ما كفــــــايه
كلمات : محمد ضباشه
ما كفابة ضاع عمرنا
فى الكورة والافلام
وقاعدين نكتب ونمسح
ونبرى فى الاقلام
وما كتبنا جملة مفيده
تدفعنا الى قدام
ولا مشينا خطوه بجد
ترجع عن ظلمنا الحكام
ولا مدينا أيدنا لغيرنا
علشان نجمل الآيام
ونبنى عهد جديد
كله سلام فى سلام
وكل اللى بنعمله
نقول كفاية والله حرام
ما كفاية ضاع عمرنا
كله فى الطوابير
وخلاص بقت عادة
وكأننا اتقلبنا حمير
عماله تنهق وبس
وشاطرة فى التصفير
وياله سقف وطبل
لو شفنا مرة وزير
جاى يضحك علينا
فى سنه كلها ابريل
وأه ضاع العمر منا
ولا لينا فى خبيتنا مثيل
ما كفاية ضاع عمرنا
على اطماعكم وبالتزوير
علشان الصغير يصغر
ويبقى البغل منكوا كبير
وكرشة يطلع لقدام
من ظلمة لغلابة كتير
ويملى الخزاين وهم
وقصور حوليها غربان بتطير
وكل غراب عينه على حتة
وأه كله عندهم تعمير
وأحنا زى ما أحنا
وليه ما بنسعى للتغير
العالم كله ركب طيران
وأحنا لسه عندنا الحناطير
ما كفاية ضاع عمرنا
على امل وعود كدابة
وياما شدينا الحزام
وعشنا يومنا فى كأبة
شايفين احوال البلد
وكأنها بقت غابة
احنا فيها الارانب
وهمة أسودها وديابة




اضافة رد مع اقتباس
نحن لن نستسلم ننتصر او نموت 
المفضلات