(( سامحيني ))
السلام عليكم ورحمة الله وبركاته
انشالله الأعضاء مرتاحين ومبسووطين ؟
دووم
عندي قصة... طبعا نزلت حصريا على منتدى rap-3raby
وحبيت انقلها لكم...
القصة من تأليفي !! تأليفي انا.. لحد يقول تأليفه بليييز حقوووق الطبع محفووقه ل Darkya
او unwanted
او John cena12
لي وايد مسميات.. المهم
راح انزل جزئين في اليوم او كذا.. على حسب التفاعل مع القصه
(( سـامحيني ))
لولوة: يمااااااااا !! يماااا !!! يماااا اشفيييج ما تردييين علي !!
أم محمد : وصمه تصم العدو انشالله ! اشتبين يالسعلوة ؟
لولوة: انا سعوله ؟ =( يما يووووعااااانه حدي نجبي الغدا ولي يسلمج
أم محمد: لا لولو ما اقدر عمج خالد وعياله ياين على الغدا اليوم
لولوة: انزين يما تكفين ولي يسلمج بس آكل اشوي ماني قادره اصبببر !
ناصر: لولو يالمزعجة ! قعدتيني من نومي ! (ينزل من الدري)
أم محمد: هلا نصوري هلا حبيبي تعال يمه اقعد يمي (تطق على القنفه الي يمها)
لولوة: اي نصور حبيبج وانا بنت الغسااله اوكي اوكي (وتتخصر - تلف وتصعد الدري)
أم محمد: تعالي لولو وين رايحة...
لولوة: بروح انسدح اشوي.. اذا نجبتو الغدا نادوني
-----------------------------------------------------------------------------
بيت بو وليد (( العم خالد ))
بو وليد: يالله يا ام وليد خلصينا تأخرنا عليهم صارت الساعة 2 !!
أم وليد: كاني يا خالد ما تصبر اشوي..كاني ثوااني واطلع (تعدل شيلتها)
ساره: يما يما يما !! زين شكلي ؟( وتلف)
ساره كاشخه بنفنوف وردي شكله حلووووو يشووق عليها مطلع برائتها كلها
أم وليد: يا حلاتج والله تهبلين جنج البخت
سالم: وانا يما انا شلون شكلي ؟
سالم كاشخ بالدشداشه
أم وليد: حشى ولدي كبر وصار ريال
بو وليد: يالله يا جماعة ترا انا بالسيارة (ويمشي)
أم وليد: يالله يا حصة !! يالله يا وليد امشو تأخرنا على عمكم يالله
حصة: كااني كاااني !! (تركض تنزل من الدري)
وليد: يمه انا وراج اشفيك كاني والله !
-------------------------------------------------
أعرف لكم الشخصيات اشوي
عايلة بو محمد (عبدالله)
عبدالله: ريال محترم وخووش واحد... عنده شركة مقاولات وبنك بتركيا... رجل اعمال معروف بالكويت وبرا الكويت ... وايد يساافر ويحب عيالهم كلهم.. ما يفرق بينهم كلش
أم محمد ( شيخة)
بنت ناس محترمة تحب اهلها كلهم وتحب تيمع الناس اب بيتها وتشووف عيالها حواليها
تحب كل اعيالها بس تفضل ناصر ولدها الصغير لانه على اسم ابوها
محمد: اكبر عيال عبدالله وشيخة ويشتغل بشركة ابوه.. مو متزوج عزوبي بس ما عنده سوالف مجمعات وبنات وهياته.. حب مره بحياته وكره الحب من بعدها (عمره 25 سنة)
لولوة: بنت الوسطى يعني ضايعة لا من حنان الأم ولا حب الأبو... مع انه ابوها مو مقصر معاها لكن ما يعجبها شي.
حبووبة حييل بس لسانها متبري منها... الي بقلبها على لسانها تقوله على طول صريحة حييل... عمرها 19 سنة بثاني سنة جامعة
ناصر: آخر العنقوود حبيب امه دلووعها محد بالبيت يقدر يجييسه إلا وزفتهم أم محمد.... هايت 24 ساعة ما يدري عن البيت ولي رجع نام طول الليوم... كله شاليه ولا دوانيه ولا مجمعات.. من سيارة لي سيارة ومن بنت لي بنت
عمره 18 سنة
-------------------------------------------------------------
عايلة بو وليد (خالد)
خالد: أخو عبدالله الصغير ومع بعض على طول... هم عنده شركة لكن شركة سيارات يحب عياله وايد لكنه معضم الوقت غايب عنهم...
أم وليد(ريم): بنت خالت شيخة (ام محمد) ورفيجات من عمر.. حيل استانست لما درت انه الي خاطبها اخو ريل بنت خالتها... ووافقت على طول.. تحب عيالها بس وايد تسافر... تحب تشوف الدنيا...
وليد: الولد الكبير عمره 21 سنة محترم لكنه اشوي قليل الأدب على امه هههههه توأم حصة
حصة: عمرها 21 سنة (اكيد) توأم وليد... حيل مع وليد وتحبه وايد... حبوبه وطيبة وكشيخه ما تحب إلا الرزه
سالم: عمره 17 سنة... آخر سنة ثنوية لكنه اشوي مهمل ما يحب الدراسه... وايد يطلع ويحب ربعه والواجب...
على طوووووول لي اتصلو عليه قالو فلان عنده عرس أول واحد ارتز
سارة: آخر العنقوود دلوعة الأم... عمرها 15 سنة بنت حليوه وحبووبه لكنها اشوي دفشه... تحاول انها تخفف من هالشي وتتدلع لكن للأسف ماكو فايدة
الجزء الثاني ...
وصل بو وليد وعايلته بيت اخوه عبدالله...
أم محمد: حي الله من يانا زارتنا البركه نور البيت نور
أم وليد: منور بأهله يا شيخة شلونج شخبارج عساج بخير ؟
أم محمد: والله تمام الحمدلله انتي شلونج وشلون العيال ؟
أم وليد: والله بخير الله يسلمج كاهم شوفت عينج...
أم محمد: مشالله تبارك الرحمن والله وكبرت يا سلووم
سالم: خالتي ! انشالله ما تفشليني جذي يعني ؟؟
أم وليد: يا حماار استح على ويهك عيب تكلم خالتك جذي
أم محمد: ويييه ما من غريب عادي
حياكم تفضلوو ...
لولوة: عمي خاااالد !! مشتااقتلك وينك كله مسافر مسافر مسافر ؟
بو وليد: تعرفين شغل شنسوي بعد
لولوة: زين مدام انت رجعت من السفر ! وين الهدايا ؟
أم محمد: عيب (تطق لولو) استحي يا بنت
لولوة: يما عادي عمي اشفيييج مياانه خلج كووول
ناصر: شلونك سلوم ؟ شخبارك ؟ شمسوي ؟
سالم : والله تمام الحمدلله انت شلونك ؟ تعال بغيت اسألك شلون شباب الشاليه ؟ من زماااااان ما شفتهم
ناصر: اي يسألون عنك يقولون لي ولد عمك قاطع
سالم: اي والله ودي امرهم من زمااان ما قعدت معاهم
لولوة: سلوووم !!
سالم: شتبين ؟
لولوة: شلونك ؟
سالم: تمام الحمدلله
حصة قاعدة مع وليد يتساسرون ... في بينهم شي... وطبعا مثل ما تدرون اهما قراب من بعض ويعرفون اسرار بعد..
سارة: حصووون ! ولود !!! شقاعدين تقولون ؟
حصة: يالملقووفه ذلفي عن ويهي
ناصر: ساروونه.. تعالي ابيج بموضوع اشوي
سارة :ها .. انزين كاني ياايه
الحريم قامو يسولفون مع بعض... والريايل مع بعض... حصه ووليد بينهم شي... بس شنو ؟ محد يدري
وناصر سحب سارة صووب يبيها بموضوع...شنو هالموضوع ؟؟
ترقبو البقية =)
اضافة رد مع اقتباس
المفضلات