التطوير شعر / craetive
الفارس المجهول
حصل تطوير كبير جدا
عشان فلاحنا يتمدن
وتبقى أشيته معدن
لكن يا خسارة جه عكسي
وسبب لى ألم نفسي
وهوده سبب بؤسي
عشان فى مالطة قمت ادن
عشان القرية تتطور
وتبقى ايه بلد بندر
وكان "والله" يوم أغبر
يقوموا يعملوا ليها
طابونة عيش لأهاليها
وقريتنا أتاريها
فى يوم عن يوم بتتأخر
وكانت أمى بتشمر
وتعجن والعجين يخمر
وقبل النجمة ما تظهر
بتخبز عشها فى القمرة
وبعدين تحلب البقرة
وتملا المية فى الجرة
نشيطة وماشية تتمخطر
أنا زعلان وباتحسر
على ريفنا اللى كان اخضر
واهله دمهم سكر
بقى دلوقتى فيه تجريف
وحرق الطوب حداهم كيف
خلاص الريف معدش الريف
لأسوأ صورة اتغير
كلامى للجدع الاسمر
اديك صارت كما المرمر
بلاش يا محترم تسهر
بلاش الفيديو وحياتك
ونام بدرى كعادتك
وخلى كل اوقاتك
ما بين زرعك عشان يكبر



التطوير شعر / craetive
اضافة رد مع اقتباس

المفضلات