kingdom of heaven <<<مفاجأه من العيار الثقيل

[squal]

سلام اليكم<<<اقتباس من اورلاندو بلوم
احم....
السلام عليكم^_~
هااايوو موفييين..
طبعاً يمكن البعض منكم يتسائل...ليش كتبت مفاجأه من العيار الثقيل
الجواب وبكل بساطة.....((سينما قطــــــر))....ليش؟.......عشااانهم عرضو الفيلم قبل دور العرض في امريكا
المهم..نبدأ في التقرير اللي من الحين اقولكم انه طويل وعلى جزئين^_~...
واااااااي انا ماعرف والله شقوووول عن هالفيلم العجيب المعجب <<<ياخي ابدأ وخلصنا

اسم الفيلم: kingdom of heaven
اخراج: Ridley Scott
نوع الفيلم: Drama / Romance / War / Action
سنة الانتاج:2005
موعد العرض: يعرض حالياً<<<بالنسبة لسينما قطر بدأت عروضه امس ..اما عن امريكا بينعرض اليوم
الموقع الرسمي: بطولة:
Liam Neeson

بدور Godfrey

Orlando Bloom

بدور Balian

Edward Norton

بدور King Baldwin

غسان مسعود

بدور القائد صلاح الدين الايوبي

Eva Green

بدور Sibylla

David Thewlis

الـ Hospitaler

خالد النبوي

Mullah
نبذة عن الفيلم:
هذه الملحمة الواقعة في القرن الثاني عشر, تحكي قصة صانع سيوف شاب من القدس (أورلاندو بلوم) والذي يقف ضد جيوش المسلمين بقيادة صلاح الدين لحماية المدينة. على الرغم من أنه يخدم ملك هالك, إلا أنه يتمكن من إنقاذ المملكة من الجيوش الجرارة, ليترقى لمنزلة فارس ويقع بحب الأميرة الجميلة سايبيلا (إيفا جرين).

احم..طبعاً كانت هناك اقاويل مفادها ان الفيلم يشوه صورة الاسلام....
بس من خلال رؤيتي للفيلم بالعكس...ماكان هناك ادنى تشويه للاسلام او المسلمين..
على الرغم من ان مؤلف الفيلم يهودي
المهم هذه اقتباسات لكلام الممثل القدير(غسان مسعود)
يقول:
أنه حرص خلال التصوير أن يتطابق النص المكتوب مع المشاهد المصورة، وأن لا يجري أي تحريف للسيناريو أثناء التصوير ,وقال فيما تردد عن كاتب الفيلم "وليم مانهان" هو يهودي، أوضح غسان، "هذا لا يهمني ما دام النص قد كتب بطريقة موضوعية، وقد راجعت بعض تفاصيله في كتب التاريخ العربي وما كتب كان موضوعيا ومنصفا لشخصية صلاح الدين والفيلم أبرز شخصيته كرجل سلام وحوار، وكما قلت لقد قرأت قرابة عشرة مراجع عن شخصية صلاح الدين وأقول إنه لا أحد يستطيع أن يقارب الحقيقة".
لرؤية الحوار كاملا
يتبـ ــع

[squal]

صور من الفيلم:















عجيييييييييب














صورتين من اشهر المجلات الموفيه

هني يذكرني بتوم كروز(لاست ساموراي)<<<جان زين لو خذ عليه اوسكار<<<شدخل هالكلام الحين



رايي الشخصي في الفيلم..
شاااقووول...والله الفيلم رووعه ...يعني بصراحه الممثل اورلاندو بلوم..ماكنت اصلاً منتبه له من قبل..يعني مو من الممثلين اللي يشدني تمثيلهم..بس من خلال هالفيلم تغيرت رؤيتي له.. عجبني وحبيت شخصيته
وايضا الملك المقنع بعد عجبني ...ماقدر اقوول اكثر من ماقلت..لاني اذا تكلمت زياده بقول كل شي عن الفيلم وبحرقه عليكم...باختصااار لاتفوتونه...
فيلم يجذبك له من خلال الموسيقى التصويريه الكشخه..طبعا غير عن اصوات الاذان...يعني شي حلو وتفتخر فيه لما تسمع المؤذن يقول: (الله اكبر..الله اكبر)..وتشوف الناس تصلي<<<منظر جدا راااائع..اتمنى انكم تشوفونه

احم...ادري ان التقرير طويل ..ان شالله بس ماتمللتو وعلى الله يعجبكم

THE END

[رانزي الساحرة83]

مرحباً سكوال!!!
هالمشاركة الأولى محجوزة حقي! هي هي هي!
لحد ما اشوف الفيلم بكره إن شاء الله وأول ما أرجع منه سيده على موضوعك وبرد عليه الرد القوقازي المعتاد!
ومشكور عالتقرير تسلم^_^

.
.
.
شفته!

نيي حق الرد القوقازي الأصلي! هي هي هي!

سلام اليكم<<<اقتباس من اورلاندو بلوم

وأليكم سلام! <<< واااي يينن أورلي لما يتحجى عربي!

طبعاً يمكن البعض منكم يتسائل...ليش كتبت مفاجأه من العيار الثقيل

لأن الفيلم كان قمة في الروعة! ولأن قطر عرضته قبل أمريكا!!!

الجواب وبكل بساطة.....((سينما قطــــــر))....ليش؟.......عشااانهم عرضو الفيلم قبل دور العرض في امريكا

هي هي هي! 1 من 2 - not bad !

المهم..نبدأ في التقرير اللي من الحين اقولكم انه طويل وعلى جزئين^_~...

لو تحط 20 بعد مو 2 ! والله الفيلم يستاهل! عجيب!

واااااااي انا ماعرف والله شقوووول عن هالفيلم العجيب المعجب

موعد العرض: يعرض حالياً<<<بالنسبة لسينما قطر بدأت عروضه امس ..اما عن امريكا بينعرض اليوم

هي هي هي!

Orlando Bloom

بدور Balian

ايا عليه! كبر واحلو- صاير يينن!

Edward Norton

بدور King Baldwin

ايا عليه بعد

غسان مسعود

بدور القائد صلاح الدين الايوبي

أدائه كان فعلا روعة

خالد النبوي

Mullah

يقول لي عادل إمام!
بس هم بعد أدائه كان حلو
إلا أقول سكوال ما اتصلت فيه؟!

احم..طبعاً كانت هناك اقاويل مفادها ان الفيلم يشوه صورة الاسلام....
بس من خلال رؤيتي للفيلم بالعكس...ماكان هناك ادنى تشويه للاسلام او المسلمين..
على الرغم من ان مؤلف الفيلم يهودي

أنا بعد وياك - ولا يشوه الإسلام أو المسلمين ولا شي!
بالعكس - بين الأوقات الجميلة والعلاقات الطيبة اللي كانت تسود المسلمين والمسيحيين في القدس إبان الحملات الصليبية
منصف جداً - بعد أكثر من جذيه إنصاف وعدل ما اعتقد فيه - خاصة بعد إن الفيلم من إنتاجهم ويزاهم الله ألف خير على هالفيلم الروعة
وما تهم ديانة المؤلف يهودي كان أو غيره ما دام كتبه بموضوعية والفيلم فعلاً كان موضوعي غير متحيز - حتى يمكن اللي شافوه يلاحظون العكس - كانت الشخصيات الشريرة الطاغية مسيحية، بالإضافة طبعاً إلى بطل الفيلم الصالح وشخصيات مسيحية أخرى طيبة

المهم هذه اقتباسات لكلام الممثل القدير(غسان مسعود)
أنه حرص خلال التصوير أن يتطابق النص المكتوب مع المشاهد المصورة، وأن لا يجري أي تحريف للسيناريو أثناء التصوير ,وقال فيما تردد عن كاتب الفيلم "وليم مانهان" هو يهودي، أوضح غسان، "هذا لا يهمني ما دام النص قد كتب بطريقة موضوعية،

وقد راجعت بعض تفاصيله في كتب التاريخ العربي وما كتب كان موضوعيا ومنصفا لشخصية صلاح الدين والفيلم أبرز شخصيته كرجل سلام وحوار، وكما قلت لقد قرأت قرابة عشرة مراجع عن شخصية صلاح الدين وأقول إنه لا أحد يستطيع أن يقارب الحقيقة".

تماماً - كلامه عين العقل!
وأوضح أمثلة في كتبنا ومسلسلاتنا وأفلامنا العربية - يعني مثلا لما يسوون مسلسل عن شخصية تاريخية غالباً ما يتغاضون عن الكثير من عيوبها في سبيل إنجاح المسلسل أو الفيلم، لكن ترد تقرا عنها في كتاب أو تسمع عنها في مسلسل آخر إذا يابوا سيرتها إنها كانت تقوم بأعمال لا إنسانية ..إلخ
ومشكور سكوال عالموقع


واي أورلي أنت صاير وسيم ومحلو! - والله قبل لا ينزل الفيلم يوم كانوا حاطين بوستره اللي ويهه على جنب على بالي توم كروز! ( ايه مو يذكرني فيه بشكله في The Last Samurai )
ومشهد الحصن يذكرني في أورلاندو في دور Legolas في The Lord of the Rings :The Two Towers
ما أدري المخرج شافه من هناك وقرر يعطيه الدور؟!
لا الصراحة أفلام أورلاندو من بدأ يمثل في LOTR لحد الحين كلها حلوة وناجحة <<< الحمدلله والشكر تسأل وتجاوب على عمرها! الله يخارجني! ( ترى غير LOTR ما شفت له إلا فيلمين سواهم عقب هم Pirates of the Carribean و Troy ) وحلوين! وتمثيلو حلوو! وهوي حلووو! من شان هيك رشحتو! هي هي هي!





الله يخارجني! توني اليوم العصر شايفه الفيلم بس ما أذكر هالكشخة في أي مقطع؟!
ويه لحظة! يوم شافوه ذيلاك عند النافورة وعقب ودوه القصر؟!
ذكرني سكوال!


اها! شفتوا اللي حطيت عليه دائرة بالوردي؟!
يتساءلون إذا بيكون الفيلم أكثر إثارة للجدل من فيلم آلام المسيح؟<<< دليل إن ما كان متحيز ضد الإسلام وحتى بين حقيقة بعض المسيحيين اللي كانوا عنصريين وكل همهم الاستيلاء عالأراضي والثروات
بس أنا أقول أنا بيحدث ضجة مثل آلام المسيح لأن ما تعرض لليهود اللي قوموا الدنيا وقعدوها على فيلم مل غيبسن!

هني يذكرني بتوم كروز(لاست ساموراي)

هي هي هي! نفس كلامي بالضبط!

<<<جان زين لو خذ عليه اوسكار<<<شدخل هالكلام الحين

لا عادي سكوال خذ راحتك! <<< زين تقريرج ولا تقريره أصلا؟!
هي هي هي!


ياي كشخة! - ويه طلع نفس مخرج Gladiaror ! وفيها عن بروس بعد!

رايي الشخصي في الفيلم..
شاااقووول...والله الفيلم رووعه ...يعني بصراحه الممثل اورلاندو بلوم..ماكنت اصلاً منتبه له من قبل..يعني مو من الممثلين اللي يشدني تمثيلهم..بس من خلال هالفيلم تغيرت رؤيتي له.. عجبني وحبيت شخصيته

أنت لو شايف The Lord of the Rings كنت انتبهت له لا مفر!
بس أتوقع شفت أفلامه الثانية Pirates of the Carribean و Troy - أما دور باريس صج عرفوا ينقون! يوم قالوا أورلاندو بيمثله ما يه حد ببالي أحسن منه له <<< زين شدخل هاي بعد؟! عاداج سكوال؟! ولا لا يكون أنتِ عاديتيه؟!
ايه! أورلاندو فنان موهوب وعلى قلة أفلامه وفترة تمثيله القصيرة نسبياً مقارنة بباقي الممثلين اللي بمثل شهرته إلا أنه استطاع تكوين بصمة خاصة فيه! <<< أحس الجملة غلط بس مفهومة!

وأما بالنسبة لهالفيلم.. فبإختصار أقول أنه من أروع الأفلام اللي شفتها وهو فيلم لا ينسى وسيبقى في الذاكرة

والله انا بعد ما صدقت ان قطر تسوي شي جذي
ما يصير اصلا
تصرقعت يوم شفته في الجريدة
قلت يمكن اليوم ما يعرضونه - امس -
بس باجر - اليوم -
يعني يبون يسوون دعايه حق الفلم
وبعد فلم نيكول كيدمان
توه نازل في امريكا
22-4
وامس 5-5-2005 << كشخة
يعني 13 يوم بعد عرضه في امريكا
والله صرقعونا هالسينما وان شاء الله في نشاط دااائم

ايه والله واحد! على فكرة، أبيك اليوم تغير الضحكة إلى هي هي هي!
وإن شاء الله دوم تصرقعنا هالسينما بنشاطها!

ومشكور سكوال عالتقرير الرائع عن هالفيلم المذهل تسلم^_^

وآسفة عالإطالة!

احم...ادري ان التقرير طويل ..ان شالله بس ماتمللتو وعلى الله يعجبكم

أنا ما تمللت - لكن ما أدري عنك بالنسبة لي؟!

مـ^_^ـع السـ^_^ـلامة

[واحد من الشباب]

اهلينات ^^

والله انا بعد ما صدقت ان قطر تسوي شي جذي

ما يصير اصلا

تصرقعت يوم شفته في الجريدة

قلت يمكن اليوم ما يعرضونه - امس -
بس باجر - اليوم -

يعني يبون يسوون دعايه حق الفلم

وبعد فلم نيكول كيدمان

توه نازل في امريكا

22-4
وامس 5-5-2005 << كشخة

يعني 13 يوم بعد عرضه في امريكا

والله صرقعونا هالسينما وان شاء الله في نشاط دااائم

ان شاء الله اليوم بروح الفلم وبرجع على موضوعك ^^

سي يوو

[squal]

يسلمووو على الردود..
ومنتظر آرائكم بعد ماتشوفون الفيلم...
<<<عاد ان شالله يعجبكم مثل ماعجبني^_~

بباااااااااااااي

[LYM]

WooooW

التـقرير حـده عجـيب وروعة

وأنا شفت لقطات من هالفيلم

والفيلم عجبني واايد

وخـصوصا ً تمـثيل Orlando Bloom حـلو واايد

وأنشالله راح أشوف الفيلم لما يحطونه بالسينما عندنا ^_^

ومشكـور سكوال على التقرير الروعة ،،

[دلوعه]

التقـرير يا سكـوالـو اينن مأدرى شقوال بـس روعـه

انا صــراحه شـايفه جـم لقطه حـق الفـلام وعجـبنى وايـد

انشاالله اشوفه اذا نـزال عـندنا بالسيـنما

وثانكس ع التـقرير الـروعه

هـذا دايـمن اللى تعـودنا منـك

الشـى الـروعه

لا تحرمنـا مـن هالمـواضيع

نشـوف يـديدك

[بيرس بروسنان]

قوه سكوال

مشالله على تقريرك الحلو
صراحه عجبني وااايد
يعطيك العافيه
حتى رايك في الفيلم يشجع اني اشوفه
اتمنى ينزل عندنا
مشكوور على الصور بعد
ومع السلامه

[Sassy]

مشكور على التقرير الحلو سكوال
الفيلم شكله اوكي
أول مرة أقرا تقرير كامل من أول كلمة لين آخر كلمة بدون ماطوف سطر أو كلمة او نقطة او فاصلة ..الخ
<< يمكن من الملل

[squal]

رانزي الساحرة83

شفته!

نيي حق الرد القوقازي الأصلي! هي هي هي!

اوغي

وأليكم سلام! <<< واااي يينن أورلي لما يتحجى عربي!

هي هي هي!

ايا عليه بعد

يقول لي عادل إمام!
بس هم بعد أدائه كان حلو
إلا أقول سكوال ما اتصلت فيه؟!

قلت لج اضحك معاج هي هي هي!
لا طرشت له مسج وقلت له يوقع لي فيه

أنا بعد وياك - ولا يشوه الإسلام أو المسلمين ولا شي!
بالعكس - بين الأوقات الجميلة والعلاقات الطيبة اللي كانت تسود المسلمين والمسيحيين في القدس إبان الحملات الصليبية

اي والله
الواحد لازم يشوف الفيلم بعدين يتحجى>_<

منصف جداً - بعد أكثر من جذيه إنصاف وعدل ما اعتقد فيه - خاصة بعد إن الفيلم من إنتاجهم ويزاهم الله ألف خير على هالفيلم الروعة
وما تهم ديانة المؤلف يهودي كان أو غيره ما دام كتبه بموضوعية والفيلم فعلاً كان موضوعي غير متحيز - حتى يمكن اللي شافوه يلاحظون العكس - كانت الشخصيات الشريرة الطاغية مسيحية، بالإضافة طبعاً إلى بطل الفيلم الصالح وشخصيات مسيحية أخرى طيبة

تماماً - كلامه عين العقل!
وأوضح أمثلة في كتبنا ومسلسلاتنا وأفلامنا العربية - يعني مثلا لما يسوون مسلسل عن شخصية تاريخية غالباً ما يتغاضون عن الكثير من عيوبها في سبيل إنجاح المسلسل أو الفيلم، لكن ترد تقرا عنها في كتاب أو تسمع عنها في مسلسل آخر إذا يابوا سيرتها إنها كانت تقوم بأعمال لا إنسانية ..إلخ

اي صح..بس مثل ماشفنا صلاح الدين ماكانت له مساوىء في الفيلم..بالعكس قائد مسامح..يعني يوم هذاك الدب(زوج اخت الملك المقنع<< ) ورفيجه اللي اغاروا على قافله مسالمه.. راح عشان يحاربهم<<<وله الحق لانهم نقضوا الهدنه اللي كانت بينهم وبين صلاح الدين وسفكوا الدماء..بس عشان خاطر الملك المقنع<<< ماقامت الحرب.

ومشكور سكوال عالموقع

العفوو

واي أورلي أنت صاير وسيم ومحلو! - والله قبل لا ينزل الفيلم يوم كانوا حاطين بوستره اللي ويهه على جنب على بالي توم كروز! ( ايه مو يذكرني فيه بشكله في The Last Samurai )

ومشهد الحصن يذكرني في أورلاندو في دور Legolas في The Lord of the Rings :The Two Towers

هممم ماشفت الفيلم..ماحب هالنوعيه <<<لاحوول عليك....زين كم مره قايل هالعباره

ما أدري المخرج شافه من هناك وقرر يعطيه الدور؟!
لا الصراحة أفلام أورلاندو من بدأ يمثل في LOTR لحد الحين كلها حلوة وناجحة <<< الحمدلله والشكر تسأل وتجاوب على عمرها! الله يخارجني! ( ترى غير LOTR ما شفت له إلا فيلمين سواهم عقب هم Pirates of the Carribean و Troy ) وحلوين! وتمثيلو حلوو! وهوي حلووو! من شان هيك رشحتو! هي هي هي!

..اكثر واحد حزنت عليه

الله يخارجني! توني اليوم العصر شايفه الفيلم بس ما أذكر هالكشخة في أي مقطع؟!
ويه لحظة! يوم شافوه ذيلاك عند النافورة وعقب ودوه القصر؟!
ذكرني سكوال!

انا اتذكر انه كان لابس جذي.. لاني علقت عليه في نفس الوقت..بس وين ومتى هالمقطع..مادري
ايه صح...لين شريت الدي في دي من صفوان بقولج

اها! شفتوا اللي حطيت عليه دائرة بالوردي؟!
يتساءلون إذا بيكون الفيلم أكثر إثارة للجدل من فيلم آلام المسيح؟<<< دليل إن ما كان متحيز ضد الإسلام وحتى بين حقيقة بعض المسيحيين اللي كانوا عنصريين وكل همهم الاستيلاء عالأراضي والثروات

واااااااااي انا الفيلم جدا عااادل..وحتى فيلم ميل جيبسون<<<حبيب البي
كان موضوعي وعجبني طرحه لقصة المسيح في الساعات الاخيره<<<طبعا على معتقداتهم

بس أنا أقول أنا بيحدث ضجة مثل آلام المسيح لأن ما تعرض لليهود اللي قوموا الدنيا وقعدوها على فيلم مل غيبسن!

كأنه في تناقض في الجمله...
رانزي!! اكيد قصدج انه ماراح يحدث صجه...صح؟...لانج قلتي انه ماتعرض لليهود

هي هي هي! نفس كلامي بالضبط!

لا عادي سكوال خذ راحتك! <<< زين تقريرج ولا تقريره أصلا؟!
هي هي هي!

صج عاد

ياي كشخة! - ويه طلع نفس مخرج Gladiaror ! وفيها عن بروس بعد!

هااي اول شي شفته اللي عن بروس

أنت لو شايف The Lord of the Rings كنت انتبهت له لا مفر!

بعد شسوي..سكوالو مايعجبه العجب ويحب نوعية معينه من الافلام
ومو اي فيلم يدخل مزاجه <<<زين شدخلنا

بس أتوقع شفت أفلامه الثانية Pirates of the Carribean و Troy - أما دور باريس صج عرفوا ينقون! يوم قالوا أورلاندو بيمثله ما يه حد ببالي أحسن منه له <<< زين شدخل هاي بعد؟! عاداج سكوال؟! ولا لا يكون أنتِ عاديتيه؟!

ايه! أورلاندو فنان موهوب وعلى قلة أفلامه وفترة تمثيله القصيرة نسبياً مقارنة بباقي الممثلين اللي بمثل شهرته إلا أنه استطاع تكوين بصمة خاصة فيه! <<< أحس الجملة غلط بس مفهومة!

وأما بالنسبة لهالفيلم.. فبإختصار أقول أنه من أروع الأفلام اللي شفتها وهو فيلم لا ينسى وسيبقى في الذاكرة

صح..والله يخلي لنا سينمتنا الغراء<<<لاياشيخ

ومشكور سكوال عالتقرير الرائع عن هالفيلم المذهل تسلم^_^

العفووو ..والله ردج هو المذهل

وآسفة عالإطالة!

اي اطاله بالعكس ..انا استانس على ردج القوقازي المفزع<<<شدخل مفزع

أنا ما تمللت - لكن ما أدري عنك بالنسبة لي؟!

لا والله...انا اللي كنت اتمنى اشوف هالرد القوقااازي<<<على قولة جوليوو من زمان عنه

مـ^_^ـع السـ^_^ـلامة

الله يسلمج

[squal]

WooooW

التـقرير حـده عجـيب وروعة

وأنا شفت لقطات من هالفيلم

والفيلم عجبني واايد

وخـصوصا ً تمـثيل Orlando Bloom حـلو واايد

وأنشالله راح أشوف الفيلم لما يحطونه بالسينما عندنا ^_^

ومشكـور سكوال على التقرير الروعة ،،

هي هي هي! يسلموو على الرد الحلوو

دلوعه

التقـرير يا سكـوالـو اينن مأدرى شقوال بـس روعـه

انا صــراحه شـايفه جـم لقطه حـق الفـلام وعجـبنى وايـد

انشاالله اشوفه اذا نـزال عـندنا بالسيـنما

وثانكس ع التـقرير الـروعه

هـذا دايـمن اللى تعـودنا منـك

الشـى الـروعه

لا تحرمنـا مـن هالمـواضيع

نشـوف يـديدك

واااااااي انتي دلوعه..يسلموو على الرد الفلاوي
والله زين اللي عجبكم التقرير

بيرس بروسنان

قوه سكوال

مشالله على تقريرك الحلو
صراحه عجبني وااايد
يعطيك العافيه
حتى رايك في الفيلم يشجع اني اشوفه
اتمنى ينزل عندنا
مشكوور على الصور بعد
ومع السلامه

الله يقويك عزيزي بيرس
و يعافيك
ويسلمووو على الرد

Sassy

مشكور على التقرير الحلو سكوال
الفيلم شكله اوكي

واااااااي انا ساسي في موضوعي

أول مرة أقرا تقرير كامل من أول كلمة لين آخر كلمة بدون ماطوف سطر أو كلمة او نقطة او فاصلة ..الخ

وااااااااي انا هااي شي يفرحني والله

<< يمكن من الملل

احم


يسلموو ساسيووو على الرد
ان شالله مستقبلا ماتكونين متملله وانتي تقرين شي انا كاتبه

[البديع]

مشكوووووووووووووور اخوي

[A.N.G.E.L]

هني يذكرني بتوم كروز(لاست ساموراي)<<<جان زين لو خذ عليه اوسكار<<<شدخل هالكلام الحين

اي ووالله نفس الشكل
بس ريض على الاوسكاار باقي حوال 10 او 11 شهر
شكرا على الموضوع

[squal]

اي ووالله نفس الشكل
بس ريض على الاوسكاار باقي حوال 10 او 11 شهر

هي هي هي! لا انا قصدت توم كروز في الحفل الاوسكاري اللي قبل الاخير

وان شالله بعد اورلاندو ياخذ الاوسكار..ليش لا..يستاهل

شكرا على الموضوع

يسلموووووووو على الرد الفلاوي

البديع

مشكوووووووووووووور اخوي

العفوووو

[واحد من الشباب]

بيه ما يصير اعدل ذاك الرد
حتى يوم واحد ما مر عليه
المهم

سلام اليكم<<<اقتباس من اورلاندو بلوم

واليكم السلام
يضحكون لما يتكلمون عربي

احم....
السلام عليكم^_~
هااايوو موفييين..

هايات

طبعاً يمكن البعض منكم يتسائل...ليش كتبت مفاجأه من العيار الثقيل

اشوه انا مب من هالبعض اول ما شفت الجريدة تصرقعت بعد شلوون ما يصير وسيده رحت عالياهوو اجيك
المهم

الجواب وبكل بساطة.....((سينما قطــــــر))....ليش؟.......عشااانهم عرضو الفيلم قبل دور العرض في امريكا

ايه والله مادري شفيهم مشتطين هالايام
يا كلش رقاد يا كلش نشاط
مافي وسط

المهم..نبدأ في التقرير اللي من الحين اقولكم انه طويل وعلى جزئين^_~...

واااااااي انا ماعرف والله شقوووول عن هالفيلم العجيب المعجب <<<ياخي ابدأ وخلصنا

اي والله صج عجيب معجب شويه عليه سووبر فانتاستك

اسم الفيلم: kingdom of heaven

يحليله << شدخل

اخراج: Ridley Scott

موعد العرض: يعرض حالياً<<<بالنسبة لسينما قطر بدأت عروضه امس ..اما عن امريكا بينعرض اليوم

احم
والله فله نحر امريكا
بس انا سمعت انه هاي الشركة اللي ترجمت الفلم وزعته قبل امريكا لان فيه شي عن المسلمين او شي جذي
حتى سوريا عرضوه معانا

Orlando Bloom

بدور Balian

صراحه تمثيله واايد حلوو وكلش يختلف عن الفلمين الوحيدين اللي شفتهم له
وهم نفس رانزي Pirates of the Carribean و Troy

غسان مسعود

بدور القائد صلاح الدين الايوبي

ايييييه يا غسانوووه والله وعرفت تمثل <<<
بس الـE عندك مكسره شوي

نبذة عن الفيلم:
هذه الملحمة الواقعة في القرن الثاني عشر,

الثاني عشر ولا الحادي عشر
كان مكتوب 1181 اعتقد so الحادي عشر

تحكي قصة صانع سيوف شاب من القدس (أورلاندو بلوم) والذي يقف ضد جيوش المسلمين بقيادة صلاح الدين لحماية المدينة.

يا عيني عليه والله عنده حركاات وخطط

على الرغم من أنه يخدم ملك هالك,

ايه هاي الملك شهالقناع اللي ملبسينه جنه الشيطان ها ها ها ! <<

احم..طبعاً كانت هناك اقاويل مفادها ان الفيلم يشوه صورة الاسلام....

شدخل
مافيه اي تشويه لصورة الاسلام
بالعكس فزنا << شدخل
ايه بعد انا اخبر في الافلام اليهوديه او المسيحيه ابدا ما ييبون طاري المسلمين الا بالشر والمادري وشو
بس هالفلم لا

المهم هذه اقتباسات لكلام الممثل القدير(غسان مسعود)

حتى هذي صار ممثل قدير

صورتين من اشهر المجلات الموفيه

هني يذكرني بتوم كروز(لاست ساموراي)<<<جان زين لو خذ عليه اوسكار<<<شدخل هالكلام الحين

ايه والله حتى انا
مادري احس ....
ولا اقول خلني ساكت

رايي الشخصي في الفيلم..
شاااقووول...والله الفيلم رووعه ...يعني بصراحه الممثل اورلاندو بلوم..ماكنت اصلاً منتبه له من قبل..يعني مو من الممثلين اللي يشدني تمثيلهم..

ايه والله حتى انا
كلش ما كنت منتبه له او اركز على تمثيله او شي جذي
بس احس ان رايي بيتغير بعد ما شفت الفلم بسلام

بس من خلال هالفيلم تغيرت رؤيتي له.. عجبني وحبيت شخصيته
وايضا الملك المقنع بعد عجبني ...

ايه يحليله بو قناع شيطوني
هذي رفيجي اعرفة

فيلم يجذبك له من خلال الموسيقى التصويريه الكشخه..

ايه والله كشخه وبس الا كشختين

طبعا غير عن اصوات الاذان...يعني شي حلو وتفتخر فيه لما تسمع المؤذن يقول: (الله اكبر..الله اكبر)..وتشوف الناس تصلي<<<منظر جدا راااائع..اتمنى انكم تشوفونه

ايه شفته
والله مادري شلون حسيت
بس جنهم في اول مقطع صلاه كانوا يصلون جماعه متفرقين
ليش انشالله

احم...ادري ان التقرير طويل ..ان شالله بس ماتمللتو وعلى الله يعجبكم

لا والله ما تمللنا ولا شي الا تونسنا برفقة سكوال بن ويلس
وبانتظار باقي التقارير الميجا موفيه

[جـــورج كلوني]

الله يغربل ابليسكم انت واخوك زين

جان قلتوا..عشان اروح معاكم

يلا ماعلينا

تسلم على التقرير اللي يحر والله,جان زين رحت وشفته>_<

ان شالله اشووفه قريب

والله يعطيك العافيه

واقوول حق السينما عندنا الله يغربل ابليسكم اثبتوا على مستوى واحد مره فووق ومره تحت

ومع السلامه

[squal]

جـــورج كلوني

الله يغربل ابليسكم انت واخوك زين

بيه

جان قلتوا..عشان اروح معاكم

العتب على الذاكره...نسيت

يلا ماعلينا

تسلم على التقرير اللي يحر والله,جان زين رحت وشفته>_<

:ميت بقوه: الله يسلمك

ان شالله اشووفه قريب

ان شالله

والله يعطيك العافيه

الله يعافيك ويزوجك ونفتك منك

واقوول حق السينما عندنا الله يغربل ابليسكم اثبتوا على مستوى واحد مره فووق ومره تحت

ومع السلامه

بباااااااااااااي

[squal]

واحد من الشباب

بيه ما يصير اعدل ذاك الرد
حتى يوم واحد ما مر عليه

واااااااي انت المهم انك رديت على الموضوع للمره الثانيه هي هي هي!

واليكم السلام
يضحكون لما يتكلمون عربي

لا بالعكس فلله خخخخخخ

ايه والله مادري شفيهم مشتطين هالايام
يا كلش رقاد يا كلش نشاط
مافي وسط

اي والله

اي والله صج عجيب معجب شويه عليه سووبر فانتاستك

والله فله نحر امريكا

بس انا سمعت انه هاي الشركة اللي ترجمت الفلم وزعته قبل امريكا لان فيه شي عن المسلمين او شي جذي
حتى سوريا عرضوه معانا

اي صح حتى الامارات عرضوه معانا

صراحه تمثيله واايد حلوو وكلش يختلف عن الفلمين الوحيدين اللي شفتهم له
وهم نفس رانزي Pirates of the Carribean و Troy

تصدق عاد..انا نسيت انه يمثل في troy واني اصلاً شفت الفيلم <<<مالت على الذاكره بس ههههههه
لكن Pirates of the Carribean <<< اللي عجبني جوني ديب فقط

ايييييه يا غسانوووه والله وعرفت تمثل <<<
بس الـE عندك مكسره شوي

هممم مايبين عليه وااايد...كلامه كان اوكيه

الثاني عشر ولا الحادي عشر
كان مكتوب 1181 اعتقد so الحادي عشر

لا القرن الثاني عشر
During the Crusades of the 12th Century, Balian of Ibelin (Bloom), a young blacksmith in Jerusalem, rises to protect his people from foreign invaders
مادري جذي مكتوب في موقع IMDb

يا عيني عليه والله عنده حركاات وخطط

ايه هاي الملك شهالقناع اللي ملبسينه جنه الشيطان ها ها ها ! <<

وعليه مسكين

مافيه اي تشويه لصورة الاسلام
بالعكس فزنا << شدخل
ايه بعد انا اخبر في الافلام اليهوديه او المسيحيه ابدا ما ييبون طاري المسلمين الا بالشر والمادري وشو
بس هالفلم لا

اي مايشوه صورة المسلمين ولاشي <<<زين شفيك معصب

حتى هذي صار ممثل قدير

اي والله..تصدق عاد

ايه والله حتى انا
مادري احس ....
ولا اقول خلني ساكت

لا عادي..
افتح قلبك مع سكوال قرداحي

ايه والله حتى انا
كلش ما كنت منتبه له او اركز على تمثيله او شي جذي
بس احس ان رايي بيتغير بعد ما شفت الفلم بسلام

اوه اوه الشريك مثلي هي هي هي!
امع<<<شدخلها الحين

ايه يحليله بو قناع شيطوني
هذي رفيجي اعرفة

يكسر الخاطر

ايه شفته
والله مادري شلون حسيت
بس جنهم في اول مقطع صلاه كانوا يصلون جماعه متفرقين
ليش انشالله

لا والله ما تمللنا ولا شي الا تونسنا برفقة سكوال بن ويلس
وبانتظار باقي التقارير الميجا موفيه

وااي انت تونست وانا ارد عليك يالغالي
يسلموو على الرد الفلاوي ياشيخ

[واحد من الشباب]

مادري جذي مكتوب في موقع IMDb

عيل في ذمتهم
بس انا متأكد مليوون فالمية اني شايف 118 وشي بعده

يعني المفروض في القرن الـ11

المهم

وااي انت تونست وانا ارد عليك يالغالي
يسلموو على الرد الفلاوي ياشيخ

وانا تونست وانا اقرا ردك يالغالي
وبس !
بايوو

[Nagham]

ومشهد الحصن يذكرني في أورلاندو في دور Legolas في The Lord of the Rings :The Two Towers
(اقتباااااااااااااااااااااااااااس)



في اي دور أورلاندو مثل في فيلم the lord of the rings؟

وبعدين وش دور خالد النبوي بالفليم؟

وليش اختاروا غسان مسعود دون غيره من الممثلين؟