بسم الله الرحمن الرحيم
السلام عليكم ورحمة الله وبركاته
ودي أتكلم عن موضوع حصل لصديقتي وترك أثره في نفسي..
قبل ثلاثة أسابيع في الأسبوع الأخير قبل الإجازة تغيبت صديقتي عن احد الاختبارات حاولت اتصل عليها أنا وعدد من صديقاتي لكن كان جوالها مغلق أو ماترد على الاتصال
احترنا وقلقنا عليها لكن جتنا رسالة من بنت خالتها تقول : إن فلانة غابت لان أختها الكبيرة توفت.
هنا تفاجآنا وعذرنا البنت لان أختها كانت مقربة منها
بعد أسبوع الإجازة جتنا البنت سلمنا عليها وقالت لنا كل شيء
تقول شفتها جالسه على السرير أو على الكرسي (مااتذكر اللي قالته زين ) وحاطه رأسها تقول كان على بالي أنها نامت حتى أذن العصر وما قامت والبنت الله يرحمها ماكانت تأخر الصلاة . تقول واستغربت ليش ماقامت ؟
تقول أحركها أناديها ماترد ودوها المستشفى وعرفوا أنها ماتت
تقولنا أول يوم بالعزاء خالتها تحلمت (ماادري بميننسيت ) المهم قالها بشري أبوها وأمها أنها بتشفع لهم .
لما قالت لنا تقول أنا كان بفكري ؟ شلون لو إن اللي مت . أحس إني ماسويت شيء .وخلتني أفكر بنفس الشيء ( الموت يأتي بغتة والقبر صندوق العمل ) لو إن اللي مت أحس عندي أشياء ودي أسويها بس أقول بكرة أسويها ويجي بكرة وارجع أقول بكرة أسويها .. طيب فرضا مت اليوم وأنا كل يوم أقول بكرة.
اذا عندك ذنب فتب إلى الله قبل أن يصلى عليك . باب التوبة مفتوح والله غفور رحيم سبحانه وتعالى
لاتؤجل وتقول بكرة ببدء أو بكرة بتوب . فربما لايكون هناك غدا
لاتتهاون بالذنوب الصغيرة فإنما الجبال من الحصى ( الحصى :الحجر الصغير)
حاول تخلي كل يوم مليء بالأعمال الصالحة (سبح الله -استغفر - صل -أدع - انصح-.............) لاتقول ماأقدر . أو أنسى حاول ..
الدين دين يسر
لاتقول كيف انصح أو ماعرف.. عندك الشبكة العنكبوتية (الانترنت) إي معلومة تجد أن غيرك ممكن يستفيد منها ضعها في النت في موضوع أو أرسلها برسالة في الجوال (فكر بالأجر اللي بيجيك إن شاء الله )
لاتتكاسل عن فعل الخير



نسيت ) المهم قالها بشري أبوها وأمها أنها بتشفع لهم .
اضافة رد مع اقتباس







المفضلات