قصة غريب مع احسان
شعر : محمد ضباشه
غريب وجيت حيكم
طالب منكم أحسان
بنت رقيقة ولطيفة
مليانه حنين وحنان
خدودها لون الورود
وعيونها عيون غزلان
ورموشها زى السهام
خلونى فى البلاد حيران
لفيت بلاد السند
مالقيت لوجودها مكان
حتى بلاد الهند
نصحونى بالنسيان
وقبلت راجل حكيم
علمه فى البلد دى بان
قالى حبيبتك هنا
اوعى تكون زعلان
وصحى قلبك ينادى
وخليك فى الكريم عشمان
ولما تنادى غريب
هتظهر قوام وتبان
مستنياك بقالها سنين
وعملت من صبرها فستان
والطرحة من عمرها
والتاج من المرجان
وياما لفت بلاد
وسألت كمان وكمان
تنادى يا غريب
فينك يا أبو الجدعان
أن كنت سامع ندايا
ليه حبى فى قلبك هان
وأن كنت مش فى البلد دى
أرجع مع الركبان
ولما اراد ربنا
والمكتوب ظهر تبيان
قابلها حبيب القلب
واتجمعوا القلبان
طالت نظرات العيون
مافى كلمه نطقها لسان
ومد ايده فى ايدها
وبقوا أجمل العرسان
ورمى صبرها وحزنه
فى سله النسيان
وطلبت يكون مهرها
نسخة من القرأن
ونحتوا قلوب على الحجر
وكتبوا على الحيطان
اتعلموا الحب من قصه
غريب مع أحسان




اضافة رد مع اقتباس
نحن لن نستسلم ننتصر او نموت 
المفضلات