السلام عليكم !
كيف الحبايب اليوم ؟
ياااااربي من زمان مانزلت موضوع والحين بحط حرتي من قلب
امممم بقول لكم عن يوم مميز صار لي قبل اخر يوم من رمضــان ؛
هذا اليوم ممزوج بـ اشياء غريبه جداً لا تحدث في كوكب الارض على الاطلاق و ضحك و طيحه وجه ... وثانيات !!
طيب نبدأ ..
كنت فـ بيت عمتي انا و اختي , قالت عمتي: ورا مانروح نصلي التراويح ! الحرم قريب ومو قاصرنى شي
و انا ماعمري صليت التراويح قلت: مشينا
وكانت ذيك الايام موضة الخنازير ومعرف وشو , خفت شوي بس من الحماس مدريت عن شي
كانت ذيك 3 مره ادخل الحرم المهم وتجي بنت عمتي وعمتي واختي
ونروح للحرم ..
وقفنا السيارة بعيد عن الحرم 7 كيلوا زحمه بشكل مو طبيعي ياناس لو بقعد من اليوم لين الاسبوع الجاي ماكفيت حقه
وعافرنا وتصقعنا , كله كووم والروايح كوم ثاني
المهم بعد عناء طويل وفقداني لفردة جزمتي وصلنا للحرم الداخلي
والله ثم والله مافيه ولا انثى وحده كله رجال حشى ماصارت
عمتي تقول عافريهم ماعليك
شوي يجي شايب يهاوشهم يقولون وسعوا للحريم
ونمشي زي الملكات , بس شطحنا متر واحد ولا يتزاحمون فوقنا مرتن ثانية
كان قدامي عبد طوييييييل مقوس من طوله
واللي وراي يدفوني صرت راكبه فوق ظهر هالعبد واترنح فوقة
تخيلوا رجولي ماتوصل الارض , معلقة فوق ظهرة
عااد وش السوات من قدامي و من وراي ناس يدفون
شوي شوي ودخلنا قريب من الكعبة و بدأت صلاة التراويح هذا وحنا جاين قبل بساعتين
عمتى و بنتها لقوا مكان لهم وقاموا يصلون
اما انا و اختي ! .. كانت جمبهم عجيز منبطة على الارض وماخذه مساحه كبيرة .. وجمبها عفشها
اقولها ممكن تبعدين شوي ؟ لفت علي عطتني نظره كرهتني حياتي
حمارة جلست احايل فيها وهي عيت .. سفهتها ورحت مكان ثاني وانا جالسه ادور
لقييت وحده سوريه تصلي و جمبها مساحه صغيرة بس احسن من لا شيء
جيت جمبها بكلمها سبقتني و مدت لي كاسه و قالت : بالله عليكي تصبين لي مويه
سلامات وهي تصلي تهرجني هالسكه
قلتلها معليش ماعندي وقت
ورجعت كملت صلاتها !!
اختي جات تستهبل عليها قالت: تبغين اصبلك
مسكتها من كتوفها وقالت: اي الله يخليكي !!
حسيتها مجنونة , هونت مابصلي جمبها
حسيت اني بكووون اخر مو السعودية
من جد قابلت ناس من جد الحمدالله والشكر بسسس
وفيه ناس بلااوي ماذكرتهم هنا لان من جد فضيحة
فخليني ساكته احسن
بعد ماخلصنا رحنا ابراج البيت اذا تعرفونه ؛ هذي صورته ..
مره جميل بسسس تعرفون حاله زحمه و رمضان اععع مقرف
المهم دخلنا عشان بنروح الحمامات
بس كانت صدمة مدري هذا حمام ولا مزبلة بنقلادش
منااااديل مرميه ولا المويه
اووه فيضانات
انا حامت كبدي خرجت ؛ اصلا ريحه الحمامات تصقع ترقع بالسوق كله
يوم طلعنا للمطاعم كان فيه طاولة فيها عساكر حقون الحرم
كذا يطالعونا " " وش عاجبهم في ذا السواد مايشوفون الا شيء اسود يتحرك
عفانا الله بس !
مكان فيه الا مطعم واحد اللي هو معروف " برجر كنج " و متزاحمين الناس عليه
وكالعادة القرعة تطيح علي دايما رحت واشتريت لهم وانا جايه بروح للطاولة يجي انسان عاهه مصري معتوه يجري من بعيد و يشيل البطاطس من التبسي اللي شايلتها انا وينحاش
لا لا لا هذول مو معقولين انا قعدت نص ساعة استوع اللي صار
و الناس تضحك علي
كانت العن وجبه اكلتها في حياتي !!
الببسي حااار يجيب الهم و النكد لدرجة اني حسبته Hot chocolate
رجعت اراجع الفاتورة طلع انه ببسي حسيت براحه نفسيه
انتهينه !
وطبعاً غامرت مغامرة ما انساها بحياتي كلها
وماصليت التاراويح
الله يكتبها علي , وعلى الجميع
وانا نزلت الموضوع بس حبيت اشاركم بعض مغامراتي الخارة للطبيعة !!
اللي ماصارت ولا استوت كل الاشياء العجيبه جات دفعة وحده
نشوفكم في موضوع جديد يارب
المفضلات