السلام وعليكم ورحمه الله وبركاته
اخواني هذه القصيده اعجبتني واحب انقلها لكم وان شاله تعجبكم
الله اكبر كيف تخدمني الضـروف
لجل بنت شفتهـا بيـن الضيـوف
من بنات الحور خضبات الكفـوف
حسنها مـع وصفهـا شـي كبيـر
أضحكت لي واشرت بنت الحـلال
وارمشت بالعين غمـزة مـع دلال
محتواها اثنين حسـن مـع جمـال
ليتنـي اكسـب رضاهـا بالمسيـر
وقفـت قالـت تكلـم باختـصـار
أتعبتنـي وقفتـي طـول النـهـار
لو تقول وش انت مـن أي الديـار
ما يهم ان كنـت تاجـر آو فقيـر
قلت آنا يا بنـت مـن دار الكـرام
من لفانـا قاصـدآ يلقـى احتـرام
حبنـا للضيـف تقديـر وســلام
الكرم والجود وعكسه مـا يصيـر
قالت كويتي اضنـي مـا خطيـت
بيـن ممشـاك جـزم لا نـويـت
شيخكم جابر بخيـص بكـل بيـت
ما يداني شوفت احد (ن) مستجيـر
قلت آنا يا بنـت صعـب تعرفيـن
وان عرفتي مـا هقيتـك تبخصيـن
بالقبايـل والعـرب وش تفهمـيـن
يـا هنـوف يجهلـك شـي كثيـر
قالت انت من المحـرق والمنامـه
وان تكلم واحد (ن) يـوزن كلامـه
يمشي بعـز وشمـوخ واستقامـه
الخليفـة ومـن يجاورهـم بخيـر
جعل ربي يحفضك بنت الأصـول
ان عرفتي مقصدي شرحه يطـول
مقصدي واضح ولا ضنـي يـزول
لكـن اخطيتـي بتحديـد النضيـر
قالت الشكوى على الله مـن قطـر
ياعسى سقياها سيـل مـن مطـر
الفخر فـي أصلهـم كـل الفخـر
ديـره ال ثانـي عساهـا تستنيـر
قلـت والله حيـرونـي هالبـنـات
ذكرهم بالخير فـي كـل الصفـات
الحقيقة صعـب تحديـد السمـات
بس تـوك مـا وصلتـي للستيـر
قالت الظاهر عرفتـك مـن بعيـد
وش يفيد ان قلـت والله مـا يفيـد
دار زايد يـا عسـى خيـره يزيـد
هي ديار العـز والخيـر الوفيـر
قلت والله منيتـي فـي دار زايـد
التمني وان حصل صعـب وكايـد
هم هل الفزعـات وأهـل للشدايـد
شيخهم زايد ولـه قـدر(ن) كبيـر
قالت اسمـع لا تفـارق هالمكـان
ولا تحاول لو يطول ابـك الزمـان
حد علمي من صلاله فـي عمـان
انكشفـت وبيـن السـر الخطيـر
قلت والله مـا وصلتـي للجـواب
وكل وصفك جاوز حدود الصعاب
يا عسى مسقـط يغطيهـا سحـاب
وتزدهر بالخير فـي جـو مطيـر
قالت سعودي ووصفك مـا يضيـع
هم هل الشيمة وأهل قدر(ن) رفيـع
كل بيـت شامـل حـب الجميـع
ديره ابن سعـود يحسـب للمجيـر
قلـت والله فـي كلامـك صادقـة
ديرتي يا بنت الشرقيةوشمس شارقة
كما سحاب ومزن شعشـع بارقـة
مملكة والجـود فيهـا مـا يحيـر
أضحكت ضحكة وقالـت واهنـي
مـن بقربـك لـو بساعـة يهتنـي
والعتيبـي صعـب راسـه ينحنـي
وان حنـى راسـه يعلـه للكسيـر
اضافة رد مع اقتباس
المفضلات