سلام عليكم و رحمة الله و بركاته
قبل كل شي بغيت اقول لكم اني عرفت هذا المنتدى عن طريق واحد من ربعي
و لليوم يقول لي لا اتقول لهم انك تعرفني ما ادري ليش بس احترم قراره هذا
و سجلت فيه على اساس اني اضيع وقت الفراغ فيه لان كل ربعي منشغلين بالدراسه الا انا فاضي
يعني ما حطيت في بالي اني افوز بوسام(افضل ردود في قسم نور و هدايه) ولا شي من هذا النوع
ولا ان اتكون لي شعبيه فيه ولا اتوقت حد ينتبه ولا يقدر وجودي في المنتدى
و الصراحه ما اتوقعت المنتديات اتكون جذي قصدي تبادل افكار و خبره و احترام و صداقات و .....الخ
اتوقعت انه يكون (قول رايك و اطلع محد له دخل فيك)
بس مع الايام اكتشفت انه عكس الشي الي كنت حاطنه في بالي
------------
و في شي ثاني يخص العضو (سلطعون او سلطان)
اخوه رد علي و رمسته شخصيا بالمسنجر و بعدها بالتلفون قال في رسالته لي:
و انا اقول يعود الفضل لله ثم لدعائكم له بالشفاءحبيت اطمنكم عليه صحته لا بأس بيها احسن من قبل بس بعده شوي يتحسن و شوي يمرض
الدكاتره يقولون ان حالته تتحسن بس شوي شوي و جسمه يقاوم المرض عشان جذي يمرض و يصح لاكن احسن من ان تتدهور صحته على طول مثل قبل
لاكنه احسن من قبل و يتكلم بس مانعينه من انه يجهد نفسه و امخففين الزيارات
و طمنونا عليه و قالو زال الخطر عنه الحمد لله رب العالمين
------------
و مثل ما عطيت مراقبة قسم (نور و هدايه) Muslem Mulan كلمه
اني برد على المواضيع قسم نور و هدايه عشان احس اني مب امقصر
و عشان اكون فعلا استحق وسام (أفضل ردود في قسم نور و هدايه)
يعني ان شا الله كل ما تسمحلي الفرصه اني ادخل بشوف مواضيع القسم
و بشوف الموضوع هذا شو صار عليه
-------------
نرجع لسبب طلعتي
من فتره و انا اقول لمجموعه منكم ان دخلتي المنتدى بتقل عن قبل
و ما بدخل هذا القسم من بعد هذا الاسبوع تمام؟
انا بقول لكم سالفتي
الله يسلمكم انا من اتخرجت من الثانويه و انا ادور على وظيفه
و من يومها للحين صارت سنتين
و كل احداث حياتي متوقفه بسبب الوظيفه
من هذي الاحداث ( بتزوج -بعد اربع سنوات من الوظيفه- , بكمل اقصاد سيارتي عن الوالد -تقريباً 6 شهور من الوضيفه- , بشتري السياره الي عايبتني -بعد الزواج طبعاً ..... الخ )
المهم أخيراً و بعد صبر سنتين لقيت وظيفه مناسبه الحمد لله و مثل ما ابا ( يعني بدون واسطات)
و هذا الظرف الي بيمنعني من الدخول
يعني كلها 4 سنوات و بعرس
بس ما بعزمكم على عرسي بتسوون لي زحمه
هههههههههه
اتغشمر
و اذا ضايقت حد في يوم اتمنى انه يسامحني ولا ما بتوفق في شي
وصلو سلامي لكل الي شفتهم في هذا القسم و منهم:
MUMMY
THIN UGLY
فهودي
عاشق تركيا
فارس القمر
عاشق التحدي
ويروس
كيتوكيد
اسحاق
Zhao Yun
{سيف}
squal
Golden_Boy
christian vieri
ريكى مارتن وبس
جورج كلوني
عطر البحر
..sola
LARA_CROFT
Blue banshee
جنية الخط السري
@ليالي@
x أليكــــalexaـــسا x
Al Baronah
ادري اني ناسي وايدين , الي نستهم سامحوني لاني ما كنت ادخل وايد فما اذكر وايد اعضاء
اتمنى التوفيق للجميع
اخوكم : عـيـسـى (Black Rose )
المفضلات