مشاهدة النتائج 1 الى 10 من 10
  1. #1

    Talking موضوع جميل يتكلم عن حال الحرمه في أول سنه وبعد عشر سنوات

    عزائي المرة ذي غير شوفوا فضايح
    المتزوجات في بداية الزواج وبعد كم سنة زواج
    بس الحقيقة مظلموين والله الحريم


    الفرق بين المرأه في السنة الاولى من الزواج والسنة العاشره فما فوق

    السنة الأولى:

    الساعه 6:30 صباحا: تودع زوجها وهو طالع للعمل وتقول له: ( بتوحشني يا حبيبي).



    الساعه 11 صباحا: تتصل عليه في العمل وتقول له: ( حبيت اسمع صوتك بس يا عمري).

    الساعه 3 العصر: تستقبله وهو متشيكه وتبوسه وهو داخل للبيت وتقول له: ( الغدا جاهز يا حياتي ..تحب احطه لك هالحين؟)



    الساعه 5 العصر: تصحيه من النوم ببوسه وتقول له: (أعمل لك شاي يا حبي؟).

    الساعه 6 المغرب : تسبل عيونها وتقول بكل خجل: (يا ريت يا حبيبي .. يعني لو ما عليك كلافة .. يعني اذا تقدر توديني شوي لبيت اهلي ..اذا كنت تقدر يا عمري)... وقبل ما ينطق بكلمه، (اذا ما تقدر خلاص مو لازم!)... وطبعا يضيع هو في نظره من عيونها ويوديها لاهلها ولو انهم ساكنين في السويدي وهو ساكن في الروضة.

    الساعه 8 بالليل: تتصل على الجوال وتقول (اشتقت لك يا عمري .. يا ريت تمرني ونروح للبيت) ... فيطمر ويقول للشباب: (اسف والله يا شباب راسي مصدع ولازم امشي).

    الساعه 10 بالليل: تجلس وتقول ( الله يا حبي تتذكر؟ تتذكر ايام الخطوبة... لما كنت تعمل المستحيل علشان تشوفني ..وانا يا ما كذبت على ابوي وقلت له اني طالعة مع امي وانا اصلا متفقة مع امي عشان اطلع معك) ...

    بعد مرور عشر سنوات

    الساعه 6:30 صباحا: هي في سابع نومة.



    الساعه 11 صباحا: هي برضه في سابع نومه!

    الساعه 3 العصر : تستقبله وهي نافخة خشتها، وتقول: (شف لي حل مع ولدك علي هذا ..حتى الان ما حل الولجب ..

    وسوير الله ياخذ عمرها ان شاء الله شاقة مريولها في المدرسة...عطني فلوس لازم اروح اشتري لها واحد غيره...

    وصويلح يبي علبة هندسة... تو انه يقول لي يوم ان الاختبار صار بكره...

    وترى موضي تكنفست مع الدرج وهي كانت في المشاية ... والظاهر انها تعورت...كله من هالشغالة الله ياخذها.

    اسمع: يا انا يا هالشغالة في هالبيت....ابيك اليوم تسفرها ما ابي اشوفها....

    وابيك بسرعه تقدم على وحده ثانيه....وما ابيها تصير حلوه.....يا ويلك لو صارت حلوه....

    وبعدين شغالتي ابيك تشرط عليها اذا سفرتها ما عاد تشتغل عند احد....عشان ما تقول اسرار بيتنا للناس اللي تشتغل عندهم (ما تدري ان اسرار بيتهم كلها عند الجيران من لسانها هاللي وش طوله!) و ...و .....و

    الساعة 5 العصر: هي تفك هوشه بين سوير واخوها ويصحى هو على صوتها وهي تهاوش وتدعي عليهم بجميع الامراض الخطيرة الحديث منها والقديم (جعلكم للطاعون...جعلكم للحمى...جعلكم للوادي المتصدع ...جعلكم للحمى القلاعية...و الايدز..الخ)

    الساعه 6 المغرب: هو جالس يشرب الشاهي وهي تقول: (نبي نروح لامي بتجيهم بنت خالة جد ولد عم ابوي..

    وبعدين نبي نروح نشتري للبنت مريول.

    وبعدين بنت عمي والده ولازم اروح اشتري لها هدية من باتشي

    و ابي امر على المشغل..

    وبعدين حطنا عند اختي في الشفا من زمان ما شفناهم .............. وفي هاللحظه فكر هو انه يشتغل ليموزين احسن له!

    الساعه 8 بالليل: تتصل على الجوال: (وينك فيه؟ وبعدين وين بتروح ؟ ومن هو اللي معك هذا؟ ووش بتسون؟ ومتى بتجي؟ لا ما فيه الساعة 11 تعال الساعه 10).

    الساعه 10 بالليل: جالسين هي وياه عند التلفزيون ..اخيرا هدوء..والعيال نايمين..والجو جميل..

    وفجأه تطالعه وهي ماده بوزها وتقول: (هالحين امك وش عندها اليوم ما ترد يوم اني سلمت؟ هاه؟)... ( والله ما ادري كان سألتيها)...

    (واختك، وش هالحركات الي مالها سنع...ليش عازمة الجيران وكل حريم اخوانك الا انا؟؟؟ لكن هين، والله لاسوي عزيمه وما أناديها...أصلا هي ما زارتني في المستشفى يوم اني ولدت..وانا فاهمة قصدها..لكن هين..والله لو تحب السما ما نيب زايرتها اذا ولدت...

    وبعدين بنات عمك وش عندهم نافخين عمرهم؟؟ على ايش ابي افهم....على جمالهم الزايد اللهم لك الحمد بس!)

    تسكت شوي بعدين تقول: (وبعدين اختك نوره يوم انها تقول ان علي ولدي يشبهني ما يشبه ابوه وش قصدها ...هاه) - ملاحظه: علي هو أشين اخوانه- (أنا فاهمة قصدها..وتراها اذا ما بطلت هالحركات والغمز واللمز تراني ابسمعها كلمتين واخليها تحترم نفسها..

    لا وذاك اليوم تقول اخوي محمد ( اللي هو الزوج) حلو مره و3 من حريم الجيران قد خطبوه لبناتهم...من زينك بس ما ادري وش لاقين فيك). يبتسم و يسكت وما يرد.

    تسكت هي شوي ثم تقول: (وبعدين اخوك شاري لحرمته ساعة قيمتها عشرين الف ريال).. يرد: (طيب وش المشكله؟)...(وانا ليش ما تشتري لي..والا انا مااستاهل..وإلا هي يعني احسن مني... بلاك ما شفتها ..شينة وطبايعها أشين...حتى طبخ ما تعرف تطبخ)...(خلاص اشتري لك ساعة)... تعصب وتقول: (إيه تسكتني بهالكلام ....والله لا أنت شاري ولا شئ)... (وش تبيني اقول يا بنت الحلال؟)...

    تقوم وهي تبكي: (خلاص ما ابي منك شي...)

    الساعه 11 بالليل : هي زعلانه ونايمه مع العيال وهو...?#@*!% اليوم الي تزوج فيه




    منقوووول برضة


  2. ...

  3. #2
    هههههههههههههههههه مظلومين؟؟؟؟؟


    لو يشتغل ليموزين احسن له لوووووولbiggrin


    والله موووضوع رووووعه gooood

    يعطيك العاااافيه على الموووضوعgooood

    attachment

  4. #3

  5. #4
    ptamaenptamaenptamaenptamaenptamaen

    يا حليلنا ... دايما مظلومات ومغلوبات على أمرنا ptamaenوفوق كل ده صابرين ومستحملين

    <===== صدقت عمرها tongue

    مشكور رومنسي على الموضوعgooood

  6. #5
    هههههههههههههههههه
    موضوع رائع
    مشكوور عليه


    وان شاء الله الى الامام اخوي الرومنسي




    وشكرا

  7. #6
    لووووووووووووووووووووووول موضوعك حلو

    خخخخخخخخخخخخخخخخ بنات والله انتم مشكله شوفوا كيف تبون تسوون فينا مابتزووووووووووج

  8. #7
    الموضوع حلو مررررررررررررررررررررررررررة!
    الله يعين زوجي بعد ما اتزوج! gooood

  9. #8
    بصراحه الموضوع مرة يجنن

    بس احلى حاجة

    بتجيهم بنت خالة جد ولد عم ابوي

    بس ممكن سؤال؟

    ولد خالة عم جد ابوهم يكون محرم لها ولا ما يكون محرم؟

  10. #9

    ههههههههههه

    يا ناس يا جماعه ليش مفكرين ان الحريم طبعهم كذا..ما اقول ما فيه لكن مو اصابع ايديكم كلها نفس الشي..وبعد جيه الحريم..مو كلهن نفس الشي

    والله الحرمه ملاك لو تدرون وصانعه اجيال

    بس منوه اللي يقدر

    مع احترامي وتقديري

    على العموم جزاك الله كل خير ..



    gooood asian

  11. #10

    تحقيق أو نبذه او قصه ردووووووود

    الله يجزاكم الف خير على شانكم قريتوا موضوعي هذا أول شي..
    والله يباركلك يا (قمنا) biggrin ويا وردتناwink ويا نانا شكر خاص لكم ولكل من قراء هذا الموضوع.
    وأنت بعد يا الطائر الجريح..
    .. أما محبة الكابتشينو فكلنا نقولك ألله يعينك ويعننا بعد الزواج وقبله.
    وأنت معنا بعد يا (كـــاسبر) الله يعينك.
    أما صاحبت الإحساس المرهف والنعومة والحنيه التي دافعت عن حق أخوتهن ديمي أشكرها وأنا معها في كلامها....tired لكن لازم تعرفين شي أن الرجال قدرون أمثلي وأمثال أي واحد في المنتدى وشكراً
    تقبلوا تحياتي gooood جميعا.. وأرجوا الرد

بيانات عن الموضوع

الأعضاء الذين يشاهدون هذا الموضوع

عدد زوار الموضوع الآن 1 . (0 عضو و 1 ضيف)

المفضلات

collapse_40b قوانين المشاركة

  • غير مصرّح لك بنشر موضوع جديد
  • غير مصرّح بالرد على المواضيع
  • غير مصرّح لك بإرفاق ملفات
  • غير مصرّح لك بتعديل مشاركاتك
  •  

مكسات على ايفون  مكسات على اندرويد  Rss  Facebook  Twitter