مذكرااات ---> بزر توه يمسك سياره..
الى كل مصرقع ومصرقعه الى كل عضو وعضوه الى من يهمه الامر!!!
تو هووم ات ماي كونّسيرن <=== انقليزي
الى كل بيه عاوز يعرف <==== مصري
الى الابضايات اللي بدهون يعرفوا <==== سوري
يا قوحرررره تشتهي تعرف < ==== يماني
اااااااي اليك الله يازول <===== سوداني
ادونقا بابونقا ماري ارونقا تها تها <==== نيجيري
صديق لازم انتا فيه معلوم <==== باكستانى
تراها مهيب من عندى^^^^^
باكتبلكم هالمره وحده من مذاكراتى الحلوه..
بس هالمره بتكووون فريش
ويالله نبدأ..
--------------------------------------
طبعا انا كان حلم حياتي اني امسك سياره وااحمد لله تحقق هذا الحلم من فتره...
وللاسف ما صار هذا الى بعد جهد جهيد ومريـــر
وكنت اسوووق احيانا مع الوالد (بس على خفيف) وبسياره السواق (على كثير
وطبعا اكيد بتسالونى وش تسوى لما تاخذ السياره!!!
باقولكم وبكل فخر ارووووووح وادور في ربووع مدينتنا الحبيبه عروس الصحراء الوسطى
والمشكله الكبرى انى لو زرفت سياره الوالد وحكيت فيها او كمخت فيها احد اعمدتنا او الواحنا الحلوه..
بيذبحنى ابوووي همن بيسلخنى ويوزعنى اضحيه<==على باله ينكت..
اما سياره السواق فحدث ولا حرج..
هو يكووون فاخ نووووم في غرفته وانا تلقانى صاحي احرس السياره..
الله الى هي هالحين موستنج..
فمتى ما طنت في دماغى دقيت سلف السياره ومشيت..
ولا من شاف ولا من درى..
بس الماساه عي لما ارجع السياره وهي عورا ولا فيها اي حكه...
وهذى لها تصريفتين..
الاولى: اقووول انا شفت واحد ما اعرفه صدم سيارتنا وهي واقفه همن انحاااش...
الثانيه : اعطى السواق عشرين ريال..واقوله يروح يتبيكى عند الوالد ويقوله انه صدم بالغلط.... وطبعا ابووى قلبه ابيض مثل الباذنجان
يعنى بالعرببي مابه منه خووووووف
لكن من اهم الاشياء الي كانت تخلينى مداوم على حبوب الضغط والسكر انى ما معى لا تصريح ولا رخصه ولا طقاع ولا شي
فكل ما اشووووف سياره شرطه صار وجهي كذا==>
وللعلم اخر مره زرفت فيها السياره كشفنى الوالد حفظه الله وورا ابو جده اخت امى ان الله حق
لكن الحمد لله جت سليمه ومن دووون اي اعاقه
وجات البشاره يوم من الايام حيث دريتوا ان الوالد السابق ذكره سوف يسافروا بعد يومين..
والحمد لله كان هذا الخبر اروع خبر في حياتى..
ويوم اننا في المطار نودع الوالد(...) <==افهموها..كانت اخر وصاياه ياورع <==الي هو انا ايانى واياك تفكر تاخذ السياره
ترانى مانى معترف بسواقتك واذا صار اي شي انا مالي دخل <==شديد ابوووى
وانا ما صدقت اوصل البيت الا وادق على اخوياي وابشرهم بهالبشاااره
واول ما صليت العشاء انطلقت ولو تشوفون شكلى وانا ادق سيلف السياره....تحسبونى واحد ماخذ الدكتوراه
والحمد لله نتعت السياره ورحت القط اخوياي وبعد ما جمعتهم ...
قالولى : مبرووووووك السياره!!
انا صار وجهى كذا==>
وقلتلهم : الله مير يبارك فيكم هذي هديه النجااااح!!!!
قالولى : بس السنه ما قضت
قلتلهم : لا لا هى هديه النجااااح بس مقدما
والحمد لله اقتنعوا..
ولاسف كان راكب وراي واحد من اخوياي المشهووووود لهم باللقافه وقام هالملقووووف يفتش في السياره وبلاغلط طلع رووج وعطووور نسائيه
وسالنى عنها؟!
وطبعا تعرفووون هذي خشه من==>::مأزق::
والكل عرف في هاللحظه ان السياره حقت السواق يعنى لا نجااح ولا خرطي
لكن الحمد لله كل اخوياي متعودين على نصباتى الى مالها داعى..
فعشان كذا الموووضع ما كبر
اكيد كلكم تسالوووون وش كنتوا تسووون طول هذا الوقت..
اقووولكم قاعدين نتجوول في ربوووع بلادي..
واتفقنا انا نروووح لواحد من هالكافيهات الجميله..
والحمد لله وصلنا بالسلامه..
ولبقت السياره قدام واجهة المحل..
ونزلت وانا خشمى ممدود قدامي سبعه امتار...
كانه عارضه مرمى
ويوم دخلنا طلب كل واحد منا الي يبيه واخترنا طاوله قدام ولجهة المحل بس اكيد من جوا المحل
وشوى وانا اتامل في سيارتى الحلوة<==يااخى والله انى مسيكين مصدق نفسي
ألا وتجيك ذيك الدينا ماغطه واذكر انها كانت ماشيه 390 كـم/سـ <==اي هين!!
وتصك في سيارتى قدام عينى الثنتين واشوف السياره حقتى زي العجين
وانا وبكل صراحه ما اتوقع ان في احد ممكن يتصور موقفى في هذيك اللحظه
×
×
×
×
وبعد شوى ما ادري الا وانا طايح من فوووق السرير والساع تدق وابوووى يقولى قم قامت على راسك حيطه تاخرت على المدرسه
وقلت في نفسي قطع الله السواقه ويوم السواقه!!!يــــا زيــــن الـــمــــدرســـــــــــه!!
اضافة رد مع اقتباس
المفضلات