طبعا الطريقة يمكن معروفة بالنسبة لكم بس حاولتوا تنفذوها؟ انا جربت مع نفسي لقيت صنع النيمي صعب وشاق بطريقة جامدة والطريقة عايزة حد غاوي ومتفرغ تماما من اي اشغال جانبية يعني بمعنى اصح تشتغل انيمي
انا بقى بمساعدة البرامج البسيطة اللي عندي في الكمبيوتر واللي موجودة عندكم لقيت ان احنا نقدر نعمل انيمي بيها وان شاء الله بعد ما اخويا يخلص اختبارات هنالف قصة قصيرة انيمي ونفرجها لصحابنا
المهم اكتشفت ان اقل مشهد بنشوفه في الكرتون ما بياخدش اقل من ساعة في صنعه (للمحترف السريع) فما بالكم بالبدائيين اللي زي حالتنا؟ ولعلمكم صنع الانيمي ده مش هيافة ولا حاجة ولا اللي بيعمله عقله صغير زي مالبعض مفكر لالالالالا ده من اصعب الصناعات ومحتاج عقل ذكي ونشط ومبدع وعنده ذوق
يللا بقى اقولوكم انا هعمل انيمي ازاي
الادوات:
photoshop programme - image ready programme - windows movie maker
وسكانر ومايك (مايكروفون) و ورق ابيض حلو وقلم والوان لو عايزين
واللي عنده برامج بديلة بس بتؤدي نفس الوظيفة مش مشكلة
المتطلبات: موهبة الرسم - تكون محضر قصة - عندك صبر - عندك حس رفيع - سناريو محبوك - تقدر تعمل اصوات عديدة
طبعا انتوا عارفين وظيفة كل برنامج ولا اقولها ؟ هقولها
البرنامج الاول برنامج معالجة الصور واللي بيعمل خدع واعتقد انه غني عن التعريف والبرنامج التاني ده تبع الفوتوشوب (بينزل معاه في التثبيت) وده اللي بيعمل صور متحركة بصيغة
gif
والبرنامج التالت برنامج حلو اوي بيركب الصور على الاصوات والعكس وبيعمل فيديو كليبات وبيقسم المشاهد وغيرها من الميزات
بصوا ما تهوش احنا هنعمل انيمي متحرك صوت وصورة مش صنم ارجو ان ماحدش يتوه عن الهدف الاصلي للموضوع
هاتوا بقى ورقة وقلم وارسموا الشخصية بتاعتكم او اللي من تاليفكم
عشان تخلوا الموضوع طبيعي مثلا انتوا عايزين الشخصية تدور راسها لازم تعملوا تدريج وحتة حتة وكل خطوة في صورة
وادي المثال البسيط ده وده عبارة عن رسم كروكي لولد عايزه يحرك راسه
هكمل بعد شويه
المفضلات