زى مرايتك أنا
شعر : محمد ضباشه


زى مرايتك أنا
لما تحبى تكلميها
وتبين لك ملامحك
وأنت طبعا بصا فيها
وتظهر لون عيونك
لما أنت تكحليها
دورها توضح وبس
وما بتاخد حاجة ليها
ولا تعرف تزوق
ولا فيه حاجة بأديها
ولا تعرف تنافقك
لوحتى تلمعيها
شفافه بقلب أبيض
والصدق كله مليها
يبقى ليه تخافى منها
وأنت حابه تمسكيها
وعلشان تبانى أحسن
يبقى لازم تحتاجيها
وعلشان تبان عيوبك
خليها قصادك واسمعيها
ولو زهقتى منها
فى حيطة وكسريها
زى مرايتك انا
زى مرايتك انا