مرثيه في الأب الغالي:
أطلب من الليمن ترجاه ماخاب********** يجير عزا الشايب وكل القرابه
علم يخلي كامل العقل يرتاب ********** كبير ما بين السؤال وجوبه
بعض الخبر يجي مثل قرصةالداب******* لأحد توقع له ولأحد درابه
هذي الدنيا لتفريق الأحباب ************* لحظة ونسنا تغتصبها أغتصابه
ماهي غريبة لزرق الدمع ينساب ********هذاالغياب اللي يسما غيابه
الموت حق ولاكن الموت نهاب********** اللي نهب منا عزيزٍ جنابه
يوم الثلوث اللي غطا الحزن الأنساب ****خيم على العجمان وأزعل عتيبه
جاب الخبر ضيقه وعديت مرقاب *******أنعاك والله يا فقيد الذيابه
مرحوم يااللي جيت من بين الأسباب****** ماروث طيبٍ واصلٍ من هقابه
ياللي طرقت الطيب بابٍ ورى باب******** لين العمر قفه بقايا ركابه
يا كافل الأيتام يحسب لك أحساب********* جزاك عند الله كبير ثوابه
لو غاب شخصك خالد الطيب ماغاب****** اللي كسبهامن بداية شبابه
اللي برز للطيب من بين الأشناب********* شلناه ذكرى ماتواطن غيابه
لو الشعر مكفا ولا خاطري طاب********* الله كفيل العبد يجبر صوابه
لعل يمناً مدها كفل الأرقاب************* في جنة الفردوس تأخذ كتابه
*******************
أرجوا من كل من يقرأ القصيده يدعوا لوالدي با الرحمه والمغفره وأن يغمد روحه
في الفردوس الأعلى وشكراً..........................................




اضافة رد مع اقتباس

المفضلات