السلام عليكم ورحمه الله وبركاته
اخواني واخواتي اعضاء منتدي مكسات
قصيده اعجبتني وحبين انقلها لكم وهي اخر موضوع لي في هذا المنتدي
بسبب الظروف
من يقول إن الحب مقياس مجنون ... أنا اشهد إن العشق بحر وأوطـان
من يعرف الحب يا ناس تكفـون ... خلوني أعيش في بـر و أمـان
لو كتبت الحرف بالعين و النـون ... حبها بالقلـب مـا لـه عنـوان
من حبها تعلمت وشلـون أخـون ... حبها زلزل في داخلـي بركـان
كان تبي تعرف الخيانة وشلـون ... نعم خنتها مـع اقـرب إنسـان
خيانة بريئة لا شكـل ولا لـون ... خيانة مـا بهـا رسـم وألـوان
بعد الـوداع اللـي كـان هلـون ... كانت توادعني على أمـل لقيـان
ما قويت البعد وإبليـس ملعـون ... ارتكبت الجرم بحق مـن صـان
جت تسألنـي وش بعـد بيكـون ... وأنا بداخلي أقـول وش ماكـان
وجت بعد فتره بشـوق مكنـون ... وأنا فعـلا كنـت لهـا ولهـان
قال تدري الحب بالقلب مصيـون ... حتـى بغيابـك أغنيلـك ألحـان
لو درت أن حبها اليوم مطعـون ... اعتقد إني مـن قربهـا خسـران
وصل لها الخبر والحال تـدرون ... أزيد النفـس تعذيـب وحقـران
يا مـا تمنيـت أكـون مدفـون ... تحت الأرضي بهـم ونقصـان
وصلني عتبها بالحـزن مدهـون ... ومدت الفرقا لمجنونهـا بأكفـان
قال أنساني وكررها لك مليـون ... ليمكن يعمـر بيـت بـه خـوان
وأنا اللي ما توقعت انك تخـون ... حتى بغيابي تبقى وافين هيمـان
قلت له والقلـب بالهـم مديـون ... ليتك تحسبهـا بعـدل و ميـزان
ما ينومن الوقت لو كان مأمـون ... ما حال بيننا لا انـس ولا جـان
من يضمن العمر لو كان مضمون... نعيش الدهر بين جنة وريضـان
نزوة البعـد صـورة وكربـون ... نزوة عشتها بعد طول هجـران
يا أهل الرياض كأنكم ترضـون ... تبقى حياتي بين هـم و أحـزان
ذكروها بالحب والعشق الحنـون ... بلغوها إن عشت بعيـش ندمـان
ورجعت اللي على حياتي تمـون ... رجعت ورجـع معهـا الكيـان
رجعت بكل إحسـاس وشجـون ... رجعـت و قلبـي بهـا كسبـان
أعترف لك إني بحبـك مفتـون ... اعترف إن العليا ما بهـا طمـان
من يعيش الحب في قلب مزيـون ... يملـك العالـم ويكـون سلطـان
لك منزلة مـا تخيلهـا الظنـون ... أنت ربيع القلب في وسط بستـان
إيه أجمل إحساس عشتـه بهـون ... صوتن ينادي المغـرم الشفقـان
إيه أحبك يا أغلى بشـر بالكـون ... إيه احبك يا بعد كل مـن كـان
تحياتي
اخوكم: ((خالد الروقي))




اضافة رد مع اقتباس


المفضلات