السلام عليكم ورحمة الله وبركاته ..
غبت لفتره .. وها انا اعود ولله الحمد
قصيده من الأرشيف . اتمنى انها تنال على اعجابكم
وتوصل لمستوى أذواقكم الراقيه :
الخوف يحوينــــي مَـــعَـى باقي ِ الهم
والكــــل ّ قــــام الحين ينســـى وداده
كـــــلّ الحواس .. اللمـــــس والسمْع والشم
أحوالـهــا كنـّـي .. حديـــث الـــــــولاده
الكـــلّ من هالنـــــاس دسّـولـــي ِ السم
وآنـــــا تــــــرا والله .. شحيح السعاده
يكـْــــوُون بـــالنظـرات أول .. ومن ثــم
طعنـــات فـــــي ظهري وغدر وْ زيــاده
محدن طلبتــه فالبَـلـَـد قــالــلــي تــم
الكل ّ مـــــن حولـــي تــــزايد عنـــاده
مـــاشوف في جســـــمي سوا بحْـر من دم
والخوف يــا زينـــــــه .. بلاني بـْـضماده
والبـــــرد والأشبـــــاح والصمـــت والغم
صـــــاروا فراش النوم..وليلــــي وساده
مــــا شفـت مثـْـل الليـل أيْ واحـــــد اهتم
بـْـعيـــــد يرمينـــــي عن النـــــاس عاده
يــــا كمْ حِلمت انّ الفـــرَح عــاد .. ويا كم
عْرفت بـــــــان الحلـْـم أصـــــلا بلاده
ودي أعيــــش العمـْـر فرحــــان يــا عم
مليت مــن كثـْـر الألــَـم والوغــــــاده
تدري وش اللــــي يغــلق العيـــــن والفم
لا صــــــرت تتألــّـم وانت بــْــسعــاده
شعر : خالد الشامسي







اضافة رد مع اقتباس









المفضلات