المعدية
على البحر رايحة
على البحر جاية
لوعدى حبيبى هدى شوية
شيلى آهاتة لبى حاجاتة
دارى عيونة خبى شجونة
ولو مرة خبى عنك همومة
هتلاقى بصمة على شفايفة
انا برضة حالف
لو مرة خالف
هأفضل أحافظ على ودى دايما
---------
انا فى انتظارة على الناحية دى
شايل زهورة حامل همومة
كاتم فى قلبى لوعة غيابة
كاتب فى شطة كلمة بحبك
راسم فى شجرة لحظة لقانا
خايف لسهمك يكون لغيرى
انا برضة حالف
لو مرة خالف
هافضل احافظ على ودى دايما
--------
انتى اللى عارفة
انتى اللى شايفة
حبى واهاتى المى وعذابى
خوفى وظنونى وجدى وشجونى
هابعت معاكى فى كل مرة
وردة حنانى بتقول بحبك
بهديكى روحى وقلبى وعنيا
ضامم جروحى مابين ضلوعى
ولو مرة خالف
انا برضة حالف
هافضل احافظ على ودى دايما



اضافة رد مع اقتباس





المفضلات