مشاهدة النتائج 1 الى 3 من 3

المواضيع: غرام أحباب

  1. #1

    غرام أحباب

    غرام أحباب




    على ذاك الطريق اللي يسمونه غـرام أحبـاب=
    وطت رجلي على دربه ولاأدري وش نوى فيني



    تبعته لآخر دروبه .. ألين أن القمر قـد غـاب=
    تعـب قلبـي ، ولا تعبـت مسافـاتٍ تودينـي



    لقيت الليلة الجردا : هدب ظل وسما واعشـاب=
    بعـد ذاك الظـلام اللـي يتوهنـي عناويـنـي



    صدفتك معجبه فيني وياليت..الغـرام : اعجـاب=
    وتراك انتي الهنوف اللـي هقيتـك تستحقينـي



    عطيتك عشق من قلبي..وسلمت لغـلاك رقـاب=
    وغيـرك يحتـرق قلبـه ولا يقـدر يحاكينـي



    أنا قبلك صدفت عيون لكن ويش جاب لجـاب؟=
    ترى كـل العيـون اللـي لقتنـي مـا تكفينـي



    رماني حظي العاثر عليك وجيـت لـك طـلاب=
    ولا أنتي اللي عشقتيني ولا انتي اللي عتقتينـي



    تعالي واعتقي ذاك الخفـوق المولـع المرتـاب=
    مهب لاجلي ، عشان الله يجازيـك ويجازينـي



    تعدي في سما عشقي ولو عشقي خراب أصحاب=
    وصوني بالهوى نفسك قبل لا انتي تصونينـي



    وشيليني على متنك : خفوقٍ بـاريٍ منصـاب=
    ومن فوق الغرام العذب .. شيلينـي وحطينـي



    ولا منك هقيتيني شجـاع ومـا يطيـق يهـاب=
    أنا لك بالهوى والله مثـل مـا انتـي هقيتينـي



    أنا ما أمشي ورا غيرك ولو أنه يطـق البـاب=
    وترى عيبٍ عليّ أطعن..ولو كثـرت سكاكينـي



    زهودٍ مـا يطيـق الـدم لا دايـن ولا طـلاب=
    شجاع وعارفٍ نفسـي وأظـن أنـك تعرفينـي



    غيورٍ ماعرفت أضحك مع الغدر ببّرود أعصاب=
    أبيـع عيونـي الثنتيـن قبـل أنـك تخونينـي



    إذا شد الغرام .. اترك خفوقي : بين ناب وناب=
    لفرقى تكسر ضلوعي .. ولا عشـقٍ يوطّينـي



    أنا رجلٍ ولي غيره .. وإذا شفت الهوى كـذاب=
    تثـور بقلبـي الفزعـه ولا تهـدى شياطينـي



    سؤالك لو يزعزع بي كياني مـا قبلـت عتـاب=
    اجي لك وأسالك نفس السؤال اللـي سألتينـي



    عن العشق القديم أبواب .. تقفيها كثير أبـواب=
    بعد ذاك الحبيب اللي خدعنـي وانخـدع فينـي



    أبي عشق تحسب له كل نظرات العيون حسـاب=
    وابي قلبٍ علي قلبي ، وابى دينٍ علـى دينـي



    وابي نظرة عطا توفي ولا تخلف بدون أسبـاب=
    وابي منك قبـل لا نتـي تصدينـي .. تودينـي



    وابي دربٍ على العذال صعبٍ ومتعـبٍ وغـلاب=
    وابي نفس الطريق الصعـب يبعدهـم ويدنينـي



    ترى لو للقلوب عيون ولدموع العيون أهـداب=
    حشى ما تنزل الدمعـه لغيـرك لـو تركتينـي



    أنا أول من عرف قدرك وأنا توي صغير وشاب=
    وابي منـك مـا دام أنـك عرفتينـي تحبينـي



    ما دام أني لقيتك في طريق أسمه غرام أحبـاب=
    دخيـل الله ، وبعـد الله دخيلـك .. لا تخلينـي



    ما دام أن كل من يحيا على وجه التراب تـراب=
    عسى تنساني الدنيـا مـادام أنتـي ذكرتينـي







    --------------------------------------------------------------------------------


  2. ...

  3. #2
    كما يقول ابو فراس الحمداني :

    وما كان للاحزان لولاك مسلك .............. الى القلب لكن الهوى للبلى جسر

    ابداع متواصل .... تابع الجهد المتواصل ... وبانتظار جديدك
    50b7bfef7a731cd80a9ea86cf3e06ca4

    رمضان كريم

  4. #3
    أقسم أني كدت أن أبكي من تلك الكلمات
    وذلك الوفاء المتأصل فيها
    أدامك الباري عزيزي
    أدامك الباري
    قصيدتك رااااااااااااااااااائعة
    والتزامك بالوزن فيها يدهشني
    رغم طولها
    لكنها حقا جذبتني
    وأجبرتني أن أكملها
    أسأل الله أن يسعدك دوما
    ويجعل في قلب محبوبتك وفاء بقدر وفائك وعطائك
    تحياتي لك من قلب عاشقة ذاقت مر الحب كما ذقته
    انا أنثى جائرة ......
    وعلى الاقدار صابرة .......
    فليس من العجب أن أبقى في القلوب حاضرة ........
    ........عذرا أحبتي على البعد........

بيانات عن الموضوع

الأعضاء الذين يشاهدون هذا الموضوع

عدد زوار الموضوع الآن 1 . (0 عضو و 1 ضيف)

المفضلات

collapse_40b قوانين المشاركة

  • غير مصرّح لك بنشر موضوع جديد
  • غير مصرّح بالرد على المواضيع
  • غير مصرّح لك بإرفاق ملفات
  • غير مصرّح لك بتعديل مشاركاتك
  •  

مكسات على ايفون  مكسات على اندرويد  Rss  Facebook  Twitter