مشاهدة النتائج 1 الى 4 من 4
  1. #1

    !!!ذوبان الحاوجز!!!

    سلام الله عليكم ورحمته وبركاته

    أخوتى فى الله...
    والذى فلق الحبة وبرئ النسمة إنى لأحبكم فى الله.....
    وأدعو الله أن يجمعنا بهذا الحب تحت ظل عرشه يوم لا ظل إلا ظله....

    ثم أما بعد أحبتى فى الله........


    ..... بسم الله الرحمن الرحيم .....


    " ما يلفظ من قول إلا لديه رقيب عتيد "

    " إذا زادت الألفة رفعت الكلفة "

    " درء المفاسد أولى من جلب المصالح "

    ==================================


    - مقدمة :

    الموضوع ده مبخصش بيه حد معين ... ولا موضوع معين ... أنا بتكلم على موضوع عام ... فلا داعى لشخصنة المواضيع ... ولا داعى لسوء الظن ...!!

    =================================

    مقدمة ما بعد المقدمة :

    أنا عارف وموقن جدا بإنى هلاقى انتقادات كبيرة جدا على الكلام اللى هقوله حاليا ....

    واثق بإنى هلاقى عدد كبير من الأعضاء بيهاجمنى ....

    عارف انى هلاقى اللى بيقول ايه الارهابى ده .... ومين المتشدد المتطرف ده ... وايه اللى جاب ده عندنا ...dead

    ده مش عشان سوء ظن فيكم ولا حاجة - معاذ الله - لكن ده لأنى عشت فى عالم المنتديات فترة مش قليلة .... واتعلمت الكثير جدا من أخطائى ... وعارف ان اللى هتكلم فيه ده حصل فيه حروب كتيرة فى المنتديات الطلابية .... بل وحتى المنتديات الملتزمة ....

    الموضوع باختصار شديد .... بيتحدث عن :

    !!!!!! ذوبان الحواجز !!!!!!

    ================================

    ممكن يكون العنوان مبهم .... لكن ده أفضل عنوان لقيته ...

    عامة ... المفترض ان أغلبنا مسلمين .... واننا عايشين فى مجتمع مسلم - ده المفروض ...!!

    والمفترض برضه اننا تربينا تربية اسلامية ..... وفهمنا ايه الفرق بين كونى بتعامل مع ولد أو بتعامل مع بنت ..... والفرق أكيد شاسع ....


    الاسلام قيد الاختلاط وجعل له ضوابط وحدود .... لازم نتبعها ونسير عليها ...فالاختلاط لا يجوز إلا لضرورة ....

    وطبعا المفروض ان كلنا يعرف ان الصحوبية بين الجنسين متنفعش .... وقصص الحب اللى بتحصل فى الجامعة مليئة بالمخالفات الشرعية ...

    فمظنش ابدا إن أى بنت ملتزمة هتقعد تهزر مع الولاد فى الواقع ... ونفس الوضع لا يمكن أبدا ولد ملتزم صح ويكلم بنات فى الجامعة ...!!


    اللى مش مقتنع بده يتخيل ولاد وبنات وقاعدين شلة مع بعض .... ومر عليهم النبي .... يا ترى ايه موقفه منهم ...؟؟

    اللى مش مقتنع بان علاقات الحب حرام .....
    ليه مبيروحش لأبو حبيبته ويقلها أنا بحب بنتك من البداية ..؟؟ ....
    وليه هى مبتروحش لأبو حبيبها وبتقوله : بص يا عم الحاج أنا بحب ابنك ....؟؟ .....
    ليه بيعملوا الكلام ده من ورا أهاليهم وفى السر ...؟؟
    ليه اللى بيحب بنت مبيرضاش ان واحد يحب اخته ...؟؟



    فبلاش نقنع نفسنا بكلام احنا مش مقتنعين بيه أصلا ... ربنا يكرمكم ...

    ============================






  2. ...

  3. #2

    المشكلة بتبدأ بقى منين ....؟؟


    المشكلة بتبدأ من أول علاقة للشاب الملتزم أو الفتاة الملتزمة بعالم المنتديات ...

    دلوقتى الشاب أو الفتاة داخلين ع المنتدى .... وبينهم حاجز " وهمى " هو شبكة الانترنت ....

    الشاب يدخل - وهو متحمس - ويبدأ يعمل موضوعات " دينية " ....

    الفتاة الملتزمة تدخل .... يعجبها الموضوع .... لازم ترد عليه ..

    (( الله عليك يا باشمهندس .... ربنا يكرمك ... بجد تسلم ايديك .... تعيش وتجيبلنا ))

    طبعا لا هو شايفها ... ولا هى شايفاه .... ولغاية دلوقتى محصلش نوع من أنواع الهزار أو التجاوز الزايد " أوى عن الحد " ...!

    يبدأ الشاب يهزر ع المنتدى .... والفتاة تهزر .... هم مش شايفين بعض ... ومش متوقعين انهم كده بيخالفوا ...

    نفس الشاب فى الواقع ... وشخصيته مختلفة تماما .... لا يمكن يكلم بنت ... ويرتبك ووشه يحمر لو بنت سألته هو السكشن بتاع المعيد كذا امتى ...؟؟

    ونفس البنت من النوع المحافظ ... لباسها محترم ... ملتزمة ... بتصلى قيام ليل ... ومجتهدة فى العبادة ... وبرضه استحالة تكلم ولد ...

    يوم ورا يوم ... الولد يدخل ع المنتدى يهزر مع هذا وذاك ... وهذه وتلك ... دون مراعاة لحاملات تاء التأنيث ..!!!

    هو شايف ان دة عادى .... طالما هو مبيكلمهاش فى الواقع ... وطالما هو فى منتدى عام وكل الناس شايفاه بيكلم ... وهو مبيخصش واحدة بالهزار ولا حاجة ... هو بيتعامل على طبيعته .... لكن بينسى انه لا يمكن يعمل كدة فى الواقع .....

    هنا بقى تذوب الحواجز .... وتبوظ الدنيا كلها ...eekeekeek

  4. #3

    المشكلة بتكون فى قضية " الألفة " .....

    هل تتوقع ان ممكن بنت تحب ولد عن طريق المنتديات ... " من غير حديث مباشر بينهم " .... يعنى مجرد هى بتقرأ مواضيعه وبترد عليها والعكس ...؟؟

    ممكن طبعا ده يحصل ....!!!!!!!!!!!!!!!

    وحينها قد يحدث مالن تحمد عقباه...إلا من رحم ربى....اللهم أرنا الحق حقا وأرزقنا اتباعه وأرنا الباطل باطلا وارزقنا اجتنابه..........

    الألفة بتحصل .... ومهما عملت لازم هتحصل .... الفكرة فى انك تسيطر عليها صح ...gooood

    وبداية الألفة غالبا بتكون من منتديات الهزار والترفيه ...


    =============================

    أنا بقول الكلام ده خوفا علينا ....

    هى نصيحة لوجه الله ... وفقط ...


    دمتم بود..............وأرجو ألا أكون قد أطلت عليكم............سبحان الله وبحمده سبحان الله العظيم...أحبكم فى الله...أخوكم فى الله ...محمد
    اخر تعديل كان بواسطة » DOS2009 في يوم » 31-05-2010 عند الساعة » 06:46

  5. #4
    وعليكم السلام ورحمة الله وبركاته ..

    رعاك الله وحفظك ,, ألا ليت قومي يسمعوا ويعوا

    أخي الكريم نحن بالسعوديه ولله الحمد ما عندنا اختلاط بالجامعات هذا من فضل ربي لذلك لم نعاني كما تعانون .. فاأسأله تعالى أن يحفظ نساءنا ونساءكم وأولادنا وأولادكم من الفتن .. فالاختلاط شره عظيم ولا نفع فيه ابداً
    وهذا مايسعى الآن خلفه اذناب الغرب من ابناء أمتنا "هداهم الله" ... رغم علمهم بشره وشهد لهم اسيادهم الغرب بذلك حتى ابو الشر بوش

    أما المنتديات كلامك مضبوط مئه بالمئه ,, قد يعجب الفتى أو الفتاه بصاحب الموضوع من خلال الاسلوب .. بالاضافه الى وجود ذئاب بشريه منتشرة لايقاع المسلمات بشباكم وبالتالي ابتزازهن ,,,

    ثبتنا الله واياكم ...

    واثق بإنى هلاقى عدد كبير من الأعضاء بيهاجمنى ....
    الامر لا يحتاج الى الهجوم فالحق ينقال مهما كان ... وهذا ماتدين الله به
    وشباب امة محمد صلى الله عليه وسلم بخير ,,
    والغيره لا زالت موجوده بالمسلمين ,,

بيانات عن الموضوع

الأعضاء الذين يشاهدون هذا الموضوع

عدد زوار الموضوع الآن 1 . (0 عضو و 1 ضيف)

المفضلات

collapse_40b قوانين المشاركة

  • غير مصرّح لك بنشر موضوع جديد
  • غير مصرّح بالرد على المواضيع
  • غير مصرّح لك بإرفاق ملفات
  • غير مصرّح لك بتعديل مشاركاتك
  •  

مكسات على ايفون  مكسات على اندرويد  Rss  Facebook  Twitter