسى أنى بفكر فيه
وأنسى أنى فى يوم حبيتك
وألملم من على خدى دموع
نزلت غصب عنى عليكى
بعد ما نورتى فى القلب شموع
وكان الوهم من حظى
وفى الوهم بنيت أحلام
وضاع العمر فى دربك
وكل اللى جنيته كلام
وتعلمت ازاى أنساكى
وقلت لقلبى خلاص أنساها
وأوعى تفكر فى اللى باعوك
وأوعى تحزن على هواها
انا خلاص يا حبيبتى نسيك
زى أنت كمان ما نسيتى
بس أكيد أنا حبيتك
ويا ريتك أنت حبيتى




اضافة رد مع اقتباس





نحن لن نستسلم ننتصر او نموت 
المفضلات