مشاهدة النتائج 1 الى 3 من 3

المواضيع: انواع حب البنات

  1. #1

    نقاش انواع حب البنات


    انواع حب البنات تعالو شوفو مشان تعرفو

    --------------------------------------------------------------------------------

    الحب الي أنا أعرفه حب واحد إسمو الحب الحقيقي

    لكن مع التطور صار للحب أنواع كتيرة ...

    com.بنات اليوم .www

    -------

    حب ( أبو يوم ) : كيف دا ؟ أنا أقولك .. تتعرف عليك لمدة

    يوم واحد بعد كده ولا تسأل عن (( رقعة وجهك )) !!

    ==

    حب (أبو أسبوع) : نفس النظام لكن المدة هنا تختلف !!

    لكن دا النوع ممكن لو شافتك في السوق تطالع بنص عين !

    ==

    (حب طفش ) : يعني كيف ؟؟ البنت تلاقي نفسها طفشانه

    تقوم تقولك (( أنا حاسه اني في شي جديد في حياتي))

    الصراحه يا (( 000 )) أنا أحبك و يكون لا حب و لا يحزنون

    ==

    حب ( مصالح ) : والله دا الحب اظن مفهوم يعني عندك بي ام .. لكزس .. كورلا ..أسف غلطت اقصد كورفيت .. اشياء من دي يعني البنت تمشي معاك حلاوة ولا تنسى يكون عندك(( كاش)) و انا شخصيا احتقر النوع دا بكل معنى الاحتقاااااااااااااار !!

    ==

    حب ( العمر كله ) : يعني الحب الحقيقي الطاهر الي نهايتو زواج ... (( كاني بقول فيلم من الخيال صح ؟؟؟))

    ==

    حب (( نص العمر)) : بالعربي كده ! تكونو طايحين في بعض عشق و جنان و حب وتضحيه و في الاخر ما تقدر تتزوجها ... و لكل شخص ظروفه !!

    ==

    حب ( صداقة) : دا ما احبو انا .. بس اشرحلكم كيف !! يعني تقولك البنت انا احبك .. تقوم انت تولع و تفرررررح تقوم تلصق وراها كلمة (( صداقة)) يعني الحب دا يغيظ و يحرق الدم – انبسطو يا بنااااااااااات – شايفك تضحكي -؟؟ معرف اش اقولكم؟

    ==

    حب ( مالو داعي ) : مفهوم !!

    =

    حب (فضاوة ) : البنت فاضيه ما ورها لا شغلة ولا مشغله

    تتعرفو و تقولك احبك و تعيش نفسها في حب إسمو ((وهم))

    ==

    حب ( مظاهر ) : دا للناس الي عندهم سكسوكه شعر يروح يمين شمال .. جسم (( معضل)) و ماسك جوال آخر موديل
    -

    =

    حب ( توريطه ) : يعني بعد ما تطفش منك .. تتصل على البيت و تقول والله لمو ولدكم و تعملك مشااااكل مه اهلك ...والله الصراحه ما مريت بشي زي كده عشان كده ... رح اسكت!!

    ==

    حب ( إستبنه )=(إحتياط) : الحب دا زفتتتتتتتتتتتتتت!! عارف كيف؟

    لمن تتعرف عليك و تكون تعرف احد قبلك ما تعطيك وجه ..

    و لمن يروح الي قبلك (( تعطيك وجه)) و لمن تتعرف على غيرك عاااااد تصير ( ما تعطيك وجه )) و هكذا .... حب يفقع القلب و يسبب قشعريرة في الامعاء الغليظه..

    =

    (حب طرف واحد) : دا الحب الي من طرف واحد اذا كان صادق .. من جد اكلمكم يصير أصعب حب .. تكون انت تموووووت في البنت و هي ولا تدري عن ابو منظرك شي او مطنشه .. على قول المطرب/خالد عجاج : أصعب حب لما تحس الي انتا بتحبو ما بيحبكش !!

    =

    حب ( تلي فون ) : وهذا كثثثثثثثثثثرررررررررر منه أظن مفهووووووم !! على التلفون و ما في انك تشوفها !!!

    =

    حب ( غلط) : الحب دا ... كيف اقولكم؟؟ والله عيب !! ...

    يعني الحب .. أووووووف !! يعني حب عشان (( تعملو قلة أدب )) يعني حب جنسي بلىىىىىىى على دا الحب اش زفت ... !!!

    =

    حب ( انتر نت ) : أظن مررررررررررره مفهوم !!

    =

    حب ( قلابي ) : يعني والله لمن تطفش منك ولا على قول المصرين (( تزهأ )) تقلب عليك و تتعرف على غيرك يا لوح !!

    بس قبل لا تمشي تعملك فيلم هندي خطير !! شووووف

    الصراحه يا ((.....)) انا حطيت عقلي في راسي .. و ما ابغا اكلم شباب .. و انت واحد مررره كويس (( و تعطييييك بكش))

    و اتمنى انك ما تنساني (( مو دايما يقولها )) و ووو الخخخ يعني بالعربي كده (( تعطيك )) كلام اسمو (( عسل مر )) اذا كنت حبيتها يعني !! .......



  2. ...

  3. #2
    الموضوع الاول الي كله قاعد يصير في هذي الايام ...بس حبيبتي نسيتي نوع من انواع الحب (حب التملك) devious

    يعني اتحكم في كل شي واغاااار من كل شي واااشششك في كل شي وعشان ارتاح اخلي جواز سفرك عندي

    وكل 5 دقايق اعطيك رنه واشيك اذا انت عندك انتظاار (وهذي النقطه مهمه) واذا لقيت انتظار ما اخليه يتنفس المكالمات ورابعض

    عشان اعرف المده اوذا زادت عن 3 دقايق (جاكم الاعصار وخرو عن طريقه) ولا المحيط الهادي يغسل شراعه..

    وبعد الساعه 12 مافي جوال يشتغل ..واربعا وخميس وجمعه ينطق في البيت.. واذا يبي ربعه يعني اصحابه يجون للبيت .

    وما فيه دش في البيت انتل فوقه قصدير ويخب لا وتلفزوين صغير عشان اذا فيه بنات ما يشوف زين.

    على فكره انا من هذا النوع علشان كذا تكلمت عنه وبطلاقه (مجرمه صح) rambo . cool
    attachment

  4. #3

بيانات عن الموضوع

الأعضاء الذين يشاهدون هذا الموضوع

عدد زوار الموضوع الآن 1 . (0 عضو و 1 ضيف)

المفضلات

collapse_40b قوانين المشاركة

  • غير مصرّح لك بنشر موضوع جديد
  • غير مصرّح بالرد على المواضيع
  • غير مصرّح لك بإرفاق ملفات
  • غير مصرّح لك بتعديل مشاركاتك
  •  

مكسات على ايفون  مكسات على اندرويد  Rss  Facebook  Twitter