[Glow]الجمهره [/Glow]
أي بالله اخطوا والخطا اللي جابهم عين الصواب
مبطى وانا اشوف الطمع يكشف رداهم واستره
ما يملى عيون الحسود بها الزمن غير التراب
ومن لا يتوب من الخطا تحرم عليه المعذره
اللي من اولها خراب اكيد تاليها خراب
والبندق اللي ما تثور في هدفها تذعره
ودك الا من جاتك الغلطه من الناس الاقراب
الصاحب اللي ما كسبت محبته ما تخسره
مشكلتي اني ماعرفت احسب لصدتهم احساب
قلبتهم صدري على ذكري قصيد و حنجره
صوتن يصول بمبره وخطاب ما بعده اخطاب
والطيبه اللي زعزعت صوت الخطيب ومنبره
ما فيه دمعن صوبوه احبابي بوجهي وخاب
ولا زرق حزني على غالي ولا فج انحره
كل الزهاب اللي معي ذكرا من اصحاب الزهاب
واللي بقى لي من عذاب اشرس طريقي واخطره
لاني تجنبت الغرق عديت من فوق السحاب
لان اكثر اصحابي ورق ما شفت لطيب اثمره
والله ما حطيت بين الحقد والخوه احجاب
حتى غدوا ربعي يحدوني على الضيق اشكره
البارحه ثارة علي ارقاب واوتني ارقاب
البارحه يا ثقل دم البارحه ويا محقره
اهب ياوجه الحسد وشلون جمعهم وغاب
كيف السنين اللي عطتني بعثرتهم بعثره
اثر المصايب ما تجيك الا من الناس الاقراب
وبالزمن حتى الخوي اللي تثق فيه احذره
لا بارك الله في رفيقن تزعله كلمة اعتاب
ولا جمع الله الرجال اللي تفرقهم مره
عودت نفسي كل ما شددت لليمه اركاب
ما صد وجهي عن طريق الا ليا جبت اخبره
الصاحب اللي ما يجي من صحبته غير العذاب
نذرن على ان ما هجرني والا انا اللي بهجره
من يفتح لفرقاي باب افكه عشرين باب
واذا خويي ما يقدر خوتي ما قدره
ان روحوا فانا بري منهم ليوم الحساب
وان جرحوا قولولهم ما حركوا في اشعره
شفهم لهم حول السنه ولا خذوا منى جواب
احسن دواء للي يحاول يستفزك تحقره
انا جمعت اوراقهم بكتاب واغلقت الكتاب
يا وقت لم اللي تلمه وانثر اللي تنثره
ما كنت احاتيهم اصغير عاد احاتيهم شباب
ان ما ذخرني صاحبي لليوم الاسود ما اذخره
عقب اكتئاب البارحه ما عاد انا حمل اكتئاب
الطيب جرجرني وانا ما نيب ناقص جرجره
اللي يخاف من الظما يترك لنا طرد السراب
واللي مهوب قد الظلام ووحشته لا يسهره
انا تجرعت الظما لين احترق وجهي وذاب
انا كسرت بخاطري قبل الصداقه تكسره
انا خسرت اللي غيابه غير عن كل الغياب
انا غفرت لعالمن ما تستحق المغفره
انا اكثر انسانن تعلم من كثر ما اخطي واصاب
انا اخر الساني تكلم في زمان الثرثره
انا القصيد اللي نزع من دفتره مليون نار
وانا الوحيد اللي جمع مليون نار بدفتره
جفني وجرحه السهر
حيلي وهدته الصعاب
دمعي هدر
ضحكي ندر
عمري وضيعت اكثره
شيبت بعقول العرب
هيبت رووسن ماتهاب
جمهرت ناس عمرهم ما يعرفون الجمهره
ماصرت ذيب الا لان اللي حواليني ذياب
ما كنت اغيب الا لان العفو عند المقدره
ترا حلاتك لا حملت لصاحبك كلمت اعتاب
اما نطقت ابها بوجهه ما تذمه بظهره
في هالزمن ما يملي عيون الحسون الا التراب
والا الحضيض الطلقه اللي ما تصيبه تذعره
ودك الا من جاتك الغلطه من الناس الاقراب
الصاحب اللي ما كسبت محبته ما تخسره
لشاعر ::::::: ((( حــــــــــــامد زيــــــــــــــــد )))
المفضلات